Bæjarráð Hornafjarðar

Fundargerð fræðslu- og frístundanefndar nr. 139 lögð fram.

Fundargerð hafnarstjórnar nr. 284 lögð fram.

Fundargerð umhverfis- og skipulagsnefndar nr. 117 lögð fram.

Fundargerð stýrihóps um uppbyggingu nýrra íþróttamannvirkja nr. 52 lögð fram.

Lagt er til að Aleksandra Ksepko (B) taki sæti sem varamaður í fjölmenningarráð í stað Nejru Mesetovic sem tekur sæti aðalmanns samkvæmt tilnefningu verkefnastjóra fjölmenningar- og gæðamála.Verkefnastjóri fjölmenningar- og gæðamála leggur til að eftirfarandi aðilar verði jafnframt kosnir í fjölmenningarráð: Courtney Michelle BrooksGoran BasrakNejra Mesetovic

Bæjarráð ákvað á fundi sínum nr. 1148 þann 22. október 2024 að vorið 2026 yrði kjördeild í Holti sameinuð við kjördeild í Heppuskóla.Framundan er þjóðaratkvæðagreiðsla um aðildarviðræður við ESB þann 29. ágúst 2026. Ákvörðun um kjörstaði þarf að liggja fyrir 22. júlí næstkomandi.

Lagt er fram til upplýsinga bréf frá Sambandi íslenskra sveitarfélga þar sem upplýst er að mennta- og barnamálaráðuneytið hafi birt reglugerð þar sem ríkið hafi einhliða endurskilgreint og þrengt þann hóp barna sem fellur undir samkomulag um breytta ábyrgðarskiptinu í málefnum barna með fjölþættan vanda.Minnisblað frá sviðsstjóra velferðarsviðs er jafnframt lagt fram.

Lögð eru fram áhersluatriði sem Landssamband eldri borgara setti fram fyrir síðustu sveitarstjórnarkosningar ásamt erindi frá sambandinu um að skipa í öldungaráð, hafi það ekki þegar verið gert. Þá eru sveitarstjórnir hvattar til að leggja áherslu á öflugt starf í öldungaráði frá upphafi kjörtímabils og boðið er upp á frekara samtal og samstarf um þessi málefni.

Óskað er eftir afstöðu bæjarráðs til þess hvort hefja skuli undirbúning að endurskoðun deiliskipulags á svæðinu við Víkurbraut 24-30 og nærliggjandi reitum. Verkefnið tengist stefnumörkun sveitarfélagsins um uppbyggingu velferðarkjarna á svæðinu, þar sem horft verði heildstætt til framtíðaruppbyggingar búsetuúrræða, öldrunarþjónustu, þjónustu við fatlað fólk, hjúkrunarheimilis og heilbrigðisþjónustu.Í Framtíðarsýn í málefnum aldraðra 2026-2034 er lögð áhersla á fjölbreytta þjónustu, inngildandi samfélag og sjálfstætt líf, auk þess sem sérstaklega er gert ráð fyrir að unnið verði að endurskoðun deiliskipulags á Víkurbraut S3 og reit heilbrigðisstofnunarinnar með það að markmiði að móta velferðarkjarna.Lagt er fram minnisblað sviðsstjóra velferðarsviðs ásamt teikningum.

Lagt er fyrir minnisblað sviðsstjóra velferðarsviðs ásamt drögum að uppfærðum og samræmdum erindisbréfum fyrir velferðarnefnd, öldungaráð, fjölmenningarráð og notendaráð um málefni fatlaðs fólks.Markmiðið með uppfærslunni er að eyða óvissu og tryggja jafnræði og skýrleika í stjórnsýslu og verklagi þessara ráða, sem öll starfa á sama málefnasviði.

Núverandi samningur um hýsingu og rekstur við Advania rennur út 31. ágúst 2026. Deildarstjóri upplýsingatæknideildar leggur til að Sveitarfélagið nýti sér ákvæði í 3. lið samningsins og framlengi gildistíma samnings, í annað sinn, um eitt ár eða til 31. ágúst 2027.

Bæjarstjóri leggur fram minnisblað um málefni FAS.

Lokadrög að samningi um skólamáltíðir fyrir Grunnskóla Hornafjarðar lagður fram til samþykktar.

Fræðslu- og frístundanefnd leggur til við bæjarráð að samþykkja ósk Grunnskóla Hornafjarðar um aukafjárveitingu vegna Ipada og tölvukaupa fyrir nemendur. Jafnframt hvetur nefndin skólastjórnendur til þess að setja búnaðarkaup fyrir skólann í fjárhagsáætlun hvers árs.Lögð er fram beiðni skólastjóra Grunnskóla Hornafjarðar um aukafjárveitingu auk minnisblaðs fjármálastjóra um fjárhagsleg áhrif þess að verða við beiðninni.

Minnisblað sviðsstjóra fræðslu- og frístundasviðs lagt fram ásamt minnisblaði fjármálastjóra um fjárhagsleg áhrif og gögnum frá Körfuknattleiksdeild Sindra.

Lagt er til að sveitarfélagið taki þátt í tilraunaverkefni um íþróttaskóla fyrir 1. og 2. bekk með umf. Sindra næsta vetur. Kostnaður sveitarfélagsins við verkið liggur fyrir. Lögð eru fram minnisblöð frá sviðsstjóra fræðslu- og frístundasviðs og fjármálastjóra.

Bæjarráð samþykkti breytingar á fæðisgjöldum og systkinaaflsætti leikskóla sem fræðslu- og frístundanefnd lagði til á fundi sínum 15. júní sl. Í ljósi þess leggur fræðslu- og frístundanefnd til breytingar á reglum um starfsemi leikskóla til samræmis við framangreindar breytingar á fæðisgjöldum og systkinaafslætti.

Óskað er eftir leiðbeiningum bæjarráðs um framtíðarnálgun sveitarfélagsins varðandi tæmingu rotþróa og hvernig áframhaldandi þjónusta verður tryggð. Í mars hafði bæjarráð samþykkt að gengið yrði til samninga við bæði Hreinsitækni og Funa. Áætlaður samningskostnaður til þriggja ára:Hreinsitækni: um 16 m.kr. Funi: um 22 m.kr. Árlegar tekjur sveitarfélagsins af gjaldskrá fyrir tæmingu rotþróa eru um 12 m.kr.

Golfklúbbur Hornafjarðar hefur staðið að metnaðarfullri uppbyggingu á félagsaðstöðu á undanförnum árum. Á teikniborðinu eru ýmsar aðgerðir til að bæta enn frekar aðstöðuna. Golfklúbburinn óskar núna eftir að varnargarður sem tengir svæði golfklúbbsins saman verði malbikaður.Lagt er fram minnisblað sviðsstjóra umhverfis- og framkvæmdasviðs, dags. 7. júlí, varðandi kynningu fyrir íbúum á fyrirhugaðri æfingaaðstöðu Golfklúbbsins á Hríshóli. Fram kemur að viðtökur íbúa voru almennt jákvæðar en jafnframt eru lagðar fram athugasemdir íbúa. Leggur sviðsstjóri til að erindið verði samþykkt.

Tillaga að deiliskipulagi að Horni var auglýst frá 10. mars 2025 til 21. apríl 2025. Umsagnir bárust frá HAUST, Vegagerðinni, Minjastofnun og Landhelgisgæslu Íslands. Farið hefur fram fornleifaskráning og hafa skipulagsgögn verið lagfærð í samræmi við umsagnir. Fyrir fundinum liggur samantekt á umsögnum og tillaga að viðbrögðum.

Tekin er fyrir lýsing vegna áforma Vegsauka ehf. um fjölorkustöð og þjónustumiðstöð, Skaftafelli II/Freysnesi í Öræfum. Á skipulagssvæðinu er gert ráð fyrir fjölorku- og þjónustulóð. Innan lóðarinnar yrði komið fyrir þjónustusvæði eldsneytisafgreiðslu, hleðslustöðvum fyrir rafbíla og þjónustumiðstöð. Viðfangsefni deiliskipulagsins er m.a. að afmarka lóð og byggingarreiti ásamt því að skilgreina fyrirkomulag aðkomu svæðisins og setja þau ákvæði sem ástæða er til í deiliskipulagi.

Sveitarfélagið hefur unnið að tillögu að breytingu á deiliskipulagi "Nýtt verslunar- og þjónustusvæði á Höfn". Breytingin felur í sér nýtt götunafn, Fjárhaga, stækkun lóðar að Fjárhaga 1 og stofnun lóðar undir spennistöð sem fær staðfangið Fjárhagi 3 B. Umhverfis- og skipulagsnefnd lagði til á 117. fundi sínum að breytingin yrði unnin sem óveruleg í samræmi við 3. mgr. 43. gr. skipulagslaga.

Fyrir liggur hönnun að nýju leiksvæði við Mánagarð í Nesjum. Gert er ráð fyrir að svæðið verði byggt upp í áföngum með það að markmiði að efla aðstöðu til leikja og útivistar í hverfinu.Búið er að kynna verkefnið fyrir íbúaráði Nesja og Lóns og telja þau mikilvægt að hafist verði handa sem fyrst við áframhaldandi undirbúning og uppbyggingu leiksvæðis við Mánagarð. Íbúaráð gerir ekki athugasemdir við hönnun vallarins en óskar eftir því að staðsetningin verði færð í samræmi við umræður á fundinum þannig að leiksvæði verði þar sem körfuboltavöllurinn er teiknaður og körfuboltavöllurinn verði þar sem leiksvæðið átti að vera. Minnisblað verkefnastjóra umhverfis- og skipulagsmála lagt fram ásamt teikningum, verklýsingum og gögnum frá deildarstjóra þjónustu og framkvæmda.

Sveitarfélagið Hornafjörður hóf vinnu við skipulag fráveitumála með verkfræðistofunni Vatnaskilum árin 2022-2023, en því verkefni var síðan frestað. Í ljósi nýrrar reglugerðar um fráveitur er brýnt að hefja þá vinnu að nýju til að greina næstu skref og meta fjárfestingarþörf. Lagt er til að samið verði við Vatnaskil um að klára verkið þar sem fyrirtækið býr nú þegar yfir yfirgripsmiklum gögnum og staðarþekkingu.

Sandbakki - gatnagerð, opnun tilboða. Minnisblað deildarstjóra þjónustu og framkvæmda lagt fram.Upphafleg kostnaðaráætlun hljóðaði upp á 7.000.000 kr. en búið var að hækka áætlunina í 8.359.000 kr. Samþykkt hafði verið að þeirri hækkun yrði mætt með tilfærslu á fjárheimild frá íþróttamannvirkjum. Eitt tilboð barst í verkið: Skaftverk ehf: 7.033.962 kr. eða 84,15% af kostnaðaráætlun. Einungis er því þörf fyrir viðbótarfjárheimild að fjárhæð 33.962 kr. frá upphaflegri kostnaðaráætlun.

Ósk um aukafjárveitingu vegna æfingasvæðis við Ekru. Minnisblað deildarstjóra þjónustu og framkvæmda lagt fram.Þann 16. júní sl. veitt bæjarráð deildarstjóra þjónustu- og framkvæmda heimild til að skipta verkinu upp og fara í viðræður við þá aðila sem tóku upphaflega gögn vegna tilboðsgerðar. Kostnaðaráætlun verksins er upp á 20.000.000 kr. með tækjum. Eftir samtöl við verktaka er áætlaður kostnaður 29.353.188 kr.

Lögð eru fram til afgreiðslu endurskoðuð drög að reglum Sveitarfélagsins Hornafjarðar um úthlutun lóða. Breytingarnar miða að því að skýra betur ferlið, eyða óvissu og einfalda umsóknarferli um lóðir undir smádreifistöðvar og lítil hús veitukerfa.

Bæjarstjóri leggur fram minnisblað um samning um uppbyggingu á deiliskipulögðu landi í Hofi í Öræfum.

Lagt er fram erindi þar sem óskað er eftir staðfestingu sveitarfélagsins á merkjalýsingu þar sem gerðar eru breytingar á afmörkun og stærð tveggja landeigna, Hafnarbraut 60B (L238307) og Hafnarbraut 60C (L238308), ásamt því að breyta staðfangi þeirra og stofna svo nýja landeign úr einni þeirra.

Sviðsstjóri umhverfis- og framkvæmdasviðs leggur fram álit lögmanns til kynningar.

Innviðaráðuneytið hefur ýtt úr vör vinnu við endurskoðun stefnumótandi áætlunar í málefnum sveitarfélaga þar sem fyrsta skrefið er gerð grænbókar um málefnið.Í grænbók birtist stöðumat á helstu lögbundnu verkefnum og öðrum viðfangsefnum sveitarfélaga og greining áskorana og tækifæra, sem lagt verður til grundvallar endurskoðun stefnu og aðgerðaáætlunar í málaflokknum.Óskað er eftir að sveitarfélögin veiti upplýsingar inn í þessa vinnu og svari spurningum fyrir 21. september nk. Ekki verður vitnað í einstaka svör sveitarfélaga í grænbókinni heldur er hvert innlegg þáttur í því að draga fram heildarmynd um stöðu, áskoranir og tækifæri sveitarstjórnarstigsins.Óskað er eftir að umfjöllunin sé greinargóð en hnitmiðuð og byggi á tiltækum upplýsingum, reynslu og framtíðarsýn sveitarfélagsins.Bent er á að sambærilegur spurningalisti var sendur til sveitarfélaga vegna stefnumótunar árið 2022 og geta sveitarfélög sem þá tóku þátt stuðst við sín fyrri svör til einföldunar. Hægt er að hafa samband við undirritaða fyrir frekari upplýsingar eða aðgang að fyrri svörum.Loks er vakin athygli á því að sveitarfélögum mun gefast fleiri tækifæri til að hafa áhrif á stefnumótunina, m.a. með umsögnum um grænbók og síðar hvítbók/drög að stefnu í samráðsgátt stjórnvalda.

Fulltrúar frá Landsbyggð og Batteríinu arkitektum kynntu stöðu í skipulagsvinnu vegna nýs miðbæjar fyrir aðal- og varamönnum bæjarstjórnar og aðal- og varamönnum í umhverfis- og skipulagsnefnd.

Bæjarstjóri gerði grein fyrir viðauka nr. 6 við fjárhagsáætlun ársins 2026. Með viðaukanum er óskað eftir viðbótarfjárheimild að fjárhæð 22,183 m.kr., sem gert er ráð fyrir að verði mætt með lækkun á handbæru fé. Meðfylgjandi yfirlit sýnir fjárhagsleg áhrif viðaukans á samþykkta fjárhagsáætlun sveitarfélagsins.Í haust mun fjármálastjóri, í samráði við bæjarstjóra, fara yfir fjárhagsáætlun ársins 2026, með sérstakri áherslu á fjárfestingaráætlun ársins og stöðu einstakra verkefna. Í kjölfarið verður óskað eftir heimild til að gera nauðsynlegar breytingar á fjárhagsáætluninni til samræmis við endurmetnar forsendur og stöðu verkefna.

Erindi frá sýslumanninum á Suðurlandi þar sem óskað er eftir umsögn bæjarráðs um veitingu gistileyfis í flokki II - C, Minna gistiheimili, að Myllulæk 10, F2359325. Umsækjandi er Jökla Dekk ehf., kt. 580602-2150. Hámarksfjöldi gesta: 6.

Erindi frá sýslumanninum á Suðurlandi þar sem óskað er eftir umsögn bæjarráðs um veitingu gistileyfis í flokki II - C, Minna gistiheimili, að Myllulæk 11, F2359326. Umsækjandi er Jökla Dekk ehf., kt. 580602-2150. Hámarksfjöldi gesta: 4.

Erindi frá sýslumanninum á Suðurlandi þar sem óskað er eftir umsögn bæjarráðs um veitingu gistileyfis í flokki II - C, Minna gistiheimili, að Myllulæk 12, F2359327. Umsækjandi er Jökla Dekk ehf., kt. 580602-2150. Hámarksfjöldi gesta: 4.

Lögð er fram fundargerð frá aukaaðalfundi Samtaka orkusveitarfélaga sem haldinn var 29. apríl sl. Jafnframt eru lagðar fram uppfærðar samþykktir samtakanna í samræmi við þær breytingar sem samþykktar voru á aukaaðalfundinum.

Málið er lagt fyrir bæjarráð til að óska eftir heimild til að semja um skriflegan samningsviðauka við Hringrás þannig að gildandi samningur endurspegli þá þjónustu sem veitt hefur verið í framkvæmd frá september 2023.