Bæjarráð Hornafjarðar

Árdís fór yfir fundargerð atvinnumálanefndar. Rætt um 2. lið í dagskránni vegna landsáætlunar um uppbyggingu innviða og er verkefnið skilgreint frekar opið. Beðið er eftir nánari skilgreiningu frá Sambandi sveitarfélaga á Íslandi á því hvernig aðkoma sveitarfélaga verður að þessu verkefni. Ásgerður spurði út í 1. lið og þar er tillaga um að stofna starfshóps vegna Jökulheima. Bæjarráð vísar hugmynd um starfshóp til umræðu í Menningarmálanefnd.
Árdís taldi mikilvægt að vinna heildarsýn Jöklaleiðar og að allir verði að vinna að framgangi þeirra verka sem fengið hafa styrk úr sjóðnum.
Fundargerð samþykkt.

Björn Ingi upplýsti að Skinney Þinganes hefur skrifað undir samkomulag við Sjávarútvegsskólann 2016 og verið er að skoða með hvaða hætti aðkoma sveitarfélagsins verður að verkefninu.
Fundargerð samþykkt.

Haldinn var fundur á Selfossi með stjórnendum HSU, fulltrúum Sjúkratrygginga Íslands og Velferðarráðuneytis. Beðið er eftir formlegu samningsumboði frá heilbrigðisráðherra til að hefja viðræður við gerð nýs þjónustusamnings.
Fundargerð samþykkt.

Fundargerð samþykkt.

Afkoma af rekstri stofnunarinnnar á árinu 2015 var neikvæð um 8.394 þús.kr. samkvæmt rekstrarreikningi. Eigið fé stofnunarinnar í árslok var neikvætt um 8.5 millj.kr. samkvæmt efnahagsreikningi. Launakostnaður hækkaði verulega á árinu, eða um rúmar 40 milljónir, í kjölfar gerð kjarasamninga og launabætur duga ekki til að mæta þeirri hækkun. Stöðugildi við stofnunina á árinu 2015 voru 49 að meðaltali en voru 48,5 árið 2014.
Framlögðum ársreikningi vísað til bæjarstjórnar.

Bæjarráð fagnar áhuga ungmennaráðs á að það fari fram skuggakosningar samhliða forsetakosningum í vor. Bæjarráð felur starfsmönnum að útbúa reglur um framkvæmd skuggakosninga og telur mikilvægt að öll ungmenni eigi kost á þátttöku í kosningunum.
Bæjarráð vísar málinu til afgreiðslu í bæjarstjórn.

Í skýrslunni kemur fram að þörf er á ýmsum lagfæringum við Gámasvæði.
Skýrslunni vísað til kynnaingar í Umhverfisnefnd.
Bæjarráð felur starfsmönnum svara athugasemdum og ábendingum sem fram koma í skýrslunni.

Lagt fram minnisblað þar sem lagt er til að kannaður verið áhugi nágranna sveitarfélaganna á möguleikum og hagkvæmni í sameiningu sveitarfélaganna Djúpavogshrepps, Sveitarfélagsins Hornafjarðar og Skaftárhrepps.
Bæjarráð vísar málinu til umræðu í bæjarstjórn.

Björn Ingi kynnti helstu breytingar á innkaupareglum sveitarfélagsins.
Bæjarráð leggur til að við reglurnar verði bætt ákvæði er varðar undirverktaka og að farið sé að kjarasamningum.
Bæjarstjóra falið að útfæra reglur og leggja fyrir bæjarráð.

Bæjarráð gerir ekki athugasemd við breytingu á rekstraleyfi fyrir Seljavelli ehf.

Bæjarráð gerir ekki athugasemd við útgáfu leyfisins.

Bæjarráð gerir ekki athugasemd við útgáfu leyfisins. Bæjarráð bendir jafnframt á að, ávallt skal í það minnsta einn af heimilismönnum búa á heimilinu og gegna hlutverki næturvarðar skv. 10. gr. reglugerðar um veitingastaði, gististaði og skemmtanahald nr.585/2007.

Bæjarráð gerir ekki athugasemd við útgáfu leyfisins.

Bæjarráð gerir ekki athugasemd við útgáfu leyfisins.