Bæjarstjórn Hornafjarðar

8.Fundargerðir SASS 2016, Sæmundur tók til máls og greindi frá að Samtök sunnlenskra sveitarfélaga veita árlega verðlaunin fyrir framúrskarandi framlag á sviði menntunar á Suðurlandi. Að þessu sinni var Framhaldskóla Austur- Skaftafellssýslu veitt verðlaunin fyrir markvisst starf að náttúrufarsrannsóknum frá 1990. Sæmundur óskaði FAS til hamingju með verðlaunin.

Forseti bar fundargerðina upp til atkvæða.
Fundargerðin var samþykkt með sjö atkvæðum.

Forseti bar fundargerðina upp til atkvæða.
Fundargerðin var samþykkt með sjö atkvæðum.

6.Fjárlagafrumvarp fyrir árið 2017, Sæmundur tók til máls, og vakti máls á fundi Alþingis að í fjáraukalögum fyrir 2016 voru settir fjármunir í kaup á jörðinni Fell við Jökulsárlón, sagði að það skynsamlega hugmynd að jörðin yrði tekin undir þjóðgarð.

Forseti bar fundargerðina upp til atkvæða.
Fundargerðin var samþykkt með sjö atkvæðum.

7. Sjúkraflutningar frá Hornafirði, Sæmundur tók til máls. Lagði til að bæjarstjórn geri bókun bæjarráðs að sinni.
" Hornafjörður er afskekkt og ekki óalgengt að hringvegurinn lokist annað hvort til austurs eða vesturs, eða jafnvel í báðar áttir, vegna veðurs. Langt er í næstu aðstoð, þegar þörf er á liðsauka. Næsta sjúkrahús er Norðfjörður 360 km eða Selfoss 400 km, sem er langur akstur með alvarlega veikt fólk.
Bæjarstjórn krefst að NA-SV braut 06/24 Reykjavíkurflugvallar verði opin í neyðartilfellum á meðan aðrar lausnir eru ekki tiltækar. Það er grundvallaratriði að á hverjum tíma séu tryggðar samgöngur af landbyggðinni við Landsspítala Háskólasjúkrahús sem er hefur þá skildu að sinna neyðarþjónustu við alla landsmenn."

Forseti bar tillögu sæmundar að bókun bæjarstjórnar atkvæði.
Samþykkt með sjö atkvæðum.
Forseti bar fundargerðina upp til atkvæða.
Fundargerðin var samþykkt með sjö atkvæðum.

15. Fundargerðir viðbragðaðila Austur-Skaftafellssýslu 2017, Sæmundur tók til máls og lagði til að bæjarstjórn geri bókun bæjarráðs að sinni.
"Bæjarstjórn tekur undir mikilvægi þess að Öræfaeftirlit sem Lögreglan á Suðurlandi stóð fyrir sumar og haust 2016 verði framhaldið og markaðir varanlegir fjármunir til verkefnisins. Samkvæmt fundargerð hafði eftirlitið mikil og jákvæð áhrif á svæðinu. Eftirlitið styrkti viðbragðsaðila á Kirkjubæjarklaustri, Höfn og í Öræfum. Lögreglumaður í Öræfum hefur mikil áhrif gagnvart forvörnum og skapar ákveðið öryggi fyrir íbúa sem og ferðamenn. Bæjarstjórn tekur undir mikilvægi þess að koma upp aðstöðu á svæðinu fyrir eftirlits- og viðbragðsaðila."
Forseti bar tillöguna upp til atkvæða.
Samþykkt með sjö atkvæðum.

Forseti bar fundargerðina upp til atkvæða.
Fundargerðin var samþykkt með sjö atkvæðum.

Fundargerðin lögð fram til kynningar.

Björn Ingi sagði að menntastefnan endurspegli hugmyndir og sýn íbúa á öllum aldri til menntamála og framtíðarþróunar í sveitarfélaginu.
Framtíðarmarkmið menntastefnunnar eru unnin úr niðurstöðum þeirra hópa sem tóku þátt í mótun hennar. Þar kemur fram að, nám miðast við framtíðina er sveigjanlegt og einstaklingsmiðað og felur í sér sköpun.
Grunnur að metnaðarfullu og faglegu skólastarfi er fólgin í áhugasömu og vel menntuðu starfsfólki. Skólarnir eru vettvangur fjölbreytileikans þar sem nemendur stunda einstaklingsmiðað nám í samræmi við þroska og getu.
Lagði til að bæjarstjórn samþykkti framlagða menntastefnu.
Forseti bar tillöguna upp til atkvæða.
Samþykkt með sjö atkvæðum.

Björn Ingi sagði að hlúa þurfi að menningu í heild sinni, horfa til þess sem kemur sveitafélaginu til góða. Öflug og fjölbreytt menning styður samfélagið. Hlúa að þjónustuhlutverki og menningarstarfsemi Menningarmiðstöðvar, hvetja til samstarfs á sviði menningarmála, styðja við starfsemi listamanna í sveitarfélaginu og styðja við og efla fjölmenningu innan sveitafélagsins
Fagleg vinnubrögð eru höfð að leiðarljósi í því að efla menningu innan svæðisins og styrkja þannig ímynd sveitarfélagsins.
Lagði til að bæjarstjórn samþykkti framlagða menningarstefnu.
Forseti bar tillöguna upp til atkvæða.
Samþykkt með sjö atkvæðum

Björn Ingi greindi frá reglum þátttöku í farsímakostnaði starfsmanna sveitarfélagsins.
Lagði til að bæjarstjórn samþykkti framlagðar reglur um þátttöku í farsímakostnaði starfsmanna.
Forseti bar tillöguna upp til atkvæða.
Samþykkt með sjö atkvæðum

Björn Ingi greindi frá reglum um úthlutun styrkja fræðslu- og tómstundarnefndar. Lagði til að bæjarstjórn samþykkti framlagðar reglur um styrkveitingar.
Forseti bar tillöguna upp til atkvæða.
Samþykkt með sjö atkvæðum

Forseti lagði til að bæjarstjórn samþykkir landskiptin með með vísan í 13. gr. jarðarlaga nr. 81/2004 og með vísan í 48 gr. Skipulagslaga nr. 123/2010.
Forseti bar tillöguna upp til atkvæða.
Samþykkt með sjö atkvæðum.

Frestað.

Deiliskipulagstillagan var í kynningu frá 22. sept.- 3. nóv.
Markmið við gerð deiliskipulagsins er að efla byggð á svæðinu og styrkja atvinnulíf og samhliða að auka afþreyingu í sveitarfélaginu. Þá á að breyta íbúðarhúsi/sambýli í gistihús og byggja allt að 5 gistihús fyrir ferðaþjónustu.
Skipulagsnefnd tók málið fyrir á fundi sínum þann 11. janúar.
Lagði til að bæjarstjórn samþykki að gera bókun skipulagsnefndar að sinni og vísi deiliskipulagstillögunni í lögformlegt ferli skv. 41. gr. skipulagslaga nr. 123/2010.
Forseti bar tillöguna upp til atkvæða.
Samþykkt með sjö atkvæðum.

Deiliskipulagstillagan var í kynningu frá 22. sept. - 3. nóv.
Markmið deiliskipulagsins er að bæta öryggi vegfarenda og íbúa með endurskoðun á umferðarflæði og bílastæðum, bæta aðstöðu og aðbúnað fyrir ört vaxandi ferðamannastraum á Höfn, skapa möguleika á þróun og vexti núverandi þjónustustarfsemi á tjaldsvæðinu, setja skilmála fyrir allar byggingar, m.a. núverandi íbúðarbyggð við Fiskhól og bæta almennt aðgengi fyrir hreyfihamlaða.
Skipulagsnefnd tók málið fyrir á fundi sínum þann 11. janúar.
Lagði til að bæjarstjórn samþykki að gera bókun skipulagsnefndar að sinni og vísi deiliskipulagstillögunni í lögformlegt ferli skv. 41. gr. skipulagslaga nr. 123/2010.
Forseti bar tillöguna upp til atkvæða.
Samþykkt með sjö atkvæðum.

Leitað hefur verið umsagna hjá Umhverfisstofnun og ISAVIA.
Engar athugasemdir bárust.
Skipulagsnefnd fjallaði um erindið á fundi sínum þann 11.01.2017 og telur framkvæmdina ekki háða mati á umhverfisáhrifum skipulagslaga.
Bar upp tillögu um að bæjarstjórn samþykki framkvæmdaleyfið skv. 13. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Framkvæmdin er unnin af sveitarfélaginu í samráði við Vatnajökulsþjóðgarð, framkvæmdin er styrkt af Framkvæmdasjóði ferðamannastaða og er liður í Jöklaleið.
Skipulagsnefnd fjallaði um erindið á fundi sínum þann 11.01.2017 og telur framkvæmdina ekki háða mati á umhverfisáhrifum.
Bar upp tillögu um að bæjarstjórn samþykki framkvæmdaleyfið skv. 13. gr. skipulagslaga.
Forseti bar tillöguna upp til atkvæða.
Samþykkt með sjö atkvæðum.

Bæjarstjóri greindi frá störfum sínum síðastliðinn mánuð.

Engar fyrirspurnir hafa borist.