Bæjarráð Hornafjarðar

Unnið hefur verið að innleiðingu svokallaðra skráningadaga í leikskólanum. Í þeim felst að teknir verða upp 20 skráningardagar á ári þar sem ekki er reiknað með börnum í leikskólann nema þau séu sérstaklega skráð í skólann þessa daga. Þetta er gert til að koma til móts við fulla styttingu vinnuvikunnar í leikskólum og verður reynt að koma stórum hluta styttingar hjá starfsfólki að á þessum dögum.Foreldrar greiða sérstaklega fyrir skráningardagana en á móti verða leikskólagjöld lækkuð sem nemur einum mánuði á ári.

Gjaldskrá leikskóla hækkar 1. ágúst á hverju ári í samræmi við vísitölu og hefur ný gjaldskrá verið lögð fram. Að þessu sinni er lagt til að hún lækki sem nemur 20 leikskóladögum á ári eða um 8,4% og tekið verði upp sérstakt gjald vegna skráningardaga.

Uppfærðar reglur um starfsemi leikskóla vegna skráningardaga lagðar fram.Þær breytingar sem nú eru gerðar á reglunum miða fyrst og fremst að því að aðlaga þær að hugmyndum um skráningardaga.

Fræðslu- og frístundanefnd er jákvæð fyrir stofnun samráðshóps um leikskólamál og leggur til að í honum verði tveir kjörnir fulltrúar einn frá meirihluta og einn frá minnihluta og a.m.k. annar þeirra komi úr fræðslu- frístundanefnd. Einn fulltrúi frá leikskólanum sem einnig situr í leikskólaráði og einn fulltrúi frá foreldrum auk sviðsstjóra fræðslu- og frístundasviðs sem einnig verði starfsmaður samráðshópsins. Kjörinn fulltrúi frá meirihlutanum verði formaður hópsins og skal hópurinn skila inn tillögum fyrir 1. febrúar 2024 eða skýrslu um starfið.Auk þess leggur fræðslu- og frístundanefnd til að samhliða stofnun samráðshóps verði komið á fót leikskólaráði sem verði ráðgefandi og starfi við hliðina á leikskólastjórum á sama tíma eða til 1. febrúar 2024. Í leikskólaráði sætu leikskólastjórar, deildarstjórar og sviðsstjóri og myndu þeir vinna að úrbótum í innri málefnum skólans og leita til annarra starfsmanna og utanaðkomandi aðila eftir þörfum.Fræðslu- og frístundanefnd leggur til að skipað verði í bæði starfshóp og leikskólaráð og þeir aðilar sem sinna þessu fái greitt aukalega fyrir setu í þessum ráðum þegar fundað er utan vinnutíma. Kjörnir fulltrúar skili inn tillögu að fulltrúa, til starfsmanns og starfsmaður óski eftir tillögu að fulltrúa foreldra úr foreldraráði og fulltrúi leikskólans verði valinn í leikskólaráði.

Brynja gerir grein fyrir samningum við Hringrás og Funa ehf.

Erindi frá Mikael ehf. þar sem óskað er eftir frest á framkvæmdum á lóðinni Vesturbraut 6, vegna anna við framkvæmdir fyrir aðra byggingaraðila.

Ný greiðsluáætlun og greiðsluhlutfall sveitarfélagsins lagðar fram.

Svarbréf frá lögfræðingi Litla Horns lagt fram, ekki er um efnislegt svar vegna Litla Horns heldur vegna athugasemda bæjarráðs um vanæhæfi Auðuns sem fyrrum lögfræðings Hornafjarðar.

Starfsmenn funduðu með Vegagerðinni þar sem farið var yfir ferli verfyrirspurna um flug til Hafnar/Hornafjarðar.