Bæjarráð Hornafjarðar

Árni Kjartansson og Svavar M. Sigurjónsson sátu fundinn undir þessum lið (í síma) og kynntu teikningar og útboðsgögn er varða breytingar á Ráðhúsi og uppbyggingu Svavarssafns. Bæjarráð fór í vettvangsskoðun undir þessum lið. Ræddar ýmsar hugmyndir um minni háttar breytingar á fyrirliggjandi teikningum svo sem um fyrirkomulag og stærð á anddyri á kostnað hugsanlegrar skrifstofu, gólfefni á sal og móttöku o.fl. Bæjarráð samþykkir að breyta ekki núverandi inngangi til vinstri úr anddyri í skrifstofurými á neðri hæð. Samþykkt að "terrósteypa" verði á sýningarsal og Ástustofu en hornfirskt gólfefni (steinteppi) á anddyri og afgreiðslu. Þá voru samþykktar breytingar á loftræstikerfi í þá veru að setja upp vatnskælda kæliskápa í tæknirými. Einnig samþykkt að stækka (breikka) innganga úr móttöku inn í sýningarsal.

Haukur Ingi gerði grein fyrir helstu breytingum milli umræðna. Tekjur hækka um 2,8 m.kr. vegna þess að áætlun Jöfnunarsjóðs er hærri en gert var ráð fyrir við fyrri áætlun. Gjöld hækka um 1,2 m.kr. vegna vinnusmiðju sem sveitarfélagið ætlar að taka þátt í að koma á fót ásamt ÞNA, Vinnumiðlun, RKÍ og fleirum aðilum. Einnig breytast vaxtatekjur um tæpar 300 þúsund vegna kaupa á IP neti. Samtals batnar afkoma A hluta um 1,9 mkr. Í B hluta verði ekki breytingar fyrir utan að fjárfestingar hækka um 8 m.kr. vegna kaupa á IP neti. Árni spurði um tómstundakortin og hvort breytingar verði á þeim. Því svarað til að engar breytingar verði á milli ára.

Fjárhagsáætlun 2011 vísað til síðari umræðu í bæjarstjórn með áorðnum breytingum.

Haukur Ingi gerði grein fyrir helstu breytingum.

3ja ára áætlun vísað til síðari umræðu í bæjarstjórn.

Lagt fram minnisblað frá Hjalta Þór Vignissyni dags. 4. janúar og drög að samningi við Kornræktarfélag Austur-Skaftafellssýslu. Bæjarráð sammála um að nýta afgang af mótvægisaðgerðum ríkisstjórnarinnar, alls kr. 2.437.134 á grunndvelli samnings. Árni sagði það sína skoðun að umsóknir sem þessi, þ.e. styrkumsókn Kornræktarfélagsins eigi að fara í gegnum atvinnu- og rannsóknarsjóð sveitarfélagsins. Árni styður framlagða tillögu á þeirri forsendu að hér er um að ræða fjármuni sem ætlaðir voru til atvinnutengdra verkefna en veltir jafnframt upp þeirri spurningu í hvaða verkefni þessir fjármunir áttu upphaflega að fara. Björn Ingi ítrekar ósk um að skýrt sé hvaða þættir og tiheyrandi upphæðir sveitarfélaið er að styrkja með þessum samningi. Samningurinn verður til umfjöllunar á næsta fundi bæjarráðs. Einnig spurði Björn Ingi hvert afrakstrinum verði varið ef tilraunin verði jákvæð.

Ræddar hugmyndir um Vöruhús og hugsanlega leigu á því eftir að núvrandi leigusamningar renna út. Björn Ingi óskaði eftir upplýsingum um núverandi samninga. Veltir einnig upp þeirri hugmynd um hvort frekar ætti að kaupa húsið fremur en að leigja til langs tíma. Starfsmönnum falið að vinna áfram að málinu.

Liðnum frestað þar sem gögn eru ekki tilbúin.

Haukur Ingi gerði grein fyrir stöðu Brennu Flosa í Öræfum, kom fram í máli Hauks að unnið er að sýnatöku í samvinnu við Umhverfisstofnun. Ásgerður benti á að hér falli til ákveðið magn sorps sem verður að brenna. Velti upp spurningum um hvað gera ætti ef brennsluofninum yrði lokað.

Haukur Ingi gerði grein fyrir þeirri hagræðingu sem fólgin er í uppsetningu á varmadælum í Íþróttahúsi. Bæjarráð samykkir að fara í uppsetningu á varmadælum í íþróttahúsinu. Björn Ingi óskaði eftir upplýsingum um kostnað við úttektina sem gerð var vegna varmadælanna. Haukur Ingi gerði grein fyrir að heildarframkvæmd rúmist innan fjárhagsáætlunar 2011.

Bæjarstjóra falið að afla allra gagna um málið.

Vísað til framkvæmdastjóra fræðslu- og félagssviðs að kanna möguleg úrræði.

Bæjarráð sammála um að tillaga á fjárhagsáætlun 2011 um að verja til þessa verks 2 milljónum standi óbreytt. Samþykkt að fylgjast með framvindu refaveiða á þessu ári og þær kynntar um mitt ár.

Upplýst að málið er til meðferðar í umhverfis- og skipulagsnefnd.

Til kynningar.

Vísað til umhverfis- og skipulagsnefndar.

Engar fyrirspurnir bárust.