Atvinnu- og menningarmálanefnd

Vonir standa til að með þeim aðgerðum stjórnvalda að lengja í hlutabótaleiðinni um tvo mánuði og framlengja í greiddum uppsagnarfresti úr þremur mánuðum í sex mánuði þá komi ekki til langvarandi atvinnuleysis á svæðinu. Það er þó ljóst að mikil óvissa ríkir á atvinnumarkaði innan Sveitarfélagsins Hornafjarðar, sérstaklega í ferðaþjónustu sem er ein stærsta atvinnugreinin í sveitarfélaginu. Hefur atvinnu- og menningarmálanefnd áhyggjur af stöðu mála og mun fylgjast grannt með þróun atvinnumála í sveitarfélaginu.

Í markaðsherferðinni sem bar yfirskriftina "Ríki Vatnajökuls býður heim í sumar" var lögð áhersla á að í Sveitarfélaginu Hornafirði væru fjölmörg fjölskyldurekin fyrirtæki sem bjóða upp á persónulega og fjölskylduvæna þjónustu. Markaðsherferðin var að mestu stafræn, en einnig voru keyrðar auglýsingar og greinar á prentmiðlum og útvarpi. Markvisst var unnið með að styrkja vörumerkið "Visit Vatnajökull", bæta við myndabanka svæðisins og skapa vitund um svæðið í gegnum mismunandi blogg skrif. Enn er unnið að því að styrkja myndabankann, og þá með áherslu á mannlífsmyndir.

Einnig var unnið að því að gera áfangastaðinn meira aðlaðandi með einföldum leiðum eins og að útbúa stensla til að mála eftir með mótífum héðan af svæðinu og fleira til að skapa skemmtilega stemmingu. Það liggja ótal tækifæri í slíkum verkefnum og tilvalið að nota veturinn til að kortleggja þau til að framkvæma næsta vor.


Herferðin náði mikilli dreifingu og stefnan var að herja á erlendan markað nú í ágúst. Vegna aukningar í covid smitum eru ekki aðstæður til þess sem stendur, en hinsvegar er markaðsefnið til með enskum texta og því hægt að koma því í dreifingu á erlendan markað með litlum fyrirvara.

Unnið hefur verið með tvo Instagram reikninga, annar fyrir ferðamenn í gegnum Visit Vatnajökull og hinn fyrir íbúa og aðra áhugasama í gegnum Sveitarfélagið Hornafjörð. Ferðaþjónustuaðilum býðst að taka instagram reikning Visit Vatnajökull yfir í heilan dag og sýna frá sinni starfsemi, og að sama skapi gefst íbúum kostur að gefa innsýn í daginn sinn í gegnum instagram reikning sveitarfélagsins. Eru áhugasamir hvattir til að hafa samband við atvinnu- og ferðamálafulltrúa í netfangið ardis@hornafjordur.is ef áhugi er á að vinna með annan hvorn reikninginn.


Ef aðstæður leyfa, hefur sveitarfélagið ákveðið að halda ráðstefnu í ferðamálum nú í haust fyrir hagaðila á svæðinu þar sem áhersla verður lögð á að horfa til framtíðar, efla samstarf og samvinnu, sem og huga að vöruþróun og nýsköpun innan svæðisins. Ráðstefnan verður auglýst nánar þegar nær dregur og línur teknar að skýrast.

Atvinnu- og menningarmálanefnd leggur til að unnið verði áfram með þá útfærslu sem starfsmenn kynntu og að gert verði ráð fyrir kostnaði vegna þessa í komandi fjárhagsáætlunargerð. Umræða um áherslur og fjölda skilta, auk þess sem lögð var rík áhersla á að vinna með stílhreina hönnun í vegvísunum sem og öðrum skiltum á vegum sveitarfélagsins.

Starfsmanni falið að leita nýrra leiða til að viðhalda starfseminni.

Nefndin leggur til að helmingur hússins verðir tekinn undir sýningarhald á vegum safna sveitarfélagsins. Einnig leggur nefndin til að fenginn verði arkitekt/hönnuður til að hanna rýmin. Mikilvægt er að fjármagn verði tryggt í verkið til næstu ára. Vinna við skipti á þaki hefst fljótlega og verklok áætluð fyrir áramót.

Nefndin fagnar því að sett verði upp ritnefnd og hefur engar athugasemdir um fyrirhugaðar breytingar.

Lagt er til að söfnunarstefnan verði uppfærð og endurskoðun. Starfsmann falið að vinna áfram að málinu.

Svar fékkst frá Umhverfisstofu vegna fyrri ályktunar Atvinnu- og menningarmálanefndar sem send var á stofnunina þar sem kom fram "Það er í höndum ráðherra að aflétta friðun á tegundum [að fenginni umsögn Umhverfisstofnunar og Náttúrufræðistofnunar] Lagt er til að við leggjum tillögur um breytt veiðitímabil á helsingja beint fyrir ráðherra". Starfsmaður nefndar fylgir fyrirmælum stofnunarinnar og mun senda ályktun nefndarinnar sem tekin var á 15 fundi Atvinnu- og menningarmálanefndar haldinn 27.05.2020 undir lið 8. til Umhverfis og auðlindaráðuneytisins.

Nefndin samþykkir framlagða áætlun og fagnar grósku miklu starfi safnsins.

Leggur nefndin til að unnið verði að skráningu minnisvarða sveitarfélagsins og ástand þeirra metið með verndun og viðhald þeirra í huga.

Nefndin fagnar hugmyndinni og starfsmanni falið að vinna áfram að verkefninu.

Nefndin fagnar samningnum og starfsmanni falið að vinna áfram að málinu.

Starfsmanni falið að vinna áfram að málinu.