Bæjarráð Hornafjarðar

Ragnhildur Jónsdóttir fræðslustjóri sat fundinn undir þessum lið og greindi frá kostnaðar-og aðgerðaráætlun við árangursmódel fyrir menntastofnanir sveitarfélagsins.
Bæjarráð samþykkir að veita fé af óráðstöfuðu í verkefnið.

Erindi lagt fram frá Parkisonfélaginu þar sem sótt er um styrk til að halda fund félagsins í Hornafirði.
Bæjarráð samþykkir styrkbeiðni félagsins í formi fundaraðstöðu og fjárframlag upp á 50. þús. krónur.

Erindi lagt fram frá Landgræðslu ríkisins þar sem sótt er um styrk til samstarfsverkefnis Bændur græða landið.
Ellefu þátttakendur eru í verkefninu og er sótt um 6 þúsund á þátttakanda samtals 66. þús. krónur.
Bæjarráð samþykkir styrkbeiðnina.

Erindi frá bæjarstjórn Fljótsdalshéraðs leggur til að sveitarstjórnir sem liggja að Vatnajökli móti sér stefnu um hvort og þá hvernig rekstur upplýsingarmiðstöðva verði háttað í samvinnu við Vatnajökulsþjóðgarð.
Sveitarfélagið Hornafjörður er í samstarfi við Vatnajökulsþjóðgarð um rekstur upplýsingamiðstöðvar í Gömlubúð.

Bæjarráð tekur jákvætt í erindið en bendir á að sveitarfélagið vinnur að gerð jöklastígs í gegn um sveitarfélagið, tilvalið er að tengja verkefnin. Starfsmönnum falið að hafa samband við verkefnastjóra Þokuverkefnisins og kynna verkefni við stíga í sveitarfélaginu.

Bæjarráð tekur jákvætt í að laga aðgengi að Hvítasunnukirkjunni með framlengingu á göngustíg.
Málinu vísað til frekari vinnu umhverfis-og skipulagsnefndar.

Ráðningasamningur bæjarstjóra afhentur bæjarráði.
Samningurinn er eins og ráðningasamningur fyrrverandi bæjarstjóra Hjalta Þórs Vignissonar.

Auðun Helgason lögfræðingur sveitarfélagins sat fundinn undir þessum lið og fór yfir drög að svari sveitarfélagsins við bréfi Ice Lagoon ehf. frá 1. ágúst sl..
Í bréfi Ice Lagoon frá 1. ágúst sl. er m.a. sótt um stöðuleyfi á austurbakka Jökusárlóns. Umsókninni er vísað til umhverfis-og skipulagsnefndar.
Bæjarráð samþykkir að fela bæjarstjóra og lögfræðingi sveitarfélagsins að ganga frá svari til Ice Lagoon ehf..

Auðun Helgason lögfræðingur sveitarfélagsins sat fundinn undir þessum lið. Fram kom að búið er að senda bréf til allra þinglýstra eigenda að jörðinni Fell sem eru skv. þinglýsingavottorði dags. 01.08.2014 32 aðilar.

Björn Ingi Jónsson gerði grein fyrir að búið er að plægja niður ljósleiðara í Suðursveit, unnið er að tengingu. Vænta má ákvörðunar um kaup á örbylgjubúnaði fyrir Mýrarnar í vikulok.

Engar fyrirspurnir hafa borist.