Bæjarráð Hornafjarðar

Fyrir málinu liggur skýrsla um samsetningu íbúðarhúsnæðis í eigu sveitarfélagsins og greining á leiguverði, fyrirkomulagi í bókhaldi o.fl. Starfsmaður KPMG mun fylgja málinu eftir og kynna skýrsluna.

Fyrir málinu liggur úrskurður Kærunefndar jafnréttismála.

.

Erindi frá Félagi eldri Hornfirðinga þar sem óskað er eftir styrk að upphæð 500 þúsund til að stækka minigolfvöll sem byggður var í vor.

Ný eldvarnarstefna sveitarfélagsins lögð fram. Markmið með eldvarnarstefnunni er að auka skilning og öryggi starfsmanna, skjólstæðinga og viðskiptavina með það að leiðarljósi að draga úr líkum á tjóni á rekstri og eignum og viðhalda fjárfestingu sem liggur í eldvarnarbúnaði.

Erindi frá SASS og Sambandi íslenskra sveitarfélaga þar sem óskað er eftir að sveitarfélagið takið þátt í miðlægu samstarfi sveitarfélaga um stafræna þróun og nýtingu á nútímatækni til að bæta þjónustu við íbúa. Lagt er til að sveitarfélög innan SASS skipi í faghóp um stafræna þróun. Erindisbréf fyrir stafrænan faghóp lagt fram.

Erindi frá Atvinnuvega- og nýsköpunarráðuneytinu þar sem óskað er eftir umsögn við frumvarpi til laga um breytingu á lögum um stjórn fiskveiða.

Erindi frá Sinfóníuhljómsveit Suðurlands þar sem kynnt eru verkefni og tónleikar á næstu misserum.

Erindi frá Samtökum íslenskra handverksbrugghúsa þar sem skorað er á dómsmálaráðherra að leggja fram frumvarp um netverslun um áfengi fram á nýjan leik til að tryggja íslenskum handverksbrugghúsum rétt til að selja gestum sínum vörur á staðnum.

Erindi frá Sambandi íslenskra sveitarfélaga þar sem boðað er til fjármálaráðstefnu dagana 1. og 2. október. Ráðstefnan er með breyttu sniði í ljósi aðstæðna og verður send út á netinu tvo tíma hvorn dag.