Bæjarráð Hornafjarðar

Eyrún fór yfir fundargerð menningarmálanefndar.
Fundargerð samþykkt.

Bæjarráð tekur undir áhyggjur af ástandi Akureyjar SF. Bæjarráð felur starfsmönnum menningarmiðstöðvar, Hornafjarðarhafnar og tæknisviðs að bregðast strax við og loka opum og svæðum þar sem hætta getur skapast. Jafnframt óskar bæjarráð eftir úttekt sömu aðila um ástand skipsins og skila greinagerð til bæjarráðs um hvað mögulegt er að gera.

Lögð fram greinargerð atvinnu- og ferðamálafulltrúa. Sveitarfélagið Hornafjörður sendi inn umsókn um úthlutun á byggðakvóta til Atvinnuvega- og nýsköpunarráðuneytisins þann 1. október 2016. Umsóknin var byggð á samdrætti í aflaheimildum undanfarin ár og mikilvægi sjávarútvegs sem atvinnugreinar
fyrir Sveitarfélagið Hornafjörð. Þann 3. nóvember 2016 barst Sveitarfélaginu Hornafirði svarbréf frá Atvinnuvega- og
nýsköpunarráðuneytinu. Þar kom fram að sveitarfélagið fengi úthlutað 30 þorskígildistonnum í byggðakvóta fyrir fiskveiðiárið 2016/2017. Fiskistofa auglýsir byggðakvóta til umsóknar. Það varð hinsvegar misbrestur á því fyrir fiskveiðiárið 2016/2017 og hefur verið staðfest af ráðuneyti og Fiskistofu að sá kvóti mun flytjast yfir á næsta fiskveiðiár.
Bæjarráð felur starfsmanni að svara erindinu.

Bæjarráð felur starfsmönnum að sækja um byggðakvóta fyrir hönd sveitarfélagsins.

Umhverfis- og upplýsingafulltrúi fór yfir stöðuna og aðgerðir sem gripið hefur verið til frá því úttekt fór fram. Málaflokkurinn er í endurskoðun í kjölfar útboðs sorpmála.
Bæjarráð felur starfsmanni að svara erindi.

Bæjarráð óskar eftir ítarlegri greinargerð á stöðu framkvæmda fyrir fundinn 2. október nk.

Bæjarfulltrúar og fjármálastjóri fara á ráðstefnuna.

Sæmundur Helgason vék af fundi undir þessum lið og Ragnheiður Hrafnkelsdóttir tók sæti í síma. Bæjarráð felur bæjarstjóra að óska eftir viðræðum við samningsaðila um endurnýjun samnings.

Lagt fram til kynningar.

Lagt fram til kynningar.