Bæjarstjórn Hornafjarðar

Lagt fram erindi frá Þjóðskrár Íslands frá 21. ágúst 2021 þar sem fram koma fyrirmæli um meðferð kjörskrárstofna frá Þjóðskrá, alþingiskosninga 25. september 2021. Jafnframt lagður fram stofn að kjörskrá fyrir Sveitarfélagið Hornafjörð, sem unnin hefur verið af Þjóðskrá Íslands og yfirfarin af starfsmönnum sveitarfélagsins. Alls eru 1.508 á kjörskrá sveitarfélagsins fyrir þessar kosningar. Forseti lagði til að bæjarstjórn samþykki framlagða kjörskrá eins og hún liggur fyrir og felur oddvita að undirrita hana.

Matthildur Ásmundardóttir greindi frá að markmið með reglum um sölu íbúða í eigu sveitarfélagsins er að skýra hvernig staðið verður að sölu íbúða í eigu Sveitarfélagsins Hornafjarðar. Stefna sveitarfélagsins er að fækka íbúðum í eigu sveitarfélagsins en nýta þess í stað þau úrræði sem sveitarfélagið hefur upp á að bjóða, þ.e. húsaleigubætur og sérstakar húsaleigubætur.

Reglur um refa- og minkaveiðar fjalla um stöðu, ábyrgð og starf veiðimanna við veiðar á refum og minkum í sveitarfélaginu.

Ákvörðun bæjarstjórnar er tekin á grundvelli 6. gr. laga nr. 153/2006 um gatnagerðargjöld. Þar kemur fram að sveitarstjórn er heimilt að lækka eða fella niður gatnagerðargjald af einstökum lóðum í sveitarfélaginu við sérstakar aðstæður, svo sem vegna þéttingar byggðar, atvinnuuppbyggingar, lítillar ásóknar í viðkomandi lóð eða eftirspurnar eftir leiguhúsnæði.

Björgvin Ó. Sigurjónsson greindi frá að Flugvirkjafélag Íslands sækir um leyfi til að rífa núverandi 30,6 fm. sumarbústað í Klifatanga í Suðursveit og byggja um 150 fm. heilsárs frístundahús í staðinn. Ekki er til gildandi deiliskipulag fyrir svæðið, skv. aðalskipulagi er svæðið innan frístundabyggðar F15 í Suðursveit. Svæðið er einnig merkt sem önnur náttúruvernd ÖN10 og er á náttúruminjaskrá. Beiðni um umsagnir hafa verið sendar til Umhverfisstofnunar og Náttúrufræðistofnunar Íslands.Lagði til að bæjarstjórn samþykki að núverandi 30,6 fm. sumarbústaður verði rifinn og byggður um 150 fm. heilsárs frístundahús í staðinn í samræmi við framlagðar teikningar skv. 1.mgr. 44.gr. skipulagslaga þar sem framkvæmdin er í samræmi við landnotkun, byggðamynstur og þéttleika byggðar, að því tilskyldu að jákvæðar umsagnir berist frá Umhverfisstofnun og Náttúrufræðistofnun Íslands. Lagði einnig til að bæjarstjórn samþykki að fallið verði frá grenndarkynningu skv. 3.mgr. 44.gr. skipulagslaga þar sem framkvæmdin varði ekki hagsmuni annarra en umsækjanda.

Hepputorg ehf. sækir um leyfi fyrir breytingu á útliti húss á Heppuvegi 6. Breytingar felast í því að núverandi gluggum og hurðum er breytt og fleiri gluggum og hurðum bætt við. Sólpalli er bætt við austurhlið hússins. Á norðurhlið hússins er bætt við tveimur svölum. Á öðrum þeirra er bætt við aðgengi með tröppum upp á aðra hæð. Gildandi deiliskipulag gerir ekki ráð fyrir viðbyggingu við hús að Heppuvegi 6.Lagði til að heimilt verði að breyta útliti á húsi að Heppuvegi 6 í samræmi við framlagðar teikningar skv. 3.mgr. 43.gr. skipulagslaga nr.123/2010, þar sem um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Vegagerðin óskar eftir framkvæmdaleyfi vegna efnistöku í Kolgrímu.Fyrirhuguð framkvæmd er í samræmi við aðalskipulag og í samræmi við landnotkun. Forseti lagði til að bæjarstjórn samþykki að veita framkvæmdaleyfi skv. 13. grein skipulagslaga.

Björn Guðmundur Sæbjörnsson og Sigurgeir Jónsson óska eftir breytingu á lóðarmörkum milli Skálafells 1 lóð A og Skálafells 1 lóð B skv. meðfylgjandi uppdráttum. Til staðar er staðfest deiliskipulag fyrir svæðið. Bæjarráð samþykkti á fundi sínum þann 13.7. 2021 að vinna mætti óverulega breytingu á deiliskipulagi þar sem gerð yrði grein fyrir breyttum lóðamörkum og byggingarreitum.Forseti lagði til að bæjarstjórn samþykki óverulega breytingu á deiliskipulagi skv. 2. mgr. 43. gr. skipulagslaga enda víkur tillagan óverulega frá notkun, nýtingarhlutfalli og formi viðkomandi skipulags. Lagði einnig til að bæjarstjórn samþykki að fallið verði frá grenndarkynningu skv. 3. mgr. 44. gr. skipulagslaga þar sem breytingin varðar ekki hagsmuni annarra en umsækjenda.

Erindi frá Snorra Snorrasyni fyrir hönd landeiganda að jörðinni Hjarðarnes. Lovísa Eymundsdóttir kt. 151244-2629, óskar eftir að skipta lóð úr jörðinni Hjarðarnes landeignanúmer: L159484 og fastanúmer F2180204, útskipting á lóðinni Háhóll, landeignanúmer L189543 og fastanúmer F2267484, úr upprunalandinu. Útskipting lóðarinnar rýrir ekki upprunalandið svo neinu nemi. Forseti lagði til að bæjarstjórn samþykki landskiptin með vísan í 13. gr. jarðarlaga nr. 81/2014 og vísan í 48. gr. skipulagslaga .

Straumhvarf ehf. sækir um lóð að Borgartúni 1. og 2. Bæjarráð mælir með lóðarúthlutuninni.

Arcanum Fjallaleiðsögumenn ehf. sækja um lóð að Borgartúni 3 og 5. Bæjarráð mælir með lóðarúthlutuninni.