Atvinnu- og menningarmálanefnd

Rætt var um lengingu á opnunartíma Svavarssafns og starfsmanni falið að vinna áfram að málinu.

Framkvæmdum á ytrabyrði Miklagarðs er að ljúka. Hönnunarvinna við næsta áfanga er hafin og stefnt er að því að vinna við næsta áfanga framkvæmda hefjist í haust.

Safnstjóri Svavarssafns lagði til að fest væru kaup á verki Katrínar Sigurðardóttur úr sýningunni Til Staðar sem er þrjár innsetningar í náttúru Íslands og heimildir í formi ljósmynda og myndbands. Hin staðbundnu verk voru unnin á afviknum stöðum í þremur landsfjórðungum. Við Hoffell undir Vatnajökli, á Skarðsströnd við Breiðafjörð og í Svalbarðshreppi í Norður-Þingeyjarsýslu. Hugmyndin að baki verkinu tengist samspili hráefnis sem staðsetningar, mannlegs inngrips og ferlum náttúrunnar sjálfrar. Leggur nefndin til að kaup verði fest á því verki sem tengist sveitarfélaginu.

Sveitarfélagið á útilistaverk sem standa víðsvegar um sveitarfélagið. Unnið er að því að skrásetja þau og forvörður verður fenginn til að meta verkin og ákvarða framhald málsins.

Nefnd felur starfsmanni að vinna áfram að málinu og sjá til þess að reglum byggðasafnsins um lánaúthlutanir verði framfylgt.

Stofnskrá samþykkt.

Lagt fram til kynningar.

Tim Junge grafískur hönnuður og starfsmaður Menningarmiðstöðvarinnar hefur unnið að hönnun nýs merkis fyrir stofnunina. Nefndin samþykkir nýtt merki Menningarmiðstöðvar Hornafjarðar og þakkar starfsmanni vel unnin störf.

Tvö félög sinna málefnum ferðaþjónustunar í sveitarfélaginu. FASK sinnir hagsmunagæslu ferðaþjónustufyrirtækja í sveitarfélaginu og Ríki Vatnajökuls ehf. sinnir markaðsmálum fyrir sína hluthafa sem og svæðisins og ímyndasköpun fyrir sveitarfélagið í heild. Félögin tvö hafa með sér gott og mikið samstarf og óskað er eftir auknu samstarfi við sveitarfélagið og lagt er til að formenn beggja félaga ásamt atvinnu- og ferðamálafulltrúa fundi reglulega.

Lagt fram til kynningar

Lagt fram til kynningar.