Bæjarráð Hornafjarðar

Fundargerð umhverfis- og skipulagsnefndar númer 84 lögð fram til kynningar.

Fundargerð Hafnarstjórnar Hornafjarðar númer 264 lögð fram til kynningar.

Samningur Sveitarfélagsins Hornafjarðar við ungmennafélag Sindra rennur út um áramót og stendur til að nýr samningur verði undirritaður á 90 ára afmæli félagsins 1. desember næstkomandi. Bæjarráð óskaði eftir samtali við aðalstjórn Sindra um fyrirhugaða endurnýjun á samning. Svör aðalstjórnar við spurningum frá bæjarráði lögð fram.

Afkomendur Rafns Eiríkssonar og Ástu Karlsdóttur hafa ákveðið að gefa sveitarfélaginu styrk til forvarnarstarfs að upphæð 250.000 krónur í minningu foreldra sinna.

Fundargerð stýrihóps um nýtt íþróttahús númer 18 lögð fram til kynningar

Humarhátíð 2024 lukkaðist vel þó veður hafi sett strik í reikninginn og kvölddagskrá föstudagsins færð inn í íþróttahúsið. Blíðviðri lét þó sjá sig á laugardegi svo allt gekk vel þar eftir. Þrátt fyrir veður lukkaðist hátíðin vel og hátíðargestir ánægðir.

Lóðarleigusamningur að Hafnarbraut 58 er útrunninn. Á lóðinni stendur gamalt trésmíðaverkstæði og er lóðin innan ÍB5. Eigendur hafa óskað eftir samtali við sveitarfélagið um eignina. Óskað er eftir heimild til að fá matsmenn til að meta eignina og hefja í kjölfarið samtal við seljendur um að sveitarfélagið leysi lóðina til sín og greiði sannvirði hússins í samræmi við 8. gr. lóðarleigusamningsins.Minnisblað sviðstjóra stjórnsýslusviðs lagt fram.

Kostnaðaráætlun og teikningar af frágangi leikvallar og opin svæðis á Leirunni lagt fram.

Erindi frá Sýslumanninum á Suðurlandi þar sem óskað er eftir umsögn um breytingu á gildandi rekstrarleyfi til reksturs gististaða í flokki II fyrir gistingu á Viking Kaffi Guesthouse.