Bæjarráð Hornafjarðar

Erindi frá Sambandi íslenskra sveitarfélaga, með samkomulagi við ríkið um breytingu á fjármögnum þjónustu við fatlað fólk.Samkomulagið felur í sér breytingu á fjármögnun lögbundinnar þjónustu við fatlað fólk samkvæmt lögum um málefni fatlaðs fólks frá því sem kveðið var á um í endanlegu samkomulagi ríkis og sveitarfélaga dags þann 15. desember 2015. Fjárhagsrammi lögbundinnar þjónustu sveitarfélaga við fatlað fólk verður 1,46% útsvarshlutfall en þar af renna 0,25% til viðkomandi sveitarfélaga en 1,21% í Jöfnunarsjóð sveitarfélaga til jöfnunar vegna fatlaðs fólks. Enn fremur renna 0,235% af innheimtum skatttekjum ríkisins í Jöfnunarsjóð sveitarfélaga til jöfnunar vegna þjónustu sveitarfélaga við fatlað fólk. Breytingar á útsvari sveitarfélagsins fara úr 14.52% lagt er til að hækka um 0,22% í 14,74% en á móti kemur lækkun á tekjuskatti um samsvarandi hlutfall í báðum þrepum.

Með nýrri skipan barnaverndarþjónustu verða sett á lagginrar umdæmi barnaverndarþjónustu. Í umdæmi hverrar barnaverndarþjónustu skulu vera í það minnsta 6.000 íbúar. Íbúafjöldi í Fjarðarbyggð er yfir 5.000 manns og yfir 2.500 í Sveitarfélaginu Hornafirði. Sveitarfélög hafa samvinnu um barnaverndarþjónustu í samræmi við ákvæði sveitarstjórnarlaga. Velferðarnefnd óskar eftir að starfsmenn hefji viðræður við velferðarsvið Fjarðarbyggðar um samsstarf og sameiginlegt umdæmi í barnarverndarþjónustu.

Fjölmörg sveitarfélög hafa tekið sig saman og stofnað umdæmisráðu um barnavernd á landsbyggðinni. Sveitarfélögin sem eiga aðild að umdæmisráði Landsbyggða skipa fimm manna valnefnd er fer með umboð sveitarfélagana til skipunar í umdæmisráð barnaverndar sbr. viðauka við samning þennan. Sveitarfélögin koma sér saman um að eitt þeirra sveitarfélaga sem valið er í valnefnd verði umsýslusveitarfélag sem er falið að annast fjárhagslega umsýslu vegna reksturs ráðsins og jafnframt ætlað að hafa yfirsýn yfir starf ráðsins. Valnefnd skal skipuð einum fulltrúa frá hverjum landsfjórðungi auk þess sem sá fimmti skal vera frá umsýslusveitarfélagi hverju sinni.

Erindi fyrir hönd Fenris Elite sem rekur crossfit stöð á Höfn. Ætlunin er að flytja stöðina í annað húsnæði, óskað er eftir að sveitarfélagið styðji við reksturinn með niðurgreiðslu á húsaleigu.

Drög að leigusamningi um þjóðlendu fyrir starfsemi Ferðafélags Austur- Skaftefllinga í Kollumúla. Innan þjóðlendunnar „Lónsöræfa (nyðri hluti Stafafellslands)“ hefur verið afmörkuð og stofnuð í fasteignaskrá Þjóðskrár Íslands 2.400 m2 lóð sem ber heitið „Múlaskáli“ með landnúmerinu 234664. Um er að ræða 2.400 m2 lóð undir mannvirki fyrir fjallaskála og gert er ráð fyrir að nýtt aðstöðuhús rísi innan lóðarinnar. Á lóðinni er nú þegar 48,5 m2 fjallaskáli og salernishús með sturtuaðstöðu, bæði mannvirkin eru í eigu Ferðafélags Austur-Skaftafellssýslu. Aukalega er heimilt að byggja 25 m2 aðstöðuhús. Leigutaki ber sjálfur ábyrgð á að afla þeirra leyfa sem krafist er vegna framkvæmda og starfsemi á lóðinni.

Málið er í vinnslu en lagt fram til að hefja umræðuna.

Innanríkisráðuneytið óskaði eftir umsögn sveitarfélagsins um meðfylgjandi kvörtun auk þess sem ráðuneytið óskar eftir gögnum málsins sem kunna að varpa ljósi á aðdraganda og meðferð þess hjá sveitarfélaginu.Starfsmenn ásamt lögfræðingi sveitarfélagsins hafa unnið umsögn sem senda á innanríkisráðuneytinu í framhaldi af afgreiðslu bæjarráðs.

Erindi frá Sýslumanninum á Suðurlandi þar sem óskað er eftir umsögn við tækifærisleyfi til áfengisveitinga fyrir Þorrablót eldri Hornfirðinga 27. janúar 2023.

Erindi frá Sýslumanninum á Suðurlandi þar sem óskað er eftir umsögn við tækifærisleyfi til áfengisveitinga fyrir Þorrablót Nesja- og Lónmanna 28. janúar 2023.

Erindi frá Ugnmennafélaginu Mána þar sem óskað er eftir umsögn um brennuleyfi á þrettándanum.

Erindi frá Björgunarfélagi Hornafjarðar þar sem óskað er eftir umsögn við því að félagið haldi áramótabrennu.

Samtök orkusveitarfélaga hafa gert samning við ráðgjafafyrirtækið KPMG vegna vinnu við stefnumótun fyrir samtökin. Einn liður í vinnuni er að fá fram viðhorf og sýn stjórnar samtakanna, aðildarsveitarfélaga og eftir atvikum annarra lykilhagaðila. Stjórn Samtaka orkusveitarfélaga hefur því ákveðið að boða aðildarsveitarfélög til vinnufundar (staðfundur) með ráðgjafafyrirtækinu KPMG þann 27. janúar.

Erindi frá Matvælaráðuneytinu þar sem kemur fram að úthlutun byggðarkvóta til byggðarlaga á fiskveðiárinu 2022/2023, úthlutað var 1,3% af byggðarkvóta til Hafnar.Þar sem endanleg úthlutun byggðarkvóta liggur fyrir er sveitarfélögum gefin frestur til 13. janúar nk. til að senda ráðuneytinu tillögur um sérreglur.