Bæjarráð Hornafjarðar

Tillaga er um að auka svigrúm til fjárhagsaðstoðar til að auka möguleika öryrkja til þátttöku í virkniúrræðum velferðarsviðs.

Umsókn um rekstarstyrk fyrir Kvennaathvarfið fyrir árið 2022.

Lagt er til að gerður verið samningur við umhverfisráðuneytið þar sem farið verður í gegnum muni hússins og landeigendur fengnir til að segja frá munum og saga þeirra skráð. Heimilið á Kvískerjum stendur óbreytt frá því systkinin níu kvöddu það eitt af öðru. Í herbergjum hvers og eins er mikið safn persónulegra muna og í mörgum þeirra einnig rannsóknar- og vísindagögn. Í sameiginlegum vistarverum eru bókasöfn, munir og minjar daglegs lífs og fjölmargir listmunir og smíðisgripir systkinanna. Í útihúsum er gnótt áhalda og annarra muna frá langri sögu búsetu á Kvískerju.

Erindi frá Lögreglustjóranum á Suðurlandi þar sem óskað er eftir áframhaldandi samstarfi og ganga frá samningi við Almannavarnir í Árnessýslu um framhald á starfi verkefnastjóri almannavarna. Miðað er við að sveitarfélögin greiði inn í verkefnið kr. 200 per. íbúa. Verkefnið er búið að vera í gangi frá 2015 og hefur skilað góðum árangri.

Breytingar á reikningsskilum gætu átt við um Heilbrigðiseftirlitið og einnig um aðild að Landshlutasamtökum.

Erindi frá Samgöngufélaginu þar sem óskað er eftir ef samstaða næst ætti það að auðvelda að knýja á um að gert verði ráð fyrir búnaði til útsendinga útvarps í þeim göngum þar sem hann er ekki að finna í t.d. næstu samgönguáætlun þótt ekki sé gert ráð fyrir honum í reglugerð.