Bæjarstjórn Hornafjarðar

Reglur þessar eru uppfærðar með vísan til laga um félagsþjónustu sveitarfélaga nr. 40/1991 og laga um þjónustu við fatlað fólk með langvarandi stuðningsþarfir nr. 38/2018 og laga um málefni aldraðra nr. 125/1999.Markmið heimaþjónustu er að efla notandann til sjálfsbjargar og sjálfræðis og gera honum kleift að búa sem lengst á eigin heimili við sem eðlilegastar aðstæður. Við framkvæmd og skipulagningu þjónustunnar skal lögð áhersla á að sníða hana að þörfum notandans og virða sjálfsákvörðunarrétt hans.

Björgvin Sigurjónsson greindi frá að Íslandshótel óska eftir óverulegri breytingu á aðalskipulagi Sveitarfélagsins Hornafjarðar 2012-2030 í landi Hnappavalla vegna hótelbyggingar. Óskað er eftir því að heimilaður herbergjafjöldi verði færður úr 120 herbergjum í 125 herbergi. Skipulagsnefnd samþykkti breytinguna á fundi sínum 12. ágúst sl.Lagði til að bæjarstjórn samþykki tillögu að óverulegri breytingu á aðalskipulagi við Hnappavelli og vísi því í lögformlegt ferli skv. 36. gr. skipulagslaga nr. 123/2010.

Björgvin Sigurjónsson greindi frá að Íslandshótel óska eftir óverulegri breytingu á deiliskipulagi í landi Hnappavalla vegna hótelbyggingar. Óskað er eftir því að heimilaður herbergjafjöldi verði færður úr 120 herbergjum í 125 herbergi. Skipulagsnefnd samþykkti breytinguna á fundi sínum 12. ágúst sl. Lagði til að bæjarstjórn samþykki óverulega breytingu á deiliskipulagi við Hnappavelli og vísi því í lögformlegt ferli skv. 43. gr. skipulagslaga.Ekki er þörf á að grenndarkynna breytinguna því hún hefur ekki áhrif á hagsmuni í grennd, skv. 44. gr. skipulagslaga.

Björgvin Sigurjónsson greindi frá að vegna vinnu við sjóvarnargarða var unnin aðalskipulagsbreyting þar sem náman í Skinney var stækkuð úr 10.000 m3 í 30.000 m3.Ljóst er að það efni er ekki nægilegt fyrir varnargarðana og því æskilegt að auka enn frekar við efnismagnið sem tekið er úr námunni. Stærð námunnar verður áfram innan við 3 ha en óskað er eftir heimild til að vinna óverulega breytingu á aðalskipulagi og auka efnismagn í 49.000 m3 og eiga þá möguleika á að nýta námuna til minniháttar viðhaldsvinnu við garðana á næstu árum.Aðalskipulagsbreytingin felur í sér óverulega breytingu á landnotkun og sé ekki líkleg til að hafa mikil áhrif á einstaka aðila eða hafa áhrif á stór svæði. Aukning á efnistöku fellur undir flokk C í lið 2.04 í 1. viðauka laga um mat á umhverfisáhrifum nr. 106/2000. Samkvæmt viðmiðum í 2. viðauka sömu laga um eðli, umfang og staðsetningu framkvæmdarinnar er framkvæmdin ekki líkleg til að hafa í för með sér umtalsverð umhverfisáhrif og er því ekki háð mati á umhverfisáhrifum.Lagði til að bæjarstjórn samþykki tillögu að breytingu á aðalskipulagi skv. 2. mgr. 36. gr. skipulagslaga og vísi henni í lögformlegt ferli

Björgvin Óskarsson kynnti nýja skipulagslýsingu fyrir miðsvæði Hafnar. Með nýju deiliskipulagi á að styrkja miðsvæði bæjarins umhverfis skóla- og íþróttasvæðið og leggja línurnar fyrir þróun þess. Stefnt er að því að endurskipuleggja svæðið með það að markmiði að efla enn frekar aðstöðu til íþróttaiðkunar, lagfæra skólalóðir og efla svæðið sem aðlaðandi útivistarsvæði til samverustunda og mannfagnaðar, allan ársins hring. Lagði til að bæjarstjórn samþykki lýsingu að nýju deiliskipulagi fyrir miðsvæði Hafnar og vísi því til umsagnar hjá Skipulagsstofnun og umsagnaraðilum og að kynna lýsinguna fyrir almenningi skv. 40. gr. skipulagslaga.

Grenndarkynning vegna byggingar sólstofu og þakskyggnis að Silfurbraut 25 hefur farið fram skv. 44. gr. skipulagslaga. Ein athugasemd barst í gegnum síma þar sem lögð var áhersla á að samræma útlit sólstofa við raðhúsið.

Forseti lagði til að bæjarstjórn samþykki afgreiðslu skipulagsnefndar um staðsetningu smáhýsis við Birkifell án deiliskipulagsgerðar skv. 1. mgr. 44. gr. skipulagslaga staðsetning hússins og hafi ekki áhrif á hagsmuni annarra en umsækjanda og að bæjarstjórn samþykki að fallið verði frá grenndarkynningu skv. 2. ml. 3. mg. 44. gr. skipulagslaga. Afgreiðslan samræmist aðalskipulagi.

Skipulagsnefnd leggur til að lóðin verði stækkuð um 218 m².