Bæjarstjórn Hornafjarðar

Viðauki I lagður fram, um er að ræða hækkun á fjárfestingaáætlun um 14,5 m. kr. vegna kaupa á rakastýringatæki fyrir Íþróttahúsið Höfn. Viðaukanum verði mætt með lækkun á handbæru fé.

Bæjarráð leggur til að reglur um foreldragreiðslur verði framlengdar um eitt ár eða út árið 2020.

Lagt til að sveitarfélagið afsali eignarhlut sínum í Brennu-Flosa hf. til Sinnu ehf. sbr. framlagða yfirlýsingu.

Matthildur Ásmundardóttir greindi frá nýrri stefnu um aðgang að skjölum í vörslu Héraðsskjalasafns. Héraðsskjalasafnið hefur sett sér sérstaka aðfanga - og vörslustefnu til að tryggja að varðveislu einkaskjalasafna sé hagað skipulega og með kerfisbundnum hætti. Mikilvægt er að einkaskjalasöfn varðveitist ekki síður en skjöl opinberrar stjórnsýslu til að tryggja vitnisburð um fyrri tíma á fullnægjandi hátt.Lagði til að bæjarstjórn samþykki nýja aðfanga- og vörslustefnu.

Ásgerður K. Gylfason kynnti sóknaráætlun Suðurlands.

Skaftárhreppur óskar eftir umsögn Sveitarfélagsins Hornafjarðar um skipulagslýsingu vegna endurskoðunar aðalskipulags.

Björgvin greindi frá að markmið með gerð deiliskipulagsins er að efla byggð og styrkja atvinnulíf í sveitarfélaginu. Skipulagið tekur til uppbyggingar ferðarþjónustu, veitingareksturs, gistiaðstöðu, þvottahúss, verslun, minni gistihúsa, íbúðarhúsa, aðstöðuhúss og starfsmannaaðstöðu sem samræmist aðalskipulagi.Tillagan var til kynningar frá 19. desember 2019 til 3. febrúar 2020. Umsagnir bárust frá HAUST,NÍ, MÍ, Vegagerðinni og Umhverfisstofnun.Lagði til að bæjarstjórn samþykki deiliskipulagið og vísi því í lögformlegt ferli skv. 40. og 41. gr. skipulagslaga nr. 123/2010 og að bæjarstjórn geri svör skipulagsnefndar að sínum.

Björgvin greindi frá að markmið með breytingu á deiliskipulagi fyrir Lambleiksstaði er að efla byggð og styrkja atvinnulíf. Ferðaþjónusta hefur lengi verið á Lambleiksstöðum og með gerð þessarar breytingar er rekstrargrundvöllur styrktur, skipulagssvæðið stækkað og skipt í byggingarreiti A-D hver með sína húsaþyrpingu. Breytingin á deiliskipulaginu tekur til frekari uppbyggingar á gistiaðstöðu og nýbygginga fyrir ferðaþjónustu.Skipulagið var til kynningar frá 16. maí til 1. júlí 2019. Skráning fornminja hefur farið fram skv. athugasemdum og hefur verið færð inn í tillöguna.Lagði til að bæjarstjórn samþykki deiliskipulagsbreytinguna og vísi henni í lögformlegt ferli skv. 40. og 41. gr. skipulagslaga.

Björgvin greindi frá óverulegri breytingu á deiliskipulagi við tjaldsvæði, breytingin fellst í að byggingareitur L7 fyrir þjónustuhús stækkar til suðurs um tæplega 9. metra og bílastæðum fækkar um 6 á lóð þjónustuhúss.Lagði til að bæjarstjórn samþykki óverulega breytingu á deiliskipulagi tjaldsvæði og íbúðarsvæði við Fiskhól og vísi því í lögformlegt ferli skv. 2. mgr. 41 gr. skipulagslaga.

Erindi frá landeigendum að Svínafelli þar sem óskað er eftir landskiptum á jörðinni Svínafelli í Öræfum.Jörðin Svínafell í Öræfum verði skipt upp samkvæmt uppdrætti. Jóhann Þorsteinsson kt. 090452-3719 eigandi Svínafells 1 landeignanúmer L160192 fær 33.3% úrskipts lands merkt á landskiptakorti A,B,C,D. Hólmfríður Guðlaugsdóttir kt. 130163-3009 og Ármann Karl Guðmundsson kt. 210165-3209 eigendur Svínafells 2 og 4 landeignarnúmer L160195 fá 36,6% úrskipts lands merkt á landskiptakorti E,F,G,H. Inga Ragnheiður Magnúsdóttir kt. 271054-2549 eigandi Svínafells 3 Bölti, Landnúmer L160196 fær 30,1% úrskipt lands. Svínafell 3 Bölti merkt á landskiptakorti sem svæði I,J,K,L,M,N,O.

Umsókn Arons Franklín Jónssonar um lóð að Borgartúni 6 að Hofi í Öræfum. Bæjarráð er jákvætt fyrir lóðarúthlutuninni.

Umsókn Góðrar framkvæmdar ehf. Goðatúni 20 Garðabæ um lóð að Óslandi nr. K. Bæjarráð er jákvætt fyrir umsókninni.

Umsókn Góðrar framkvæmdar ehf. Goðatúni 20 Garðabæ um lóð að Óslandi nr. J. Bæjarráð er jákvætt fyrir umsókninni.

Umsókn Einars Jóhanns Sigurðssonar um lóð að Hagaleiru 1 lögð fram. Bæjarráð er jákvætt fyrir lóðarúthlutuninni.

Sæmundur Helgason gerði grein fyrir fyrirspurn sem hann sendi inn 11. febrúar þar sem hann óskar er eftir upplýsingum um hvort færa eigi Þjóðveg 1 í þéttbýli austur fyrir byggð og hvort færa eigi Þjóðveg 1 Öræfum á aðalskipulagi. Óskað er eftir upplýsingum um í hvaða ferli málin eru og hver er framgangur þeirra.