Bæjarráð Hornafjarðar

Fræðslu- og frístundanefnd samþykkti samning um vallarumhirðu.Í stað þess að ráða sérstaklega inn fólk í afleysingar í Íþróttamiðstöðinni eða í vallarumhirðu hefur Íþróttamiðstöðin f.h. Sveitarfélagsins Hornafjarðar gert samning við Sindra um vallarumhirðu og afleysingar í Íþróttamiðstöð.

Ásgerður vék af fundi undir þessum lið. Uppseting myndavéla við Lónvegamót er að verða tilbúin, búið er að kaupa búnað. Uppsetning og tengingar eru eftir, reiknað er með að það sem útaf stendur muni kosta ca. 1.000.000 kr.

Verðkönnun hefur farið fram verið er að vinna úr innsendum tilboðum.

Sveitarfélaginu Hornafirði er boðin þátttaka í aðgerð C.10 í byggðaáætlun - Áhrif loftlagsbreytinga og sveitarfélög. Fyrir hönd Umhverfis- og skipulagsnefndar munu Helga Árnadóttir og Ásgerður Gylfadóttir fylgja verkefninu eftir.

Erindi frá Búnaðarfélagi Lónsmanna þar sem félagið sendir bæjarráði ályktanir um íbúaráð og hrægáma.----Ályktun frá aðalfundi Búnaðarfélags Lónsmanna til Sveitastjórnar Sveitafélagsins Hornafjarðar: ÍbúaráðBúnaðarfélagi Lónsmanna eini starfrækti félagskapurinn í Lón mótmælir því að Lón og Nes séu sett undir sama hatt í fyrirhugaðri skipan íbúaráða. Það er fyrir séð að það muni halla á aðra hvora sveitina í þriggja manna ráði og trúlega yrði það hlutskipti Lónmanna þar sem atkvæða magnið er meira í Nesjum á ársgrundvelli. Vert er að benda á að íbúatala Lóns margfaldast á sumrin, einnig er vert að benda á að Lón og Nes hafa engin sameiginleg málefni umfram þorrablót og sauðfé sem ruglast á milli svæða. Því geta Lónmenn eins verið með Öræfingum í félagi og kannski betra þar sem núningur yrði miklu minni.Það er því eindreginn vilji fundarmanna að Lónmenn fái sjálfræði yfir sínum málum ef það er hugsun sveitarstjórna að afsala sér völdum og verkefnum í hina gömlu hreppi.Ef sveitarstjórn ætlar að halda sig við þessa svæða skiptingu er það ósk okkar Lónmanna að bæjarstjórn upplýsi íbúa á hvaða rökum þessi svæða skipting er ákveðin og hvaða sameiginlega málefni Lón og Nes hafa í huga bæjarstjórnar.Ályktun frá aðalfundi Búnaðarfélags Lónsmanna til Sveitastjórnar Sveitafélagsins Hornafjarðar ----HrægámarÞar sem sveitarfélagið hefur tekið þá ákvörðun að hafa hrægáminn vestast í sveitinni og það er orðið um það bil 40 km ferðalag að fara með hræ í gáminn fyrir austasta bæ er það ósk Búnaðarfélags Lónsmanna að sveitarfélagið staðsetji einnig hrægám austast í sveitinni.

Erindi frá Sambandi íslenskra sveitarfélaga og innviðaráðuneytinu þar sem lagðar eru fram tillögur verkefnisstjórnar um bættar starfsaðstæður kjörinna fulltrúa. Verkefnisstjórnin skilaði af sér yfirgripsmiklum tillögum til að bæta starfsaðstæður og starfskjör kjörinna fulltrúa í sveitarstjórnum þann 24. nóvember síðastliðinn. Vinna stendur yfir á vegum ráðuneytisins og Sambands íslenskra sveitarfélaga við að fylgja tillögunum eftir.

Matvælaráðuneytið hefur fallist á tillögur sveitarstjórnar um sérreglur regluerðar um úthlutun byggðarkvóta til fiskiskipa á fiskveiðiárinu 2022/2023. Ráðherra hefur undirritað auglýsingu um (1.) staðfestingu reglna sveitarfélaga um úthlutun byggðakvóta til fiskiskipa á fiskveiðiárinu 2022/2023. Auglýsingin var send Stjórnartíðindum til birtingar og ráðuneytið mun í framhaldinu beina því til Fiskistofu að auglýsa byggðakvóta Hafnar til umsóknar án tafar.

Erindi frá Sýslumanninum á suðurlandi þar sem óskað er eftir umgögn um tækifærisleyfi fyrir áfengisleyfi vegna árshátíðar starfsmanna sveitarfélagsins.