Bæjarráð Hornafjarðar

Auðun Helgason lögfræðingur sat fundinn undir þessum lið.
Bæjarráð hefur boðað til fundar með landeigendum jarðarinnar Fells við Jökulsárlón 10. desember kl. 13:00 á Icelandair hótel Reykjavík Natura.
Farið var yfir fyrirkomulag væntanlegs fundar.

Samkvæmt ákvörðun dómsmálaráðherra skal sveitarfélagið Hornafjörður teljast til umdæmis lögreglustjórans á Austurlandi þar til úttekt á rekstrarforsendum lögreglunnar á Austurlandi hefur farið fram.
Farið yfir stöðuna eins og hún er í dag og bæjarráð bendir á bókun bæjarstjórnar frá 6. desember.

Sveinbjörn Imsland sat fundinn undir þessum lið.
Farið var yfir minnisblað frá Advania ds. 8. desember vegna bilunar í tölvukerfi sveitarfélagsins.
Í minnisblaðinu kemur fram að varahlutur sem átti að skila sér á 2-3 virkum dögum var ekki komin eftir 10 daga, verið er að kanna til hlýtar hjá Advania hvað olli þessu.
Bæjarráð væntir þess að fá niðurstöður frá fyrirtækinu þegar þær liggja fyrir.

Erindi frá Ara Þorsteinssyni og Maríu Gísladóttur þar sem þau óska eftir samstarfi um uppbyggingu á Nýjahúsi með því að leggja fram vinnu starfsmanna og hjall til verkefnisins.
Vísað til atvinnu- og menningamálanefndar.

Erindi frá Guðrúnu Ingólfsdóttur og Eyrúnu Axelsdóttur þar sem þær óska eftir samstarfi við sveitarfélagið um aðstöðu fyrir listamenn við að vinna og selja afurðir sínar í netalofti við enda Miklagarðs.
Bæjarráð leggur áherslu á opið ferli ef kemur að úthlutun húsnæðisins.
Bæjarstjóra falið að vinna áfram að málinu.

Erindi frá Sýslumanni um að sveitarfélagið veiti umsögn um tækifærisleyfi fyrir Þorrablót á Höfn.
Bæjarráð gerir ekki athugasemd við tækifærilsleyfið.

Erindi frá mennta- og menningamálaráðuneytinu þar sem ráðuneytið hefur ákveðið að styrkja sveitarfélögin og aðra rekstraraðila grunnskóla í landinu til að taka upp námsupplýsingakerfi er styður við innleiðingu nýrrar aðalnámskrár í grunnskólum landsins og áherslur er koma fram í Hvítbókl um umbætur í menntun.
Vísað til skóla- íþrótta- og tómstundanefndar.

Engar fyrirspurnir hafa borist.