Bæjarráð Hornafjarðar

Fundargerð samþykkt.

Ásta H. Guðmundsdóttir, fjármálastjóri gerði grein fyrir á fjárhagsáætlun hafi verið gert ráð fyrir að taka 100 milljón kr. lán á árinu og óskaði eftir því að það yrði tekið núna.
Fór yfir stöðu sveitarfélagsins kom fram að tekjur fyrstu fimm mánuðina hafi verið minni en áætlanir gerðu ráð fyrir sem er m.a. vegna lækkunar á staðgreiðslutekjum.
Lovísa Rósa lagði fram eftirfarandi bókun:
Í ljósi yfirlýsinga fráfarandi meirihluta um góða fjárhagslega stöðu er það einkennilegt að á fyrsta fundi nýs meirihluta liggi hér fyrir beiðni um heimild til 100 milljóna lántöku.
Ásgerður sagði að það hafi alltaf verið ljóst að lántaka væri í fjárhagsáætlun 2014 og telur því að þessi staða eigi ekki að koma nýjum meirihluta á óvart.
Kristján spurði Ástu hvort fjárhagsleg staða sveitarfélagsins væri eftir sem áður sterk og hvort ástæða hefði verið til að taka lánið fyrr? Ásta upplýsti að staða sveitarsjóðs væri sterk og ekki hafi verið þörf á lántöku fyrr.
Bæjarráð samþykkir heimild til 100 milljón kr. lántöku samkvæmt lánasamningi við Sparisjóð Hornafjarðar og nágrennis dags 24. september 2013 og er lántakan í samræmi við fjárhagsáætlun 2014.

Ragnhildur Jónsdóttir fræðslustjóri gerði grein fyrir að auglýst hafi verið eftir sálfræðingi sem myndi búa á Höfn, þar sem það markmið náðist ekki var farið í frekari útfærslur með sálfræðingnum sem hefur þjónustað sveitarfélagið. Ragnhildur gerði grein fyrir drögum að þjónustusamningi við sálfræðinginn sem felur í sér aukna viðveru hans með tíðari ferðum til Hornafjarðar þá verður hægt að bjóða upp á aukna þjónustu og sérhæfða meðferð í hugrænni atferlismeðferð.
Bæjarráð samþykkir tillögu velferðarteymis um tveggja ára samning með meiri viðbót sem verður endurskoðaður í maí 2015.

Ragnhildur gerði grein fyrir stöðu skólastarfs í Grunnskólanum í Hofgarði, nemendum muni fækka úr 8 í 5. Ragnhildur lagði til að stöðugildum yrði haldið óbreytt og nýta hluta af stöðugildum í menningartengd verkefni.
Bæjarráð samþykkir óbreyttan fjölda stöðugilda.

Ellert Tómasson framkvæmda og umhverfisstjóri gerði grein fyrir verðfyrirspurn sem gerð var vegna flutnings á endurvinnsluefnum.
Fimm bjóðendur voru í verkið:
G. Karlsson ehf. 4.368.400 kr.
Eimskip Íslands ehf. 1.506.753 kr.
KASK Flutningar ehf. 1.528.590 kr.
Funi - Tilboð 1 2.183.700 kr.
Funi - Tilboð 2 3.275.550 kr.
Lægsta verð frá Eimskip Íslands ehf. 1.506.753 kr.
Starfsmönnum falið að ganga til samninga við lægstbjóðanda.

Björn Ingi Jónsson bæjarstjóri fór yfir samning sem gerður var við Rannveigu Einarsdóttur, kom fram að Rannveig hefur sagt sig frá verkefninu. Ríki Vatnajökuls og Menningarmiðstöðin munu hafa umsjón með verkefninu í framhaldinu.

Málefnasamningur meirihlutans lagður fram.
Ásgerður spurði um atriði í samningnum varðandi heimasíðu og fréttaflutning, ferðaþjónustu, tengibyggingu milli sundlaugar og íþróttahúss og þarfagreiningu íþróttamannvirkja. Björn Ingi greindi frá því að stefnt sé á að bæta upplýsingaflæði og aðgengi að efni heimasíðunnar og það sé ekki búið að fara í þarfagreiningu íþróttamanvirkja en muni verða gert. Þórhildur greindi frá að ferðaþjónustan og atvinnumál muni fá meira vægi. Kristján spurði hvort eigi að halda áfam með þá atvinnustefnu sem unnin hefur verið í samstarfi við SASS. Kom fram að unnið verði áfram að atvinnustefnu í samstarfi við SASS.

Björn Ingi gerði grein fyrir að í málefnasamningi sé gert ráð fyrir að endurskoða samþykktir sveitarfélagsins.
Bæjarráð felur starfsmönnum að vinna að endurskoðun samþykkta sveitarfélagsins.

Björn Ingi Jónsson bæjarstjóri greindi frá kynnisferð fyrir bæjarfulltrúa sem verður farin að Hólabrekku 26. júní 2014.

Lagt fram.
Starfsmanni falið að senda kjörbrbréf til SASS.

Bæjarráð hafnar styrkbeiðninni.

Bæjarráð mun funda á tveggja vikna fresti dagana: 7. júlí, 21. júlí og 11. ágúst.
Næsti bæjarstjórnarfundur verður haldinn 14. ágúst.

Styrkur barst frá Eignarhaldsfélagi Brunabótafélags Íslands til Vöruhússins að upphæð 500 þús. kr. vegna námskeiðahalds, uppbyggingar og þrúunar í Vöruhúsi.
Bæjaráð fagnar styrkveitingunni og óskar Vöruhúsinu til hamingju.

Lagt fram erindi frá íbúum við Silfurbraut þar sem íbúar krefjast þess að grenndarkynning verði gerð áður en rekstur vegna heimagistingar að Silfurbraut 42 fari fram.
Bæjarráð vísar erindinu til umhverfis-og skipulagsnefndar.

Bæjarráð gerir ekki athugasemd við leyfið.

Bæjarráð gerir ekki athugasemd við leyfið.

Bæjarráð gerir ekki athugasemd við leyfið.

Bæjarráð gerir ekki athugasemd við leyfið.

Engar fyrirspurnir hafa borist.