Almannavarnanefnd

Grímur lagði til að Einar Sigurjónsson, aðalvarðsstjóri, yrði kjörinn formaður og Ásgerður K. Gylfadóttir til vara.
Samþykkt samhljóða.
Einar tók við fundarstjórn.

Hjalti upplýsti að unnið sé að fjárhagsáætlun og hún verði tilbúin fyrir næsta fund nefndarinnar. Upplýst var á fundinum að aðrar almannavarnarnefndir í lögregluumdæminu leggi til 100 kr pr í íbúa í annan kostnað sem geti meðal annars nýst við undirbúning og framkvæmd æfinga. Nefndin leggur til að unnið verði samkvæmt því í fjárhagsáætlunarvinnunni.

Grímur ræddi um að víðast væri slökkviliðsstjóri með setu í almannavarnarnefndum. Hjalti upplýsti að samþykkt um stjórn og fundarsköp væru í endurskoðun og erindisbréf ýmissa nefnda samhliða. Taldi að endurskoðun samþykkta fyrir almannavarnarnefnd ætti heima í þeim farvegi. Fundurinn sammála að rýna samþykktir nefndarinnar og leggja til breytingar á næsta fundi. Formaður mun halda utan um tillögur að breytingum og undirbúa fyrir næsta fund.

Bjarki Oddsson gerði grein fyrir atviksáætluninni og helstu breytingum sem gerðar hafa verið á henni. Áætlunin lögð fram til samþykktar.
Samþykkt samhljóða.

Hjalti gerði grein fyrir fundi sínum með fulltrúum lögreglunnar í aðdraganda fundarins um ýmis samstarfsverkefni og var þar nefnt samstarf um löggæslumyndavélar, drónaverkefni og verkefnið Öruggara Suðurland. Þá nefndi hann að mál sem sérstaklega eigi erindi við Almannavarnarnefnd hafi verið rædd, eins og mögulegt berghlaup úr Svínafellsheiði, undirbúning að björgunarmiðstöð í Öræfum og bætt fjarskipti.
Grímur sagði að komið væri að endurnýjun og dýpri vinnu við rýmingaráætlun vegna náttúruvár í Öræfum.
Ásgerður lagði áherslu á að hætta á skriðum úr Hvalnes- og Þvottárskriðum væri undir stöðugri vöktun í vatnsveðrum.
Bjarki gerði grein fyrir starfi sínu sem verkefnastjóri almannavarna og helstu verkefnum sem eru á döfinni.
Nefndarmenn eru sammála að fá kynningu frá Veðurstofunni á stöðunni í Svínafellsheiði og Vegagerðinni um vöktun á Hvalnes- og Þvottárskriðum á næsta fundi.
Nefndin sammála um að funda að minnsta kosti fjórum sinnum á ári og næsti fundur verði þriðjudaginn 1. desember kl. 14.00.