Bæjarráð Hornafjarðar

Ragnhildur fór yfir stöðu mála. Enn á eftir að manna fjögur stöðugildi. Ekki þarf að skerða skólatíma barna sem nú þegar eru með pláss en ljóst er að eins og staðan er í dag er ekki hægt að taka inn fleiri börn. Bæjarráð hvetur áhugasama að leita sér upplýsinga um áhugaverð störf á góðum vinnustað.

Bæjarráði líst vel á framkomnar hugmyndir um útlit hreinsivirkis og samþykkir að unnið verði áfram út frá þeim. Ásgerður óskar eftir samantekt á þróun framkvæmdarinnar frá upphafi, þ.e. breytingar og kostnaðartölur.

Vegagerðin óskar eftir 53.216 fm af landi sveitarfélagsins endurgjaldslaust undir hringveg um Hornafjarðarfljót ásamt efnistöku úr námum 5 og 6. Bæjarráð samþykkir ósk Vegagerðarinnar og felur bæjarstjóra að svara erindinu.

Bæjarráð er jákvætt fyrir þátttöku sveitarfélagsins í Útsvari og vísar málinu til menningarmálanefndar.

Bæjarráð mælir með að lóðinni verði úthlutað til umsækjanda í samræmi við reglur sveitarfélagsins um lóðaúthlutanir. Málinu vísað til bæjarstjórnar.

Bæjarráð getur ekki orðið við ósk umsækjanda þar sem skipulögð lóð er ekki á umræddum stað.

Bæjarráð samþykkir að kaupa þrjú til fjögur hraðavaraskilti. Hraðavaraskiltin geyma upplýsingar um fjölda bíla og hraða þeirra á hverjum tíma með þessum skiltum verða því til upplýsingar um umferðarmenningu. Bæjarráð felur umhverfisnefnd útfærslu og staðsetningu.

Sæmundur fór yfir fundargerðina.