Bæjarráð Hornafjarðar

Fundargerð samþykkt.

Vala Garðarsdóttir forstöðumaður Hornafjarðarsafna kynnti fyrir bæjarráði starfsemi og húsakynni Hornafjarðarsafna.

Jón Kristján Rögnvaldsson mætti á fundinn undir þessum lið og greindi frá fundi með verkefnastjórn. Bæjarráð felur Jón Kristjáni að gera uppkast af erindi vegna áframhaldandi undanþágu sveitarfélagsins frá íbúafjölda þjónustusvæðis.

Lagt fram svar frá LEX lögmannsstofu fyrir hönd Jökulsárlóns ehf. vegna fyrirspurnar og athugasemda um stöðuleyfi fyrir lausafjármuni við Jökulsárlón.
Bæjarstjóra falið að svara erindinu.

Erindi frá LEX lögmannstofu fyrir hönd Jökulsárlóns ehf. sótt er um stöðuleyfi fyrir lausamuni við Jökulsárlón.
Vísað til umhverfis-og skipulagsnefndar.

Björn Ingi fór yfir samþykkt um búfjárhald í sveitarfélaginu og hvaða breytinga er þörf á að gera eftir breytingu á lögum um velferð dýra nr. 55/2013.
Vísað til atvinnu-og menningarmálanefdar til áframhaldandi vinnu.

Erindi lagt fram frá Skógræktarfélagi Íslands þar sem aðalfundur félagsins ályktaði, Skógræktarfélagið leggur til að unnið verði að samstilltu átaki opinberra aðila og skógræktarfélaga í að nýta lúpínubreiður til skógræktar.
Bæjarráð vísar erindinu til umhverfis-og skipulagsnefdar.
Þórhildur lagði fram eftifarandi bókun:
Skógarkerfill hefur ekkert landgræðslugildi og hefur verið meira til ama en gagns. Samkvæmt heimildum hefur hann ekki náð útbreiðslu í Austur-Skaftafellssýslu er því tilvalið að setja einhverskonar reglugerð eða samþykkt um bann/höft við gróðursetningu skógarkerfils og aðgerðaráætlun um eyðingu hans ef upp kemur.
Bæjarráð tekur undir bókunina og leggur til að umhverfis-og skipulagsnefd taki hana til skoðunar.

Bæjarráð harmar að enginn styrkur hafi borist á austurhluta Suðurlands vegna styrkúthlutana úr vaxtarsamningi Suðurlands og felur starfsmanni að óska eftir gögnum um umsækjendur um styrki.
Fundargerðin lögð fram til kynningar.

Fundargerðin lögð fram til kynningar.

Engar fyrirspurnir hafa borist.