Bæjarráð Hornafjarðar

Bæjarráð hitti hluta starfsmanna beggja leikskólanna í sal Krakkakots og ræddi við þá ákvörðun um viðbyggingu við Lönguhóla. Fundurinn var í samræmi við ákvörðun bæjarráðs frá síðasta fundi. Fram komu sjónarmið um aðra forgangsröðun og aðra verktilhögun en meirihluti bæjarstjórnar hefur ákveðið og voru þau mál rædd.

Fulltrúar undirskriftalista til stuðnings leiðar 3b yfir Hornafjarðarfljót mættu á fund bæjarráðs og afhentu 224 undirskriftir.

Umræður um stefnumótandi stjórnunaráætlun fyrir ferðaþjónustu í hverjum landshluta og samstarf í ferðamálum á Suðurlandi.
Framtíðarsýn Miklagarðs rædd.
Fundargerð samþykkt.

Umræður um umsóknir menningarstyrkja. Bæjarráð lagði til að umsóknarfrestur verði framlengdur.
Fundargerð samþykkt.

Umræður um drög að teikningum að nýju hjúkrunarheimili.
Fundargerð samþykkt.

Atvinnu- og ferðamálafulltrúi kynnti hugmynd að úthlutn byggðakvóta. Bæjarráð felur starfsmanni að senda inn ósk um sérreglur vegna fullvinnslu til neytenda á heimamarkaði.

Árdís kynnti drög að auglýsingu vegna reksturs tjaldsvæðis á Höfn.
Bæjarráð samþykkir að auglýsa rekstur tjaldsvæðis á Höfn. Leigusamningur verði gerður frá 1. janúar 2017 til 1. janúar 2032.

Bryndís kynnti menningarstefnu Hornafjarðar sem búin er að vera í vinnslu hjá Menningarmálanefnd undanfarna mánuði.
Bæjarráð vísar menningarstefnu Hornafjarðar til afgreiðslu í bæjarstjórn.

Bæjarráð samþykkir að gerður verði samningur við Rannsóknir og greiningu næstu tvö árin.

Fræðslustjóri kynnti drög að reglum vegna foreldragreiðslna. Málinu vísað til áframhaldandi vinnu. Fræðslustjóra falið að auglýsa aftur eftir dagforeldrum og starfsmönnum á leikskóla.

Áskorun kennara við Grunnskóla Hornafjarðar lögð fram.
Bæjarráð Hornafjarðar hefur þungar áhyggjur af þeirri grafalvarlegu stöðu sem er að skapast í kjarabaráttu grunnskóla- og tónlistarkennara. Bæjarráð skorar á samninganefndir FG,FT og SNS að leita allra leiða til að ná samningum hið fyrsta.

Fjármálastjóri fór yfir álagningarreglur og upplýsti að engar breytingar hafa verið gerðar á álagningarrelgum frá fyrri umræðu í bæjarstjórn.

Fjármálastjóri fór yfir fjárhagsáætlun og upplýsti að engar breytingar hafa verið gerðar á fjárhagsáætlun frá fyrri umræðu í bæjarstjórn.
Vísað til afgreiðslu í bæjarstjórn.

Fjármálastjóri fór yfir þriggja ára áætlun og upplýsti að engar breytingar hafa verið gerðar frá fyrri umræðu í bæjarstjórn.
Vísað til afgreiðslu í bæjarstjórn.

Bæjarráð samþykkir framlagða tillögu að skipuriti sveitarfélagsins og vísar til afgreiðslu í bæjarstjórn.

Umræður voru um fyrirkomulag tölvu- og fjarskiptamála hjá sveitarfélaginu og undirstofnunum þess. Um er að ræða viðamikinn málaflokk sem tekur breytingum á milli ára. Miklir möguleikar eru á þróun í notkun tölvubúnaðar í skólum sveitarfélagsins. Mikilvægt er að skoða fyrirkomulag og uppbyggingu málaflokksins hjá sveitarfélaginu.
Bæjarráð óskar eftir upplýsingum um alla samninga sem sveitarfélagið og undirstofnanir eru með vegna tölvu- og fjarskiptamála.

Bæjarráð mælir með að lóðinni verði úthlutað til umsækjanda í samræmi við reglur sveitarfélagsins um lóðaúthlutanir. Málinu vísað til bæjarstjórnar.

Bæjarráð samþykkir að veita styrk að fjárhæð 54.000 kr. til verkefnisins.

Lagt fram til kynningar.