Atvinnumálanefnd

Formaður setur fund og býður fundarmenn velkomna.

Starfsmaður kynnti stöðu mála vegna vinnslu atvinnustefnu og hugmynd að verkferlum í tengslum við aðgerðalista. Áhersla er lögð á að ferlið sé lifandi og að íbúar geti fylgst með framgöngu verkefna. Nefndin samþykkti tillögur að verkferlum og fól starfsmanni að fylgja þeim eftir.

Starfsmaður kynnti stöðu verkefnisins "Ræsing" sem samþykkt hefur verið hjá bæjarráði að bjóða upp á í Hornafirði á haustdögum í samvinnu við Nýsköpunarmiðstöð Íslands og atvinnulíf á svæðinu. Undirbúningur og fjármögnun verkefnisins er komin vel á veg. Starfsmaður uppfærir tíma- og verkáætlun og áhersla verður lögð á að kynna verkefnið vel fyrir áhugasömum áður en opnar fyrir umsóknir.

Starfsmaður kynnir að hafnarstjórn hafi ákveðið á 177. fundi sínum þann 16. júlí s.l. að senda tvo starfsmenn sveitarfélagsins á Seatrade skemmtiferðaskiparáðstefnu í Hamborg dagana 9.-11. september n.k. Mun atvinnu- og ferðamálafulltrúi fara á ráðstefnuna ásamt starfsmanni Hornafjarðarhafnar.