Bæjarráð Hornafjarðar

Auglýst var eftir leigjendum á íbúð í Borgartúni 14 Öræfum. Þar sem fleiri en einn sækjast eftir leigunni er dregið á milli umsækjenda. Umsækjendur voru þrír. Vatnajökulsþjóðgarður, Tröllaferðir og Boris Dostal.

Aðalfundur Búnaðarsambands Austur-Skaftfellinga haldin í Holti þann 13.apríl 2019, skorar á Sveitarfélagið Hornafjörð að endurskoða og yfirfara refaveiðar í Austur Skaftafellssýslu með það að markmiði að grenjaleit og eyðing verði í höndum manna eða kvenna sem stunda hana á þeim tíma sem best þykir og hafa tíma og áhuga til þess. Einnig þarf að endurskoða gjald sem greitt er fyrir refaveiðar sem hefur verið óbreytt í tugi ára.

Erindi frá Sýslumanni dags. 15. maí þar sem óskað er eftir umsögn um tímabundið áfengisleyfi vegna sjómannadagskemmtunar.

Eftirfarandi bókun var samþykkt á 52. stjórnarfundi Samtaka sjávarútvegssveitarfélaga, sem fram fór í Borgartúni 30 þann 15. maí sl.Stjórn Samtaka sjávarútvegsveitarfélaga telur mikilvægt að unnin verði samantekt á heildaráhrifum loðnubrests 2019 og að niðurstöður hennar verði kynntar á fundi stjórnar þar sem bæjarstjórum þeirra sveitarfélaga sem um ræðir verði boðið einnig. Í framhaldinu muni stjórnin síðan álykta um með hvaða hætti ríkisvaldið gæti/ætti að bregðast við komi slíkar aðstæður upp hvort heldur er varðandi loðnu eða aðra veiðistofna. Formanni og starfsmanni falið að fylgja málinu eftir.Aðdragandi málsins er bókun bæjarráðs sveitarfélagsins Hornafjarðar sjá meðfylgjandi tölvupóst hér að neðan dags. 2. apríl sl.