Bæjarráð Hornafjarðar

Fundargerð samþykkt.

Farið yfir fundargerð. Húsnæðismál safna rædd og endurbótaþörf á Skreiðarskemmu. Umræður um vefsíðu Menningarmiðstöðvar og mögulegar útfærslur. Menningarmálanefnd vinnur áfram að málinu.
Fundargerð samþykkt.

Farið yfir fundargerð. Umræður um framtíðarskipulag og lóðaframboð á íbúðar- og atvinnusvæði í landi sveitarfélagsins. Umræður um ferðaþjónustuhluta í gildandi aðalskipulagi.
Fundargerð samþykkt.

Bæjarráð þakkar ábendinguna og vísar erindinu í vinnu umhverfisnefndar að umferðaröryggisáætlun sveitarfélagsins. Bæjarráð hvetur vegfarendur að sýna aðgát við akstur í íbúagötum.

Bæjarráð þakkar boðið og samþykkir þátttöku í Útsvari. Bæjarráð felur menningarmálanefnd að finna keppendur.

Ragnhildur gerði grein fyrir tilboðinu. Bæjarráð felur fræðslustjóra að semja við tilboðsgjafa um tímabundinn samning til tveggja ára með framlengingarákvæði.

Bæjarráð vísar málinu til fjárhagsáætlunargerðar 2018.

Bæjarráð heimilar tímabundin afnot af lóð við Ófeigstanga 11 og 13 undir efni og malbikunarstöð.

Bæjarráð Hornafjarðar lýsir yfir þungum áhyggjum af stöðu sauðfjárræktar í landinu. Þær miklu afurðaverðslækkanir sem boðaðar hafa verið í haust auk seinkana á greiðslum munu valda bændum verulegum vanda á næstu mánuðum. Ljóst er að sauðfjárbændur munu eiga í erfiðleikum með að standa við skuldbindingar sínar.
Boðuð lækkun á afurðaverði til sauðfjárbænda í haust þýðir 1.800 milljóna króna launalækkun fyrir stéttina í heild, sem bætist við 600 milljóna launalækkun sem þeir urðu fyrir í fyrra.
Bæjarráð Hornafjarðar skorar á afurðarstöðvar, sjávarútvegs- og landbúnaðarráðherra og Ríkisstjórn Íslands að bregðast við þeim mikla vanda sem fyrirsjáanlegur er.