Bæjarstjórn Hornafjarðar

Með nýrri jafnlaunastefnu er lögð áhersla á að markmið sveitarfélagsins að vera eftirsóttur vinnustaður og að starfsfólk fái greitt fyrir störf sín á grundvelli verðmæti starfa óháð kyni, kynvitund eða öðrum ómálefnalegum ástæðum. Launastefnan tekur mið af heildarmarkmiðum og starfsáætlunum sveitarfélagsins og er ætlað að styðja við og efla þjónustu þess að gæðum og skilvirkni. Jafnframt er jafnlaunastefna sveitarfélagsins samofin launastefnu þess og er ætlað að tryggja að jafnréttis sé gætt við allar launaákvarðanir.

Nýjar verklagsreglur um ofbeldi gagnvart börnum eru lagðar fram, reglurnar eru til að tryggja samræmd vðbrögð þegar grunur vaknar um hvers konar ofbeldi gagnvart börnum, þá hafa starfsmenn skýrar reglur um á hvaða hátt skuli bregðast við.

Björgvin Ó. Sigurjónsson greindi frá að óveruleg breyting á aðalskipulagi felur í sér að svæðið VÞ10 sem er skilgreint sem verslun og þjónusta í aðalskipulagi og er því ekki um breytingu á uppdrætti að ræða. Breytingin snýr að skilgreiningu og fjölda gesta innan svæðisins sem verður eftir breytinguna, allt að 40 gistirými, allt að 80 gestir.

Björgvin greindi frá óverulegri breyting á aðalskipulagi vegna efnistöku í Skinney. Breytingin felur í sér að heimila allt að 30.000 m³ efnistöku i núverandi námustæði. Efnistakan er talin hafa óveruleg áhrif á umhverfið umfram það sem nú þegar er og minnkar áhrif vegna aksturs við gerð varnargarða frá Suðurfjörutanga út í Einholtskletta. Samkvæmt viðauka 2.04 í lögum um mat á umhverfisáhrifum nr. 106/2000 fellur efnistakan í flokk C og því ekki háð umhverfismati.

Björgvin greindi frá að með aðalskipulagsbreytingunni var unnin breyting á skipulagsuppdráttum fyrir Öræfi og Suðursveit, ásamt skipulagsuppdrætti fyrir sveitarfélagið í heild sinni. Einnig eru gerðar breytingar á skilmálum vegna framkvæmda innan stækkaðs svæðis í samræmi við stjórnunar- og verndaráætlun Vatnajökulsþjóðgarðs. Afmörkun þjóðgarðsins er breytt í samræmi við stækkun hans frá 2017. Afþreyingar- og ferðamannasvæði er stækkað. Athugasemdir bárust og hefur verið brugðist við þeim.

Björgvin greindi frá að tilgangur deiliskipulagsins er að skilgreina ramma um mannvirkjagerð og aðgerðir svo hægt verði að taka á móti vaxandi fjölda ferðamanna án þess að spilla svæðinu. Árið 2018 komu 850 þús. ferðamenn að Lóninu. Í deiliskipulaginu er lögð áhersla á að útlit og yfirbragð mannvirkja verði samræmt og nýbyggingar og framkvæmdir lúti landslagi og staðháttum.Helstu viðfangsefni deiliskipulagsins eru skipulag þjónustusvæðis, bílastæða, stíga og tenginga við aðliggjandi svæði, lega Hringvegarins og tengingar við hann. Unnið er i samræmi við stjórnunar- og verndaráætlun Vatnajökulsþjóðgarðs, náttúruvernd, útivist og byggðaþróun. Athugasemdir bárust í framhaldinu voru gerðar breytingar á tillögunni.

Björgvin greindi frá að markmið með breytingu á aðalskipulagi er að heimila uppbyggingu verslunar-, veitinga-og gistiaðstöðu ásamt aðstöðu henni tengdri. Í kafla 16.2 er bætt við Dilksnes. Ferðaþjónusta. Uppbygging gisti- og veitingaþjónustu verður heimil skv. deiliskipulagi fyrir allt að 35 gesti í húsum og einnig verslun, m.a. í tengslum við rekstur gróðrarstöðvar. Athugasemdir bárust, eftir auglýsingu var VÞ47 fellt út úr tillögunni í samræmi við umsagnir.

Björgvin greindi frá nýju deiliskipulagi að Dilksnesi, umsagnarferli er lokið, athugasemdir bárust og var brugðist við þeim með breytingu á uppdrætti og greinargerð.

Björgvin greindi frá nýju deiliskipulagi vegna hitaveitu frá Hoffelli inn að Höfn. Umsagnir bárust frá Minjastofnun, Heilbrigðiseftirliti Austurlands, Umhverfisstofnun og Vegagerðinni, brugðist hefur verið við þeim á fyrri stigum málsins.

Björgvin greindi frá nýrri deiliskipulagstillögu fyrir Reynivelli II. Markmið með gerð deiliskipulagsins er að bæta ferðaþjónustu á svæðinu og miða að því að uppbygging ferðaþjónustu nýtist íbúum jafnt og ferðamönnum.

Ósk um að unnin verði óveruleg breyting á deiliskipulagi tjaldsvæðis. Byggingareitur verði færður svo hægt sé að setja hreinlætisaðstöðu sunnan við núverandi byggingu.

Björgvin greindi frá framkvæmdaleyfi Vegagerðarinnar vegna leiðigarðs vestan við brúna yfir Jökulsá í Lóni ásamt bakkavörn.Gert er ráð fyrir að leiðigarður verði um 230 m. og bakkavörn um 320 m. Heildar efnisþörf er áætluð 10.600 m³ og verður sótt í þrjár námur í samráði við landeigendur.Náma C er merkt E13 í Aðalskipulagi, Stafafell-Jökulsá-milli Arasels og Hnútu. Er í flokki 3 og því heimilt að veita framkvæmdaleyfi.Námur A og B eru í farvegum Jökulsár og Hlíðarár og hvor um sig minni en 10.000 m³ og falla því undir heimild í aðalskipulagi um að taka efni úr árfarvegi án þess að efnistaka sé merkt í aðalskipulagi að uppfylltum skilyrðum. Framkvæmdin fellur undir flokk C í samræmi við 1. viðauka í lögum um mat á umhverfisáhrifum.

Forseti greindi frá grenndarkynningu vegna byggingaleyfis fyrir Hofsnes Móa, ein athugasemd barst og var uppdráttur lagfærður í samræmi við hana.

Forseti greindi frá umsókn Þingvangs ehf. um lóð að Ránarslóð 3 B1 og B2, bæjarráð mælti með lóðarúthlutuninni.