44. fundur

9. október 2018 kl. 16:00 - 18:00

í ráðhúsi

Nefndarmenn

Erla Þórhallsdóttir formaður

Erla Rún Guðmundsdóttir varaformaður

Bjarni Ólafur Stefánsson aðalmaður

Jörgína Elínbjörg Jónsdóttir aðalmaður

Sigurður Einar Sigurðsson aðalmaður

Starfsmenn

Bryndís Bjarnarson

Árdís Erna Halldórsdóttir embættismaður

Fundargerð ritaði:

Árdís Erna Halldórsdóttir Atvinnu- og ferðamálafulltrúi

Dagskrá

1.

Umsókn í atvinnu- og rannsóknasjóð 2017. Landmótun og lífríki í Skúmey á Jökulsárlóni á tímum loftslagsbreytinga.

Málsnúmer 201809050

Kristín Hermannsdóttir, forstöðumaður Náttúrustofu Suðausturlands kynnir niðurstöður verkefnis um landmótun og lífríki í Skúmey á Jökulsárlóni. Verkefnið var m.a. styrkt af Atvinnu- og rannsóknasjóði Sveitarfélagsins Hornafjarðar.

2.

Ríki Vatnajökuls 2018

Málsnúmer 201805083

Lögð fram innsend erindi frá Ríki Vatnajökuls ehf., en samstarfssamningur á milli Sveitarfélagsins og Ríkis Vatnajökuls ehf. er í gildi út árið 2018.

Lagt fram erindi Ríki Vatnajökuls ehf. þar sem óskað er endurnýjunar á samningi við Sveitarfélagið Hornafjörð. Umræður sköpuðust um núverandi samning og stefnu félagsins. Atvinnumálanefnd óskar eftir frekari stefnumótun frá félaginu og einnig upplýsingar um hlutfall rekstraraðila í ferðaþjónustu sem eru aðilar í Ríki Vatnajökuls. Samkvæmt upplýsingum frá stjórnarformanni er áformaður fundur með hluthöfum í nóvember þar sem sveitarfélagið mun kalla eftir frekari upplýsingum.

3.

Fjárhagsáætlun 2019

Málsnúmer 201808068

Lagt fram minnisblað varðandi aukið fjármagn í markaðs- og kynningarmál á vegum Sveitarfélagsins Hornafjarðar.

Minnisblaði vísað til bæjarráðs í áframhaldandi vinnu við fjárhagsáætlun.

4.

Matís og matarsmiðjan

Málsnúmer 201709565

Bókun af 868. fundi bæjarráðs þann 10. september sl.: "Matthildur fór yfir drög að samningi við Matarsmiðjuna. Vísað til áframhaldandi vinnu í atvinnumálanefnd."

Farið yfir drög að samningi við Matís um Matarsmiðjuna. Atvinnumálanefnd felur starfsmanni að vinna áfram að samningi við Matís og leggur áherslu á að vel verði haldið utan um starfsemi Matarsmiðjunnar.

5.

Fundargerðir: stjórnar og svæðisráðs Vatnajökulsþjóðgarður 2018

Málsnúmer 201804010

Fundargerðir svæðisráðs Suðursvæðis Vatnajökulsþjóðgarðs og stjórnar Vatnajökulsþjóðgarðs lagðar fram til kynningar hjá atvinnumálanefnd.

Fundargerðir lagðar fram til kynningar.

6.

Staða á atvinnumarkaði í SVH 2018

Málsnúmer 201804111

Sem fyrr er atvinnulíf á svæðinu í miklum blóma og vöntun á vinnuafli. Samkvæmt samantekt á atvinnumarkaði á svæðinu voru 4 aðilar á atvinnuleysisskrá m.v. ágúst sl. Hefur atvinnulausum fækkað úr 11 manns síðan um áramót. Er þetta um 0,3% af áætluðu vinnuafli á svæðinu, sem telur alls 1391. Hefur atvinnuleysi mælst lágt undanfarna 12 mánuði, en mest farið í 0,8% í nóvember 2017.