Bæjarráð Hornafjarðar

Björn Ingi greindi frá ráðstefnu um hornafjarðaós sem verður haldin á Hótel Höfn þann 10. september og sagði mikilvægt að fólk mæti. Dagskráin verður sett á heimasíðu sveitarfélagsins.
Fundargerð samþykkt.

Kristján spurði hvort ætti að fara í skoðanakönnun vegna leikskólanna lýsti áhyggjum um að hún gæti tafið fyrr vinnu á innleiðingu á árangursmódeli að fyrirmynd Reykjanesbæjar.
Kom fram að málin eru ólík og ættu ekki að þurfa að trufla hvort annað. Allir eru sammála um að vandað verði til verka í þeirri vinnu sem framundan er við gerð skoðanakönnunar. Í ljósi umræðu um fyrirkomulag leikskóla á vormánuðum má ljóst vera aðólíkar skoðanir eru um það fyrirkomulag sem nú er.
Kristján spurði um málefni Sporhallarinnar, Björn Ingi greindi frá að starfsmenn væru að skoða framtíðarmöguleika fyrir líkamsræktarstöð á Höfn.
Fundargerð samþykkt.

Auðun Helgason lögfræðingur sveitarfélagsins sat fundinn undir þessum lið. Kristján vék af fundi. Farið var yfir erindi frá lögmanni Ice Lagoon ehf. þar sem óskað er eftir frestun á kröfu sveitarfélagsins um að fyrirtækið fjarlægi alla lausamuni fyrir 21. ágúst. Engar nýjar upplýsingar komu fram í erindi Ice Lagoon dags. 20. ágúst 2014. Bæjarráð er sammála um að veita lokafrest til 1. september nk. til að fjarlægja lausafjármuni í eigu félagsins á austurbakka Jökulsárlóns. Að öðrum kosti mun sveitarfélagið beita dagssektum skv. X. kafla skipulagslaga nr. 123/2010 og X. kafla mannvirkjalaga nr. 160/2010 að upphæð 250 þúsund krónur.

Auðun Helgason lögfræðingur sveitarfélagsins sat fundinn undir þessum lið. Farið var yfir erindi frá úrskurðarnefnd umhverfis-og auðlindamála vegna kæru Ice Lagoon ehf. til nefndarinnar vegna ákvörðunar sveitarfélagsins um að Ice Lagoon fjarlægi stöðuleyfisskylda lausafjármuni á austurbakka Jökuslárlóns.
Bæjarstjóra ásamt lögmanni falið að svara erindinu.

Björn Ingi gerði grein fyrir vinnu við viðauka III, vísað til áframhaldandi vinnu starfsmanna.

Fundargerðir nr. 30-33 stjórnar Nýheima lagðar fram.

Björn Ingi gerði grein fyrir að samningur við Ríki Vatnajökuls rennur út um næstu áramót. Umræður sköpuðust um skyldur og hlutverk sveitarfélagsins gagnvart hlutafélaginu annars vegar og ferðaþjónustunnar hins vegar. Starfsmönnum falið að taka saman öll framlög til Ríki Vatnajökuls.
Vísað til umræðu í atvinnu-og menningamálanefd og áframhaldandi vinnu.

Lagt fram til kynningar.

Lagt fram til kynningar.

Engar hafa borist.