Atvinnu- og menningarmálanefnd

Nefndin þakkar Snæbirni fyrir áhugaverða kynningu á fyrirhuguðum sýningum og tillögu um að breyta bílastæðum í porti við Ráðhús/Svavarssafn í útivistarport, ásamt því að lagfæra innganginn og gera hann hjólastólafæran. Nefndin vísar tillögunni til Bæjarráðs.

Lagt fram til kynningar.

Styrkjasjóður Atvinnu- og menningarmálanefndar opnar fyrir umsóknir í sjóðinn í nóvember og hvetur nefndin einstaklinga og félagasamtök að senda inn styrkumsókn.
Úthlutunarreglur má finna á síðu sveitarfélagsins.

Þann 24.10.2022 voru 33 skráðir í atvinnuleit:
780: 19 og þar af 1 í AMS
781: 11
785: 3

AMS: Atvinnuleit með stuðningi.

Búið er að leita tilboða í prentun Skaftfellings og vonast er til að hægt verði að koma næsta tölublaði í prentun fyrir næsta fund. Nefndin ræddi framtíð útgáfunnar. Nú eru margir farnir að lesa blöð og tímarit í vefútgáfu og það væri hægt að búa til undirsíðuna Skaftfellingur á síðu Héraðsskjalasafnsins á vef Menningarmiðstöðvarinnar, með því móti væri hægt að birta greinar þegar þær berast í stað þess að láta greinar bíða þar til nægilegt efni hefur safnast til prentunar. Málinu er vísað til umfjöllunar í öldungaráði.

Unnið er að skráningu útilistaverka og minnisvarða í sveitarfélaginu og hvetur nefndin íbúa til að senda upplýsingar um verk í þeirra nágrenni á netfangið menningarmidstod@hornafjordur.is

Söfn innan Menningarmiðstöðvar Hornafjarðar eru viðurkennd söfn og lúta því þeim lögum sem skilgreind eru fyrir söfn stofnunarinnar, þá er viðburðahald einnig stór hluti starfsemi stonfunarinnar sem halda þarf utan um. Nefndin leggur til að skerpt verði á skilgreiningum, starfsemin verði aðgreind og að fjárhagsrammi hvors um sig verði skýr: Að nýtt starf verið skilgreint til að annast viðburðastjórn og að nauðsynlegt fjármagn fylgi.
Nefndin vísar tillögunni til bæjarráðs.