Bæjarráð Hornafjarðar

Sviðsstjóri fræðslu- og frístundarsviðs óskar eftir aukafjárveitingu til þess að halda námskeið fyrir forstöðumenn og stjórnendur með mannaforráð. Öflugir stjórnendur með skýra framtíðarsýn eru gríðarlega mikilvægur styrkur fyrir sveitarfélagið og mikilvægt að hlúa vel að þeim og er því lagt til að bjóða upp á stjórnenda/leiðtoga námskeið í vetur. Námskeiðið sem stungið er upp á heitir Leiðtogaþjálfun Kvan.

Sviðstjóri fræðslu- og frístundasviðs gerir grein fyrir samning og viðauka við samning sem undirritaður var við S.S. Sport.

Fundargerð stýrihóps um nýtt íþróttahús númer 16 lögð fram til kynningar.

Gjaldskrár sem tilheyra skólum á fræðslu- og frístundasviði hækka frá og með 1. ágúst ár hvert.Hækkun vísitölu framfærslukostnaðar og vísitölu neysluverðs var 5,9% síðastliðið ár en í samræmi við ákvörðun bæjarráðs frá 14. maí sl. um að Sveitarfélagið Hornafjörður stilli hækkunum á gjaldskrám sem snúa að barnafjölskyldum og fólki í viðkvæmri stöðu í hóf leggur fræðslu- og frístundanefnd til að gjaldskrár skólanna verði hækkaðar um 3,5% frá og með 1. ágúst. Gjaldskrá lögð fram til staðfestingar

Reglur um námsvist utan lögheimilissveitarfélags hafa verið endurskoðaðar. Fræðslu- og frístundarnefnd gerði ekki athugasemd við reglurnar og samþykkti þær óbreyttar. Vísað til bæjarráðs til samþykkis.

Félagið Verndarvængur fta. óskar eftir stuðning við félagið í formi stofnfés að upphæð 5.000.000 kr sem nýtt verður til að mæta fjárútlátum sem liggja fyrir fyrst um sinn.Frekari fjáraflanir, frá öðrum aðilum myndu þá mæta þeim málum sem gætu komið upp síðar á árinu, sem og að tryggja öruggan rekstrargrundvöll sjóðsins til frambúðar.

Lögð fram til kynningar gögn vegna kæru á ákvörðun bæjarráðs um að hafna niðurfellingu gatnagerðargjalda að Hagaleiru 11.

Meðfylgjandi er bréf frá Vinum Vegfarandans, sem er félag fólks sem talar fyrir greiðum og öruggum samgöngum í Mýrdal.Þetta bréf var sent til umhverfis- og samgöngunefndar Alþingis. Afrit af bréfinu er sent á þingmenn Suðurlands, forstjóra Vegagerðarinnar og sveitarstjóra Mýrdalshrepps, Skaftárhrepps og Sveitarfélagsins Hornafjarðar.

Humarhátíðarnefnd óskar eftir frest á skilum lokaskýrslu vegna Humarhátíðar um eina viku.

Í 5. grein ráðningarsamnings sveitarfélagsins við bæjarstjóra segir, „Bæjarsjóður greiðir 50% af húsaleigu bæjarstjóra í 24 mánuði frá því hann hefur störf.“ Óskar bæjarstjóri eftir því að framlengja þetta ákvæði út ráðningarsamning, til 2026. Gert er ráð fyrir þessum greiðslum í áætlunum ársins og tekið verður tillit til þessa í áætlun næsta ár.