38. fundur

28. febrúar 2018 kl. 17:00 - 20:45

í ráðhúsi

Nefndarmenn

Ragnheiður Hrafnkelsdóttir formaður

Herdís Ingólfsdóttir Waage varaformaður

Hlíf Gylfadóttir aðalmaður

Erla Rún Guðmundsdóttir aðalmaður

Adisa Mesetovic Fulltrúi ungmennaráðs

Sigríður Lárusdóttir 2. varamaður

Starfsmenn

Árdís Erna Halldórsdóttir embættismaður

Fundargerð ritaði:

Árdís Erna Halldórsdóttir Atvinnu- og ferðamálafulltrúi

Dagskrá

1.

Fjallskilasamþykkt

Málsnúmer 201709281

Unnið hefur verið að nýrri fjallskilasamþykkt í Sveitarfélaginu Hornafirði og voru drög að henni lögð fyrir til umsagnar hjá Búnaðarsambandi Austur-Skaftafellssýslu. Drögin eru hér með lögð fyrir til efnislegrar umræðu hjá atvinnumálanefnd. Nefnd á vegum Búnaðarsambands Austur-Skaftafellinga (BASK)hefur einnig unnið drög að fjallskilasamþykkt og óskaði hún eftir að fá að kynna hana á fundinum.

Atvinnumálanefnd og nefnd BASK fjölluðu um fjallskilamál og efnislega um þau drög sem liggja fyrir frá sveitarfélaginu og BASK. Að því loknu vék nefnd BASK af fundi og var þeim þakkað fyrir komuna.

Starfsmanni falið að samlesa ábendingar við fyrirliggjandi drög sveitarfélagsins og koma samþykktinni í lögformlegt ferli til samþykktar.

2.

Stefnumótandi stjórnunaráætlun fyrir ferðaþjónustu í hverjum landshluta/Destination management plan (DMP)

Málsnúmer 201709112

Drög að Áfangastaðaáætlun Suðurlands lögð fyrir til umsagnar og athugasemda.

Atvinnumálanefnd lýsir yfir ánægju sinni með þá vinnu sem liggur fyrir vegna áfangastaðaáætlunar fyrir Suðurland. Umræður sköpuðust um efnisþætti og vill nefndin leggja ríka áherslu á virkt samtal og samstarf á milli hagsmunaðila ferðaþjónustu eins og lagt er til í áætluninni.

3.

Endurskoðun á ferðaþjónustukafla Aðalskipulags Hornafjarðar 2012-2030

Málsnúmer 201709115

Hjálögð eru drög að endurskoðaðri ferðamálaskýrslu fyrir Aðalskipulag Sveitarfélagsins Hornafjarðar. Lagt fram til umræðu og ábendinga.

Atvinnumálanefnd fagnar vinnu við endurskoðun ferðaþjónustukafla aðalskipulags, enda telur hún hana nauðsynlega til að atvinnugreinin geti haldið áfram að vaxa og dafna. Starfsmanni falið að fara yfir þá segla sem tilgreindir eru í endurskoðunarkafla. Atvinnumálanefnd leggur áherslu á að skilgreina betur stefnu til uppbyggingar ferðaþjónustu í þéttbýli.

4.

Skólaakstur/skólabyrjun: Hugmynd til umræðu

Málsnúmer 201711037

Málið tekið fyrir á 840. fundi bæjarráðs undir fundargerð fræðslu- og tómstundanefndar. Vísað til umræðu í atvinnumálanefnd, m.t.t. til þarfa atvinnulífs í dreifbýli á almenningssamgöngum.

Ekki hefur verið kortlögð þörf atvinnulífsins á almenningssamgöngum á milli Hafnar og dreifbýlis, en vitað er að starfsmenn ferðast töluvert á milli vinnu sinnar vegna. Einnig er voru umræður um þörf á slíkum samgöngum fyrir eldri borgara til að mynda í félagsstarf.