Bæjarráð Hornafjarðar

Áfangastaðaáætlun hefur verið unnin innan hvers landshluta með aðkomu og stuðningi Ferðamálastofu og Stjórnstöðvar ferðamála á forsendum landshlutanna. Markaðsstofurnar gegndu þar lykilhlutverki þar sem þekking, yfirsýn, tengslanet sem og virkt samtal og samvinna inn á svæðunum lagði grunninn að verkefninu.Í aðdraganda og kjölfar vinnu við Áfangastaðaáætlanir (DMP) hafa mótast umræður og hugmyndir að áframhaldandi þróun og hlutverkum Markaðsstofanna og hugmyndir verið kynntar að þróa þær yfir í að verða Áfangastaðastofur

Félagsmálanefnd leggur til að að bæjarráð samþykki erindisbréf velferðarnefndar að einum lið undanteknum, ásamt því að skoða hvort barnavernd eigi heima í sér nefnd með skýrum verklagsreglum og gildi um þau mál aðrar reglur en önnur mál í nefndinni.

Kynning á Leigufélaginu Bríet sem er sjálfstætt starfandi leigufélag í eigu Húsnæðis- og mannvirkjastofnunar, stofnað að norrænni fyrirmynd og rekið án hagnaðarsjónamiða.Markmið Bríetar að vera hluti af uppbyggingu og styrkingu leigumarkaðar sem stuðlar að öryggi á langtímaleigumarkaði með sérstaka áherslu á landsbyggðina og í samstarfi við sveitarfélögin í landinu. Langtímamarkmið Bríetar er að stuðla að nýsköpun og uppbyggingu þar sem þörf er á því á landsbyggðinni.

Erindi frá Stígamótum þar sem óskað er eftir fjárstuðningi og samstarfi um rekstur félagsins.

Erindi frá Ingvari G. Snæbjörnssyni þar sem óskað er eftir fresti á framkvæmdum að Hagaleiru 14.

Erindi frá efnahags- og viðskiptanefnd Alþingis þar sem óskað er eftir umsögn við tillögu til þingsályktunar um aðgerðir í þágu sveitarfélaga vegna heimsfaraldurs kórónuveiru.

Ársfundur Jöfnunarsjóðs verður haldinn 18. nóvember í fyrsta skipti á rafrænan hátt.