Bæjarráð Hornafjarðar

Bæjarráð auglýsti eftir áhugasömum til að taka þátt í að stofna íbúaráð í Öræfum, Suðursveit og Mýrum og Nesjum og Lóni. Sex íbúar hafa gefið kost á sér og tilnefndir í Öræfum. Tveir íbúar í Suðursveit og Mýrum hafa gefið kost á sér. Fjórir aðilar í Nesjum og Lóni hafa gefið kost á sér.

Til þess að flýta fyrir afgreiðslu á sölu fasteigna og minnka flækjustig er óskað eftir að bæjarráð felli úr gildi eftirfarandi málsgrein í 19. gr. eldri lóðarleigusamninga. „Nú vill leigutaki framselja öðrum leigurétt sinn til lóðarinnar, ásamt húsum og mannvirkjum, sem á lóðinni og er honum þá skylt að tilkynna það byggingarfulltrúa sveitarfélagsins til skráningar, og er framsal ógilt, nema bæjarverkfræðingur eða fulltrúi hans hafi ritað vottorð sitt á framsali um að eignaskiptin hafi verið tilkynnt og þar með staðfest, að framsalið brjóti eigi í bága við lóðarleigusamning þennan"

Útboðsgögn fyrir sorphirðu, rekstur söfnunarstöðvar og rekstur urðunarstaðar ásamt jarðgerð lögð fram til samþykktar ásamt kostnaðaráætlun.

Forsvarsmenn Sindra komu fyrir fundinn og gerðu grein fyrir stöðunni, markmiðum og rekstri Ungmennafélagsins Sindra. Óskað er eftir frekari stuðningi og samtali um hvernig við getum náð okkar sameiginlegu markmiðum.