Bæjarráð Hornafjarðar

Matthildur gerði grein fyrir fundargerð stjórnar HSSA.
Guðrún spurði um viðhorf til þjónustu á heilsugælsustöðinni og heimafæðingar. Þjónustukönnun fór fram í október sl. flestir voru ánægðir með heilsugæslustöðina en mest var kvartað undan því að hafa ekki ljósmóður á staðnum.
Kom fram að sjúkratryggingar taka ekki þátt í heimafæðingum úti á landsbyggðinni.
Kristján spurði um önnur mál Bara gras koma fram að það verkefni verði ekki styrkt.
Guðrún óskar eftir að fá upplýsingar um hvert hlutverk áheyrafulltrúa sé almennt.

Reynir gerði grein fyrir fundargerð Hafnarstjórnar.
Guðrún og Kristján spurðu um ráðstefnu í Barcelona, kom fram að ráðstefnan verði haldin í haust og þurfti að tilkynna þátttöku Hafnarinnar vorið 2013 til þess að hafa möguleika á að komast á ráðstefnuna. Björn Ingi benti á að þeir aðilar sem njóta komu skemmtiferðaskipa taki þátt í kynningarkostnaði.
Ásgerður greindi frá að Hellisvitinn sé eign sveitarfélagsins og standi til að klæða vitann.

Rúnar gerði grein fyrir fundargerð umhverfis-og skipulagsnefndar.
Guðrún spurði um stöðuleyfi í Skaftafelli kom fram að ekki hefur borist leyfi frá landeigenda.

Björn Þór gerði grein fyrir úttekt á kostnaði vegna endurbóta á Akurey.
Starfsmönnum falið að vinna áfram að málinu.

Ásta og Haukur Ingi gerðu grein fyrir drögum á ársreikningi 2013.

Birgir gerði grein fyrir hugmyndum að forgangsröðun vegna verklegra framkvæmda sveitarfélagsins.

Rúnar gerði grein fyrir deiliskipulagsvinnu að Hofi, ósk hafi borist um að Sveitarfélagið haldi utan um verkefnið.
Björn Ingi sagði eðlilegast að skipulagsráðgjafar haldi utanum verkið en sveitarfélagið taki þátt í skipulagsvinnu og kostnaði í hlutfalli við leiguland í kringum Hofgarð. Bæjarráð tekur undir þau sjónarmið.

Ásgerður gerði grein fyrir viðræðum sínum við Heppu matarhöfnina varðandi matarsmiðju.

Ásgerður gerði grein fyrir samstarfsverkefni FAS við tvo Eistneskan skóla. FAS hefur sóst eftir að fá stuðning sveitarfélagsins við verkefnið.
Bæjarráð samþykkir erindið.

Haukur og Birgir mæltu fyrir kaupum á sorppressu sem þeir skoðuðu nýverið.
Bæjarráð samþykkir kaup á umræddri sorppressu.
Einnig var farið yfir sorpmál í Lóni og aðkomu Djúpavogshrepps að þeim.
Starfsmönnum falið að vinna áfram að málunum.

Formaður lagði til að úthluta lóð við Bugðuleiru 4 til Þingavaðs ehf..
Samþykkt.

Engar fyrirspurnir hafa borist.