Bæjarráð Hornafjarðar

Fundargerð Almannavarnarnefndar númer 69 lögð fram.

Fundargerð umhverfis- og skipulagsnefndar númer 90 lögð fram.

Á fundi bæjarráðs 22. október var lóðarhafa veittur frestur til þess að afla sér byggingarleyfis til 3. desember samkvæmt byggingarfulltrúa hafa fullnægjandi gögn ekki borist. Lóðarhafi mætti á fundinn ásamt samstarfsmanni.

Drög að umsókn um styrk í European City Facility verkefni ásamt leyfisbréfi lagt fram.

Óskað er eftir staðfestingu á að Skinney- Þinganes sé lóðarhafi lóðar númer 17b við Ófeigstanga og að útbúin verði lóðarleigusamningur þess efnis.

Fundargerð stýrihóps um nýtt íþróttahús númer 24 lögð fram ásamt innsendum erindum frá Alberti Eymundssyni og Ungmennasambandinu Úlfljót varðandi málið.

Hér er lögð fram til síðari umræðu fjárhagsáætlun sveitarfélagsins fyrir árið 2025 ásamt langtímaáætlun til ársins 2028. Einnig fylgir sundur liðuð framkvæmdaáætlun til ársins 2028.Helsta breytingin frá fyrri umræðu er breyting á launum kjörinna fulltrúa og nákvæmari langtíma framkvæmdaáætlun sveitarfélagsins. Þá er í 2024 tölunum uppfærsla á lánum og afborgunum þeirra vegna kaupsamnings Leigufélagsins Bríetar ehf. og sveitarfélagsins um kaup þess fyrrnefnda á 18 íbúðum. Bríet yfirtekur þau lán sem eru á eignunum að fjárhæð um 130 m.kr. ásamt því að sveitarfélagið eignast nýtt hlutafé í Leigufélaginu Bríet að fjárhæð um 280 m.kr.

Sviðsstjóri stjórnsýslusviðs leggur til að gerður verði ótímabundinn samningur, með 6 mánaða uppsagnarfresti, við Nýheima Þekkingarsetur um þau málefni sem setrið sinnir í samvinnu við og af hálfu sveitarfélagsins. Mikilvægt er að tryggja setrinu ákveðið fjármagn á ársgrundvelli til að sinna þeim verkefnum sem kveðið er á um í samningunm en í dag er staðan sú að fjármagn er háð fjárhagsáætlanagerð hvers árs og því er mikil óvissa í áætlanagerð setursins vegna komandi árs þar til fjárhagsáætlun sveitarfélagsins hefur verið samþykkt. Í samningum er kveðið á um samstarf um verkefnin Hornafjörður Náttúrulega, HeimaHöfn og byggðaþróunarmál, sem nema til samans einu stöðugildi.

Með tilvísan í skipulagsskrá Þórbergssetur sf.https://thorbergur.is/index.php?option=com_content&view=article&id=13&Itemid=116er óskað eftir tilnefningu nýs aðila í stjórn Þórbergsseturs sf. Menningarmiðstöð Hornafjarðar hefur ævinlega átt þar einn fulltrúa en þar sem Eyrún Helga Ævarsdóttir hefur hætt störfum þarf að skipa nýjan stjórnarmann og varamann til þátttöku í stjórn Þórbergsseturs. Næsti fundur í stjórn Þórbergssetur er fyrirhugaður 16. desember næstkomandi.

Unnið hefur verið að því að endurskoða stjórnskipulag almannavarna í umdæminu hér á Suðurlandi.Stjórnskipulagsáætlun fyrir aðgerðarstjórn á Suðurlandi segir fyrir um skipulag og stjórnun aðgerða í umdæmi lögreglustjórans á Suðurlandi.Áætlunin er unnin af lögreglustjóranum á Suðurlandi, í samstarfi við almannavarnarsviði ríkislögreglustjóra, almannavarnanefndir Árnessýslu, Rangárvalla- og Vestur-Skaftafellssýslu og Hornafjarðar.Stjórnskipulag aðgerðarstjórnar á Suðurlandi nær yfir allar almannavarnaraðgerðir og aðrar aðgerðir í umdæmi lögreglustjórans á Suðurlandi.Tillaga að endurskoðuðu stjórnskipulagi lagt fram.

Almannavarnanefnd fól sviðsstjóra almannavarna hjá Lögreglustjóranum á Suðurlandi og bæjarstjóra að stofna stýrihóp um endurskoðun á áætlun um langtímaviðbrögð sveitarfélagsins við samfélagslegum áföllum.

Samningaviðræður hafa þróast áfram. Meðfylgjandi er erindi til handa verkkaupum. Einnig er meðfylgjandi erindi lögmanna aðila vegna þessa til frekari skýringa. Erindið lýtur að því að upplýsa um stöðuna og afla frekara umboðs til samningsumleitana.Bæjarráð hafði áður bókað þann 24/9 2024: Bæjarráð fyrir hönd Sveitarfélagsins veitir FSRE heimild til að leita sátta við verktaka, en gerir jafnframt kröfu um að eiga fulltrúa í þeim viðræðum. Bæjarstjóra er falið að vera fulltrúi sveitarfélagsins í viðræðunum.Bæjarráð áréttar að verkið sjálft, undirbúningur þess og öll samskipti við hönnuði sem að verkinu koma, hafa verið á hendi FSRE en ekki sveitarfélagsins.

Miðstöð slysavarna barna óskar eftir styrk að upphæð 50.000 krónur fyrir gerð fræðslumyndbands um slysavarnir ungra barna á heimilum og öryggi þeirra í bílum.

Samband íslenskra sveitarfélaga hefur á síðustu árum unnið að úrbótatillögum til að bæta starfsaðstæður kjörinna fulltrúa. Verkefnið er hluti af aðgerðaráætlun stjórnvalda á sviði sveitarstjórnarmála og er ætlað að sporna gegn óvenju mikilli endurnýjun kjörinna fulltrúa, með tilheyrandi áhrifum á sveitarstjórnir. Ein af lykilástæðum þess að mikil endurnýjun er á meðal kjörinna fulltrúa er að erfitt getur reynst að samþætta störf sín í bæjarstjórn við annað launað starf. Ein af aðgerðunum sem sambandið hefur lagt til er viðmiðunartafla um laun kjörinna fulltrúa. Markmiðið með slíkri töflu er að tryggja að kjörnir fulltrúar hljóti laun í samræmi við álag og vinnustundir á mánuði og auðvelda þeim að minnka við sig í öðrum störfum til að sinna sveitarstjórn. Samkvæmt viðmiðunartöflu sambandsins er lagt upp með að sveitarfélög með íbúa á bilinu 1501-3000 íbúa greiði sveitarstjórnarfulltrúum á bilinu 11,67% - 16,6% af þingfararkaupi. Bæjarstjóri leggur því fram endurskoðaða samþykkt um samþykkt kjörinna fulltrúa út frá þessum viðmiðum Sambands íslenskra sveitarfélaga.

Nýr samningsdrög við Félag eldri Hornfirðinga lagður fram.