Bæjarráð Hornafjarðar

Árni benti á að kynningarfundur um sóknaráætlun 20 20 fyrir Ísland verður haldinn n.k miðvikudag. Hjalti ræddi hugmynd að úttekt á atvinnu- og menningarmálum í sveitarfélaginu, gerði hann það að tillögu sinni að atvinnu- og menningarmálanefnd fjallaði um málið. Guðrún Ása spurðist fyrir um nemendaráðið í FAS. Umræður sköpuðust um félagslíf ungmenna. Bæjarráð samþykkir framlagða tillögu Hjalta.

Hjalti ræddi drög að reglum um úthlutun leiguíbúða og gerði grein fyrir störfum félagsmálaráðs um málið. Umræður sköpuðust um fjölda eignaíbúða sveitarfélagsins sem eru á leigumarkaði.

Hjalti fjallaði um vinnustaðagreiningu, gerði hann grein fyrir fyrri könnun og tillögu að endurtekningu á henni. Bæjarráð er sammála um að endurtaka vinnustaðagreininguna.

Hjalti gerði grein fyrir samskiptum sínum um endurnýjun á menningarsamningum, ræddi hann um aðdraganda menningarsamninga og fleiri þætti. Fundað verður með þingmönnum kjördæmisins á næstu dögum um málefni menningarsamninga. Bæjarráð mótmælir hugmyndum um skiptingu fjármuna til menningarsamninga. Bæjarstjóra að vinna áfram að málinu.

Hjalti gerði grein fyrir fyrirkomulagi á umsjón og útleigu á fasteignum í eigu sveitarfélagsins. Bæjarráð fagnar framlögðum tillögum.

Ásgerður gerði grein fyrir málinu. Hjalti fjallaði um málið og lagði til að reglurnar verði sendar til umsagnar hjá skóla-, íþrótta-, og tómstundarnefnd. Umræður sköpuðust um hvort reglurnar ættu að taka mið af tómstundarkorti. Reglunum vísað til skóla-, íþrótta-, og tómstundanefndar.

Haukur Ingi fór yfir málið. Bæjarráð vísar málinu til annarrar umræðu í bæjarstjórn.

Ásgerður gerði grein fyrir tillögum að styrkjum fyrir árið 2011. Bæjarráð er sammála um framlagða tillögu um úthlutun styrkja fyrir árið 2011. Árni styður tillögun en bendir á að rekstur sóknarnefnda er á ábyrgð annarra en sveitarfélagsins.

Haukur Ingi gerði grein fyrir opnun tilboð í verkið Ráðhús/Svavarssafn endurinnréttingar og breytingar. Gerði hann grein fyrir að málið verði tekið fyrir á næsta fundi bæjarráðs.