Bæjarráð Hornafjarðar

Fundargerð samþykkt.

Umræður um tillögu að breyttu stjórnskipulagi í Grunnskóla Hornafjarðar. Bæjarráð vísar breytingu á stjórnskipulagi Grunnskóla Hornafjarðar til bæjarstjórnar.
Rætt um starfsmannamál á Lönguhólum. Bæjarráð tekur undir áhyggjur nefndarinnar af stöðu mála. Fræðslustjóri og leikskólastjóri vinna að lausn.
Fundargerð samþykkt.

Fræðslustjóri fór yfir ferlið og umræður á fundi fræðslu- og tómstundarnefndar. Farið yfir þá valkosti sem eru í stöðunni. Afgreiðslu málsins frestað til næsta fundar.

Ungmennaráð gerði grein fyrir hugmyndum sínum varðandi áheyrnarfulltrúa í nefndum sveitarfélagsins.
Umræður um mögulegt fyrirkomulag. Ungmennaráð sendir bæjarráði tillögur að skipan áheyrnarfulltrúa í nefndir.

Matthildur fór yfir í hverju þátttaka sveitarfélagsins felst. Verkefnið snýst um að koma á fót íhlutun í nokkrum sveitarfélögum á Íslandi sem snýr að fjölþættri heilsurækt fyrir eldri aldurshópa 65 ára.
Bæjarráð samþykkir þátttöku í verkefninu að því gefnu að ríkið standi við loforð um sinn hluta fjármögnunar og næg þátttaka náist.
Árlegt framlag sveitarfélagsins er 4,5 milljónir á ári næstu þrjú árin. Bæjarráð leggur til að fjármögnun þessa árs verði tekin af rekstrarafgangi ársins.

Bæjarráð vísar erindinu til skipulagsnefndar.

Bæjarstjóri gerði grein fyrir stöðu verkefnisins. Búið er að leita til arkitektastofu um heildarhönnun svæðisins með teikningar að þremur til fimm húsum með fimm íbúðum hvert. Hugmyndir eru um stofnun leigufélags til að halda utan um þessar byggingar. Bæjarstjóra heimilað að kanna aðkomu mögulegra fjárfesta að verkefninu.