Bæjarráð Hornafjarðar

Bæjarráð þakkar fyrir greinagóða skýrslu um vinnuskólann. Fræðslustjóra falið að vinna áfram með hugmyndir að þróun vinnuskólans fyrir næsta sumar með það að markmiði að efla hann.

Bæjarstjóri fór yfir forsögu málsins og leggur til að Atvinnu- og ferðamálafulltrúi verði tengiliður sveitarfélagsins við verkefnið.
Bæjarráð samþykkir framlagða tillögu um tengilið.

Bæjarstjóri fór yfir stöðuna og ósk um aukafjárveitingu.
Bæjarráð samþykkir aukafjárveitingu til kaupa á sambærilegri vél og er í ráðhúsi, fjárheimild verði tekin af óráðstöfuðu.

Fjármálastjóri fór yfir stöðu sveitarsjóðs. Staðan er í samræmi við áætlun.

Drög að dagskrá við vinnu fjárhagsáætlunar 2017 lögð fram.
Bæjarráð gerir ekki athugasemd við framlögð drög.

Bæjarstjóri fór yfir málið.
Bæjarstjóra falið að funda með formanni USÚ, framkvæmdastjóra Sindra og forstöðumanni íþróttamannvirkja. Tilgangur fundar er að hefja undirbúning að landsmóti 2019, hvaða svæði landsmótið þarf og hvernig undirbúningur þarf að eiga sér stað fram að landsmóti 2019.

Bæjarráð gerir ekki athugasemd við útgáfu leyfisins.
Samkvæmt aðalskipulagi sveitarfélagsins er ekki heimilt að selja gistingu í flokki 1, gistirými í heimagistingu í íbúðarbyggð á Höfn, í meira en fjórum herbergjum í íbúð. Bæjarráð bendir jafnframt á að, ávallt skal í það minnsta einn af heimilismönnum búa á heimilinu og gegna hlutverki næturvarðar skv. 10. gr. reglugerðar um veitingastaði, gististaði og skemmtanahald nr.585/2007.

Bæjarráð telur mikilvægt að fulltrúar sveitarfélagsins mæti á landsfund. Vísar erindinu til félagsmálastjóra og felur honum að kanna áhuga nefndarmanna í jafnréttisnefnd á að sækja fundinn.