Bæjarstjórn Hornafjarðar

Bæjarstjórn fagnar frumkvæði Sambands íslenskra sveitarfélaga með stofnun samráðsvettvangs sem er ætlaður sveitarfélögum landsins til samstarfs og samráðs um loftlagsmál og heimsmarkmið Sameinuðu þjóðanna um sjálfbæra þróun.

Viðbragðsáætlun Sveitarfélagsins Hornafjarðar og Lögreglustjórans á Suðurlandi við samfélagslegum áföllum lögð fram til samþykktar. Viðbragðsáætlunin var unnin í samstarfi starfsfólki sveitarfélagsins og Lögreglustjórans á Suðurlandi.

Læsisstefnan var unnin af teymi um læsisstefnu og var hún send fastanefndum sveitarfélagsins til umsagnar. Í læsisstefnu Sveitarfélagsins Hornafjarðar er fjallað um megináherslur og markmið í læsi. Einnig eru sett fram viðmið um hvenær grípa þurfi til sérstakrar íhlutunar. Áhersla er lögð á að heimilin taki virkan þátt í læsisnámi barna í samvinnu við skólana.

Björgvin Óskar gerði grein fyrir deiliskipulagstillögunni og sagði að auglýsa hana að nýju þar sem ósk um breytingu á byggingamagni hefur borist. Megin markmið deiliskipulagsins er að setja ramma um fyrirhugaða starfsemi á svæðinu og frekari stefnumörkun um uppbyggingu á iðnaðarsvæði í landi Hoffells og Miðfells ásamt iðnaðarsvæði í landi Stapa. Þá verður gerð grein fyrir framkvæmdinni og lagningu stofnæðar frá fyrirhuguðu framkvæmdasvæði inn í þéttbýlið á Höfn. Skipulagssvæðið tekur til tveggja svæða, auk þess sem framkvæmd er lýst og gerð verður grein fyrir stofnlögn til þéttbýlis á Höfn. Ekki þarf að deiliskipuleggja vegna stofnlagnar, en hún er framkvæmdaleyfisskyld sbr. 5 gr. reglugerðar um framkvæmdaleyfi nr. 772/2012.Lagði til að bæjarstjórn samþykki fyrirliggjandi breytingar á tillögunni og vísi henni í lögformlegt ferli og að hún verði auglýst að nýju.

Björgvin Óskar greindi frá erindi Skipulagsstofnunar dags. 16. september þar sem óskað er eftir umsögn um hvort og á hvaða forsendum hótel í landi Svínhóla skuli háð mati á umhverfisáhrifum skv. 6. gr. laga um mat á umhverfisáhrifum nr. 2016/2000 og viðauka í framangreindum lögum.Umhverfis-og skipulagsnefnd hefur fjallað um erindið og bókaði eftirfarandi: "Umhverfis- og skipulagsnefnd telur að nægjanlega sé gerð grein fyrir framkvæmdinni, mótvægisaðgerðum, umhverfi og vöktun. Áður en farið er í framkvæmdir þarf að sækja um byggingarleyfi, framkvæmdaleyfi, efnistökuleyfi og mikilvægt er að framkvæmdir fari fram á þeim tíma árs þannig að minnst rask verði á dýralífi."Lagði til að bæjarstjórn geri svör skipulagsnefndar að sínum.

Björgvin Óskar greindi frá erindi Vegagerðarinnar dags. 9. september, þar sem sótt er um framkvæmdaleyfi fyrir nýjar brýr, annars vegar yfir Fellsá og hins vegar yfir Steinavötn. Brýrnar verða í núverandi veglínu og samkvæmt gildandi skipulagi. Brúin yfir Steinavötn verður 102 m. löng, steypt brú með 9 m. akbraut. Brúin er grunduð á niðurrekstrarstaurum. Brúin yfir Fellsá verður 49 m. löng steypt plötubrú með 9 m. akbraut, grunduð á klöpp. Samkvæmt viðauka 10.10 í lögum um mat á umhverfisáhrifum fellur framkvæmdin í umhverfismatsflokk C og er því ekki háð umhverfismati. Vegagerðin þarf að óska eftir umsögnum hjá Orkustofnun og Fiskistofu áður en framkvæmdir hefjast.Lagði til að bæjarstjórn samþykki að gefa út framkvæmdaleyfi fyrir brú yfir Steinavötn og brú yfir Fellsá.

Erindi frá Snorra Snorrasyni þar sem óskað er eftir lóð að Víkurbraut 27, fyrir óstofnað einkahlutafélag. Bæjarráð mælti með lóðarúthlutuninni.

Björgvin Óskar Sigurjónsson vék af fundi undir þessum lið.Umsókn Jökulfells ehf. um tvær lóðir Krosseyjarveg nr. 21-23.Bæjarráð er jákvætt fyrir lóðarúthlutuninni en vísar til þess að eftir á að gera deiliskipulag á svæðinu. Umhverfis- og skipulagsnefnd hefur samþykkt að gert verði deiliskipulag á svæðinu.

Umsókn Tröllaferða ehf. um lóð að Borgartúni 3 í Öræfum.Bæjarráð er jákvætt fyrir umsókninni.

Erindi frá Samtökum sunnlenskra sveitarfélaga dags. 9. september, þar sem óskað er eftir að Sveitarfélagið Hornafjörður taki þátt í vinnu við svæðisskipulag fyrir Suðurhálendið.