Bæjarráð Hornafjarðar

Félagslegar íbúðir í eigu Sveitarfélagsins Hornafjarðar eru 40 sem er hlutfallslega há tala miðað við önnur sambærileg sveitarfélög. Í stefnu sveitarfélagsins er að fækka íbúðum í eigu þess skv. reglum um sölu í íbúða í eigu þess. Starfsfólk velferðarsviðs hefur unnið þarfagreiningu undanfarin ár varðandi þörf fyrir félagslegt leiguhúsnæði í sveitarfélaginu og leggur til að seldar verði allt að 6 íbúðir í eigu þess.

Í 24. gr. laga 38/2018 um þjónustu við fatlað fólk með langvarandi stuðningsþarfir eiga allir að hafa kost á að sækja atvinnu- og hæfnistengda þjónustu við hæfi og sveitarfélögum ber skylda til að starfrækja vinnustaði fyrir verndaða vinnu. Í stuðnings- og virkniþjónustu velferðarsviðs er gert ráð fyrir dagdvöl fatlaðra. Dagdvöl á að innihalda iðju við hæfi þar sem einstaklingar koma saman og vinna í verkefnum sem hafa tilgang og stuðla að bættri heilsu og betri líðan. Í starfsemi velferðarsviðs hefur iðja í dagdvöl fatlaðra verið ábótavant og leggur starfsfólk sviðsins til að gerð verði gangskör í þeim efnum og að veitt verði á næstkomandi ári sérstöku fjármagni til efniskostnaðar fyrir slíka iðju.Velferðarnefnd samþykkti að vísa til bæjarráðs tillögu um að lagðar verði 1.000.000 kr.- fyrir starfsemi í iðju í dagdvöl fyrir fólk með fötlun.

Erla greindi frá hugmyndir um sameiginlegt Farsældarráð á Suðurlandi þar sem ekki hefur tekist að koma af samtarfi á þeim vetvangi.

Erindi frá Emil Moravek Jóhannssyni fyrir hönd áhugahóps um kvikmyndir og kvikmyndasýningar sem eru að stofna félag um nýjan Bíóklúbb. Bíóklúbburinn óskar eftir samþykki sveitarfélagsins til að gera Bíóloftið að veruleika í sýningarsalnum í Sindrabæ.Þá óskar Bíóklúbburinn einnig eftir fjárhagslegum stuðningi við útlagðan kostnað við tækjakaup á meðan önnur fjármögnun fer fram.

Endurnýjun á samningi við Björgunarfélag Hornafjarðar. Með samningnum er ætlað að efla samstarf Sveitafélagsins Hornafjarðar og Björgunarfélags Hornafjarðar, þannig að tryggja öflugt almannavarna, félags- og öryggisstarf í sveitarfélaginu. Helstu breytingar á samningnum eru að skoða framhaldið á því varðandi nýja björgunarmiðstöð. 13. gr. er ný grein þar er greint frá að vegna uppbyggingar björgunarmiðstöðvar félagsins við Sæbraut skuldbindur Sveitarfélagið Hornafjörður sig til að styrkja BH fyrir innviðagjödlum sem snúa að greiðslum til sveitarfélagsins.

Veigamikill þáttur í vinnu innviðaráðneytisins felst í undirbúningi stefnumótunar stjórnvalda á málefnasviðum ráðuneytisins á sviði byggða-, húsnæðis-, samgöngu-, skipulags- og sveitarstjórnarmála.Eftir víðtæka gagnasöfnun hefur grænbók í sveitarstjórnarmálum með stöðumati og valkostum sveitarstjórnarstigsins til framtíðar litið dagsins ljós í samráðsgátt stjórnvalda. Grænbókin byggir á stefnumótun stjórnvalda, upplýsingum frá hagsmunaaðilum og víðtæku samráði við á fjórða tug sveitarfélaga. Einnig er lögð fram skýrsla verkefnisstjórnar um starfsaðsætður kjörinna fulltrúa og leiðir til að efla starfsaðstærður þeirra.

Með frumvarpinu er lagt til að hætt verði að miða stofn álagningar fasteignaskatts við fasteignamat og þess í stað verði sá skattur framvegis lagður á sem tiltekin fjárhæð á hvern fermetra flatarmáls fasteigna sem er föst, hlutlæg og fyrirsjáanleg stærð.

Umsókn Björgunarfélags Hornafjarðar um lóð að Álaleiru 6.

Humarhöfnin ehf. óskar eftir að skila inn lóð M í Óslandi.