Atvinnu- og menningarmálanefnd

Finna má fyrir jákvæðni í ferðaþjónustunni. Fyrirtæki hafa verið dugleg að nýta styrki og hlutabótaleiðir VMST til að styrkja sín fyrirtæki og ráða til sín starfsmenn en rekstraraðilar hafa fundið fyrir töluverðri manneklu á svæðinu. Eitthvað má finna fyrir áhyggjum af haustinu og næsta ári vegna óvissu á Asíumarkaði og hvernig staðan verður gagnvart heimsfaraldri.

Björn Þór Imsland ræddi við nefndarmenn um fyrirhugaðar framkvæmdir og hönnun Miklagarðs.

Atvinnu- og menningarmálanefnd óskar eftir auknu stöðugildi svo hægt verði að lengja opnunartíma Svavarssafns.

Humarhátíð 2021 var haldin hátíðleg síðastliðna helgi og gekk hátíðin vel fyrir sig. Fleiri viðburðir eru skipulagðar yfir sumartímann og verða þeir auglýstir á helstu miðlum Menningarmiðstöðvarinnar. Atvinnu og menningarmálanefnd þakkar starfsfólki Menningarmiðstöðvarinnar fyrir utanumhald og skipulag Humarhátíðar ásamt því að þakka öllum þeim sem lögðu hönd á plóg.

Niðurstöður samkeppninnar "Myndatökusvæði á Höfn" er nú kunn og var það Sigþór Jónsson sem sigraði keppnina og óska nefndarmenn sigurvegara til hamingju. Vinningstillögu má sjá í glugga Menningarmiðstöðvarinnar.

Atvinnu- og menningarmálanefnd samþykkir starfsstefnu Menningarmiðstöðvarinnar án athugasemda og vísar til bæjarráðs.