30. fundur

23. ágúst 2017 kl. 17:00 - 19:15

í ráðhúsi

Nefndarmenn

Ragnheiður Hrafnkelsdóttir formaður

Herdís Ingólfsdóttir Waage varaformaður

Kristján Sigurður Guðnason aðalmaður

Erla Rún Guðmundsdóttir aðalmaður

Hlíf Gylfadóttir aðalmaður

Adisa Mesetovic Fulltrúi ungmennaráðs

Starfsmenn

Árdís Erna Halldórsdóttir embættismaður

Fundargerð ritaði:

Árdís Erna Halldórsdóttir Atvinnu- og ferðamálafulltrúi

Dagskrá

1.

Lausnir fyrir sveitarfélög - rafræn gönguleiðsögn

Málsnúmer 201704068

Einar Skúlason sem rekur Wapp-Walking app kemur á fundinn og kynnir þær lausnir sem fyrirtækið býður upp á fyrir sveitarfélög og aðra sem bjóða upp á gönguleiðir. Atvinnumálanefnd bókaði á 28. fundi sínum að Sveitarfélagið skyldi kanna samstarf við Vatnajökulsþjóðgarð varðandi slíkar lausnir. Situr Helga Árnadóttir, aðstoðarþjóðgarðsvörður í Vatnajökulsþjóðgarði því fundinn undir þessum lið.

Wapp-Walking app er snjallforrit sem býður upp á heildarlausnir varðandi gönguleiðir. Það kemur gönguleiðum á framfæri, eykur upplifun göngufólks sem og öryggi þeirra. Atvinnumálanefnd er áhugasöm um þá möguleika sem snjallforritið býður upp á og sér möguleika í því að koma þeim fjölmörgu gönguleiðum sem eru á svæðinu á framfæri með því. Gæti það verið í samstarfi við aðrar stofnanir og fyrirtæki á svæðinu.

Viðhengi

A5_brotinn_bæklingur_sveitarf.pdf

2.

Húsnæði Sláturfélagsins Búa - Vestur hluti sláturhúss

Málsnúmer 201707045

Bæjarráði Hornafjarðar barst erindi frá Sláturfélaginu Búa þann 3. júlí sl. þar sem Sveitarfélaginu Hornafirði var boðið að taka hluta af húsnæði félagsins til leigu. Um er að ræða rými í vesturenda sláturhússins á Höfn, á aðalhæð um það bil 130 til 150 fermetra og á efri hæð um 50 til 60 fermetrar. Erindið var tekið fyrir á 820. fundi bæjarráðs og var atvinnu- og menningarmálanefnd falið að kanna nýtingarmöguleika hússins.

Hluti af atvinnumálanefnd og starfsmaður nefndarinnar fóru í vettvangsferð til að skoða þann hluta sláturhússins sem um ræðir. Neðri hæð hússins nýtist vel til matvælavinnslu og hefur húsnæðið starfsleyfi til slíks.

3.

Markaðs- og kynningarmál á vegum sveitarfélagsins

Málsnúmer 201703098

Ákveðið að vinna að markaðs- og kynningaráætlun fyrir Sveitarfélagið Hornafjörð. Starfsmanni falið að vinna áfram að málinu.

4.

Stefnumótandi stjórnunaráætlun fyrir ferðaþjónustu í hverjum landshluta/Destination management plan (DMP)

Málsnúmer 201609018

Atvinnu- og ferðamálafulltrúi kynnir stöðu verkefnisins, en búið er að setja saman vinnuhóp til að móta áfangastaðaáætlun (DMP) fyrir austursvæði Suðurlands. Fjölbreyttur hópur kemur að vinnunni og samanstendur hann m.a. af fulltrúa landeigenda, íbúa og mismunandi ferðaþjónustufyrirtækja.

Atvinnumálanefnd fagnar góðum gangi í verkefninu.

5.

Styrkir Sveitarfélagsins vegna Jöklaleiðar.

Málsnúmer 201703108

Atvinnu- og ferðamálafulltrúi fer yfir stöðuna vegna styrkja Sveitarfélagsins Hornafjarðar hjá Framkvæmdasjóði ferðamannastaða. Styrkirnir eru vegna Jöklaleiðarinnar.

Öll verkefni sveitarfélagsins sem hafa verið styrkt af Framkvæmdasjóði ferðamannastaða eru að klárast í haust. Ákveðið að starfsmaður leggi fram tillögur að verkefnum fyrir næstu úthlutun.

6.

Afgreiðsla úr Framkvæmdasjóði ferðamannastaða. Umsókn 1510123-Brú yfir Kolgrafardalsá og brú "á milli fella"

Málsnúmer 201604009

Atvinnu- og ferðamálafulltrúi upplýsir um stöðu verkefnisins.

Verkefninu er að ljúka og verður gönguleiðin "Mýrajöklar" opnuð formlega fimmtudaginn 31. ágúst. Verður á ný göngubrú yfir Kolgrafardalsá einnig vígð. Brúin opnar gönguleið frá Haukafelli að Fláajökli.