Bæjarráð Hornafjarðar

Markaðsherferð sveitarfélagsins er í fullri virkni og hefur hún verið í gegnum heimasíðu Ríkis Vatnajökuls. Leitað var samstarfs við auglýsingastofu sem ráðgjafa við verkefnið. Mikið hefur verið að íslensku ferðafólki í sveitarfélaginu og lætur ferðaþjónustan nokkuð vel af sér.

Erindi hafnað.

Sverrir kynnti niðurstöður launagreiningar. Launagreiningin er hluti af ferli jafnlaunavottunar. Niðurstöður eru á þá leið að launamunur mælist vart. Launamunur á grunnlaunum mælist 2% og á heildarlaunum 0,9%, hvoru tveggja konum í hag. Síðast var framkvæmd launagreining árið 2017 og hefur launamunur dregist saman.
Næstu skref er að kynna niðurstöður launagreiningar fyrir öllu starfsfólki, í kjölfarið mun lokaúttekt jafnlaunavottunar fara fram í ágúst.

Rekstur Skjólgarðs er verulega þungur um þessar mundir og bendir fjárhagsáætlun til þess að hallarekstur verði rúmlega 50 m.kr. Stjórnendum falið að halda áfram að leita leiða til hagræðinga. Jafnframt felur bæjarráð bæjarstjóra að óska eftir fundi með SÍ og heilbrigðisráðherra um samningamál.

Lagt fram til kynninga.

Í kjölfar fjölgunar smita í kringum opnun landamæra hafa Almannavarnir á Suðurlandi fundað í tvígang með bæjar- og sveitarstjórum. Íbúar eru hvattir til að viðhalda sóttvörnum og virða tilskipanir stjórnvalda um fjöldatakmarkanir.

Sveitarfélagið Hornafjörður er eitt af 9 sveitarfélögum á landinu sem er áætlað að komi illa út vegna efnahagslegra áhrifa Covid-19. Stjórnvöld hafa sett á laggirnar samráðsteymi sem metur ástandið og kortleggur mögulegar aðgerðir til viðspyrnu í sveitarfélaginu. Lögð er áhersla á nýsköpun, störf án staðsetningar, fjarvinnslustöðvar og fleira.

Teymið mun safna og miðla upplýsingum um stöðu félags- og atvinnumála á
landsvísu í kjölfar COVID-19 heimsfaraldursins og fylgja eftir aðgerðum ríkisstjórnarinnar er það varðar.
Sveitarfélagið Hornafjörður hefur fengið þrjá styrki vegna þessa sem snúa að því að auka starfsemi og þjónustu í félagsstarfi fullorðinna sumarið, styrk til að styrkja sumarstarf sveitarfélaga með börnum og ungmennum í viðkvæmri stöðu en Þrykkjan er nú með sumaropnun sem er nýjung. Einnig fékkst styrkur til Heimaþjónustudeildar en stefnt er að sérstakri sumarferð með þjónustuþegum.

Athugasemd barst frá Hafnarstjórn þar sem lögð er áhersla á að Hornafjarðarhöfn haldi mikilvægi sínu innan stjórnsýslunnar sem sér nefnd meðal annars. Þeirri athugasemd er vísað endurskoðunar á samþykktum sveitarfélagsins.
Sæmundur leggur fram eftirfarandi bókun í umhverfis- og skipulagsnefnd og ítrekar hana við afgreiðslu bæjarráðs: Bent er á að atvinnu- og ferðamál eiga mikla samleið með menningarmálum. En líka margskonar samleið við umhverfis- og skipulagsmál og málefni sjávarútvegs og bænda, jafnvel fræðslumál og heilbrigðismál. Þess vegna getur hann ekki stutt þá breytingu, að fella atvinnu- og ferðamál undir menningarmál í skipuriti. Það dregur úr mikilvægi atvinnu- og ferðamála gagnvart stjórnsýslunni, að mati Sæmundar. Nær væri að halda atvinnu- og ferðamálum undir stjórnsýslueiningunni, í sama dálki og gert var í skipuriti frá 2016 og þannig nær málaflokkurinn að vinna þvert á allar nefndir.
Aðrar athugasemdir bárust ekki.
Bæjarráð samþykkir framlagt skipurit. Bæjarráð felur starfsmönnum að undirbúa endurskoðun á samþykktum sveitarfélagsins í kjölfar nýs skipurits.*

Bæjarráð felur starfsmönnum að vinna áfram að málinu.

Í kjölfar samþykktar á samgönguáætlun og frumvarpi um samvinnuverkefni um vegaframkvæmdir er gert er ráð fyrir að halda áfram framkvæmdum á hringveginum um Hornafjörð og ljúka þeim á árunum 2021-2024. Bæjarráð felur bæjarstjóra að kalla eftir upplýsingum frá Vegagerðinni og kalla eftir upplýsingum um verkefni sem fyrirhuguð eru í sveitarfélaginu.

Bæjarstjóra falið að kalla eftir upplýsingum frá Vegagerðinni um útboð áætlunarflugs til Hornafjarðar.

Bæjarráð þakkar fyrir erindið og vísar erindinu til umfjöllunar hjá umhverfis- og skipulagsnefnd.

Erindi vísað til afgreiðslu starfsmanna.

Tryggja þarf öryggi í afhendingu raforku í Sveitarfélaginu Hornafirði. Fyrirhuguð er orkufrek uppbygging í Lóni og því mikilvægt að tryggja afhendingu raforku þar.

Bæjarráð tekur undir áskorun frá byggðarráði Sveitarfélagsins Skagafjarðar og hvetur stjórnvöld til að standa við loforð um að efla og fjölga opinberum störfum hjá landsbyggðarsveitarfélögum.

Lagt fram til kynningar.

Lagt fram til kynningar.

Bæjarráð gerir ekki athugasemd.

Lagt fram til kynningar.