Bæjarráð Hornafjarðar

Fundargerð íbúaráðs Suðursveitar og Mýra númer 10 lögð fram.

Fundargerð íbúaráðs Nesja og Lóns númer 10 lögð fram.

Fundargerð íbúaráðs Öræfa númer 9 lögð fram.

Fundargerð Hafnarstjórnar Hornafjarðar númer 280 lögð fram.

Fundargerð Almannavarnarnefndar númer 70 lögð fram.

Sveitarfélagið Hornafjörður er að undirbúa nýtt útboð vegna tæmingar rotþróa, þar sem fyrri samningur við Hreinsitækni er útrunninn. Lögð eru fram drög að útboðslýsingu og minnisblað starfsmanna. Óskað er heimildar bæjarráðs til að fara í útboðsferli.

Samkvæmt lögum ber sveitarfélaginu skylda til að láta málaflokkinn standa undir rekstri og leggur nefndin því til að gjaldskráin verði áfram hækkuð í þrepum svo hægt verði að uppfylla skilyrði laganna. Umhverfis- og skipulagsnefnd leggur til 10 % hækkun sorpgjalda á heimili og 15 % hækkun á atvinnuhúsnæði. Einnig 15 % hækkun á gjaldskrá móttökustöðvar. Gjaldskráin hefur verið uppfærð í samræmi við það og lögð fram til samþykktar.

Umhverfis- og skipulagsnefnd leggur til að umrætt kerfi verði tekið til notkunar og leggur til 10 % hækkun á árlegu skráningargjaldi gæludýra. Gjaldskráin hefur verið uppfærð í samræmi við það, auk nokkurra annarra breytinga.

Umhverfis- og skipulagsnefnd leggur til 5 % hækkun á hvern felldan ref. Nefndin ítrekar að forsenda greiðslu er að veiðimenn uppfylli reglur um refa- og minkaveiði í sveitarfélaginu Hornafirði. Gjaldskráin hefur verið uppfærð í samræmi við það og lögð fram til samþykktar.

Góð Framkvæmd ehf. fékk bréf þann 20.10. sl. um fyrirhugaða afturköllun lóða J og K í Óslandi(sandeyri 8 og 10) þar sem ekki hafði verið brugðist við gefnum frestum til skila á samþykktum lóðaruppdráttum. Stefán Guðjónsson, talsmaður fyrirtækisins, fékk tölvupóst þann 21.10 sl. þar sem hann var beðinn um að senda inn framkvæmdaráætlun með tímasetningu á framkvæmdir. Stefán Guðjónsson sendir tölvupóst þann 4.12. sl. þar sem hann óskar eftir framlengingu á tímamörkum fyrir hönd Góðrar Framkvæmdar ehf. samkvæmt 4.mgr. 7.gr. reglna um úthlutun lóða og leggur fram uppfærða tímaáætlum. Hann gerir ráð fyrir að framkvæmdum ljúki innan 12 mánaða frá endurútgáfu byggingarleyfis.

Þingvað ehf. sækir um lóðina Vesturbraut 29. Samkvæmt upplýsingum í umsókn stendur til að reisa einbýlishús á lóðinni. Fyrirhugað er að framkvæmdir hefjist í maí 2026 og að þeim verði lokið með lóðarfrágangi í ágúst 2027. Þingvað hefur skilað inn öllum gögnum samkvæmt reglum um lóðaúthlutanir.

Þingvað ehf. sækir um lóðina Vesturbraut 31 og til stendur að reisa einbýlishús á lóðinni. Fyrirhugað er að framkvæmdir hefjist í maí 2026 og að þeim verði lokið með lóðarfrágangi í ágúst 2027. Þingvað hefur skilað inn öllum gögnum samkvæmt reglum um lóðaúthlutanir.

Ólöf Gísladóttir óskaði eftir stækkun lóðarinnar Álaugarey til bæði Norðurs að Krosseyjarvegi 23 og til suðurs að innkeyrslu inn á lóðina. Bæjarráð tók þessa beiðni fyrir á fundi þann 2. september 2025 þar sem skráð var í ítarbókun að bæjarráð væri jákvætt fyrir stækkun lóðarinnar til suðurs og að setja ætti í lóðarleigusamning ákvæði um að starfssemin væri víkjandi. Búið er að gera merkjalýsingu fyrir stækkun lóðarinnar til Suðurs úr 780 fm í 1500 fm. Lagt er til að staðfang lóðarinnar muni breytast úr Álaugarey í Krosseyjarveg 25.

Loftur Jónsson óskar eftir endurupptöku á ákvörðun bæjarráðs frá 14.10.2025 um að afturkalla lóð við Álaugarveg 12.

Óskað er heimildar til að fara í verðfyrirspurnarferli vegna framkvæmda á götu A á nýju verslunar- og þjónusturétti Hafnarbraut 60. Framkvæmdin felur í sér jarð- og lagnavinnu á um 130m löngum kafla.Kostnaður er innan ramma sem áætlaður er fyrir framkvæmdina árið 2026.

Beiðni Mílu um afnot af fjarskiptamastri við Holt á Mýrum.Tilgangur er að efla GSM fjarskiptasamband á Mýrum og við nýjan veg yfir Hornafjarðarfljót.

Bæjarstjóri, sviðsstjóri stjórnsýslusviðs og fjármálastjóri leggja fram tillögu að breytingu á skipuriti stjórnsýslusviðs og fjármálasviðs. Við breytinguna er gert ráð fyrir að sameina sviðin í eitt svið, setja fjórar deildir undir sviðsstjóra stjórnsýslusviðs og fjármálastjóri verði á stjórnsýslu- og fjármálasviði en heyri beint undir bæjarstjóra. Þá er gert ráð fyrir fjölgun um tvö stöðugildi á sviðinu, deildarstjóra mannauðs- og launadeildar og þjónustufulltrúa tæknimála auk annarra minniháttar breytinga og tilfærslna. Í hjálögðu minnisblaði er rökstuðningur fyrir breytingunum auk þess sem gerð er grein fyrir kostnaði.

Álagningarreglur 2026 lagðar fram til samþykkis.

Viðauki vegna óskar um aukafjárveitingu til kaupa á nýrri malarskóflu fyrir Merlo lyftara og vegna jólagjafa starfsfólks 2025, að upphæð 5,8 milljónum kr lagður fram. Viðbótarfjárheimildum verði mætt með lántöku

Sviðsstjóri stjórnsýslusviðs leggur fram tillögu að uppfærðu fyrirkomulagi á samningum um bakvaktagreiðslur sem renna út um áramótin. Lagt er til að fjárhæð í bakvaktapotti verði uppreiknuð miðað við laun almenns starfsmanns sem sinnir viðkomandi bakvöktum til samræmis við fjárhæð í kjarasamningum. Jafnframt er lögð til sú breyting að samkomulagið fylgi kjarasamningsbundnum launahækkunum. Athugið að þegar ekki er farið eftir kjarasamningum beint þá þarf þríhliða samþykki stéttarfélags, sveitarfélagsins og viðkomandi starfsmanns.

Sviðsstjóri stjórnsýslusviðs lagði fram tillögur að breytingum á kjörum kjörinna fulltrúa í samræmi við umræður á bæjarráðsfundi nr. 1197.

Hér er lögð fram til síðari umræðu þriggja ára áætlun 2027-2029.

Hér er lögð fram til síðari umræðu fjárhagsáætlun sveitarfélagsins fyrir árið 2026.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs Gististaðir í flokki II - H - Hellisholt.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs Gististaðir í flokki II - H - Myllulækur 11.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs Gististaðir í flokki II - H - Myllulækur 12.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs Gististaðir í flokki II - H - Myllulækur 10.

Erindi frá Sýslumanninum á Suðurlandi þar sem óskað er eftir umsögn vegna leyfis til reksturs Gististaðir í flokki IV - B - Höfn Hostel.

Tillögur að nýrri samgönguáætlun 2026-2024 og stofnun innviðafélags lagt fram.Tillögu að samgönguáætlun 2026-2040 má sjá hér:https://www.stjornarradid.is/verkefni/samgongur/samgonguaaetlun/samgonguaaetlun-2026-2040/Nánar um samgönguáætlun 2026-2040 má sjá hér:https://www.althingi.is/altext/157/s/0463.html?utm_source=althingi&utm_medium=vefur&utm_campaign=thingskjol_130