Bæjarstjórn Hornafjarðar

Bæjarstjóri lagði til að bæjarstjórn samþykki að framkvæmd verði íbúakosning um samþykkt aðal- og deiliskipulag. Framkvæmd íbúakosningarinnar verði ráðgefandi og hún verði samhliða sveitarstjórnarkosningum 14. maí nk. skv. 107. gr. sveitarstjórnarlaga nr.123/2011. Leitað var til Félagsvísindastofnunar Háskóla Íslands um ráðgjöf vegna framlagningar á spurningu vegna íbúakosningarinnar. Spurning íbúakosningarinnar verði þessi: Nýtt aðal- og deiliskipulag um þéttingu byggðar í Innbæ á Höfn, samkvæmt auglýsingum um samþykkt bæjarstjórnar frá 16. apríl 2020 og 27. maí 2021, hefur verið samþykkt af bæjarstjórn Sveitarfélagsins Hornafjarðar. Ekkert deiliskipulag var áður í gildi fyrir svæðið, en allar upplýsingar um nýja deiliskipulagið og aðalskipulagsbreytinguna má sjá á heimasíðu sveitarfélagsins https://www.hornafjordur.is/stjornsysla/skipulagsmal/skipulag-i-kynningu/Vilt þú að þessi nýju aðal- og deiliskipulag haldi gildi sínu með þeim breytingum sem því fylgja, eða vilt þú að það falli úr gildi og þar með verði skipulag óbreytt á svæðinu? Ég vil að nýtt aðal- og deiliskipulag haldi gildi sínu. Ég vil að nýtt aðal- og deiliskipulag falli úr gildi.

Breytingar á reglum um starfsemi leikskóla snúa að ýmsum þáttum svo sem innritun, meiri fyrirsjáanleika í leikskólastarfinu og auknum sveigjanleika gagnvart foreldrum.Forseti lagði til að bæjarstjórn samþykki breytingar á reglum um starfsemi leikskóla.

Breytingar á samþykkt um stjórn og fundarsköp sveitarfélagsins lagðar fram til fyrri umræðu.Helstu breytingar á samþykktum sveitarfélagsins varða 14. gr. um rafræna fjarfundi og 48. gr. þar sem fjölmenningaráð er fest í sessi í samþykktunum en ráðið hefur þegar tekið til starfa.Forseti bar breytingu á samþykktum sveitarfélagsins upp til atkvæða.

Björgvin Ó. Sigurjónsson greindi frá breytingu á aðalskipulagi þar sem íbúðarbyggð á Leirusvæði ÍB1 stækkar til suðvesturs og opið svæði OP2 minnkar að sama skapi. Markmið breytingarinnar er að skapa rými í íbúðarbyggðinni fyrir nýja raðhúsalóð neðan við Fiskhól.Lagði til að bæjarstjórn samþykki breytinguna og vísi henni í lögformlegt ferli skv. 30. og 31. gr. skipulagslaga nr. 123/2010.

Björgvin Ó. Sigurjónsson greindi frá breytingu á deiliskipulagi þar sem bætt er við einni raðhúsalóð við Hagaleiru fyrir 6 íbúðir. Markmið með breytingunni er að koma til móts við eftirspurn eftir íbúðahúsnæði á Höfn.Samhliða tekur afmörkun deiliskipulags Tjaldsvæðis á Höfn breytingum og einnig afmörkun íbúðasvæðis ÍB1 í aðalskipulagi Sveitarfélagsins Hornafjarðar 2012-2030.Lagði til að bæjarstjórn samþykki að auglýsa tillögu að breytingu á deiliskipulögunum Tjaldsvæði og Leirusvæði skv. 40. og 41. gr. skipulagslaga.

Björgvin Ó. Sigurjónsson greindi frá tillögu að breytingu á deiliskipulaginu Hafnarvík - Heppa. Byggingarreitir lóða við Hafnarbraut 4 og 6 stækka og verða samtengdir. Heimild verður fyrir þriggja hæða byggingu og kjallara á lóð nr. 6 og allt að tveggja hæða viðbyggingu og kjallara á hluta lóðar nr. 4. Gert er ráð fyrir um 20 bílastæðum í kjallara.Lagði til að bæjarstjórn samþykki að auglýsa tillögu að breytingu á deiliskipulagi og vísi henni í ferli skv. 40 og 41. gr. skipulagslaga.

Björgvin Ó. Sigurjónsson greindi frá að markmið með deiliskipulaginu Skaftafell III og IV er að sníða ramma utan um byggð lítilla húsa á jörðinni Skaftafell III og staðsetja grunninnviði. Deiliskipulagstillagan var í auglýsingu frá 19. nóvember 2021 til 3. janúar 2022. Umsagnir bárust frá Vatnajökulsþjóðgarði, Veðurstofu Íslands, Minjastofnun, Vegagerðinni, HAUST og Árna Benediktssyni.Samráðsfundur vegna tillögunnar með Vegagerðinni og Vatnajökulsþjóðgarði var haldinn þann 15. febrúar 2022.Gerðar hafa verið eftirfarandi breytingar á tillögunni frá auglýsingu:* Texta um gróður á deiliskipulagssvæðinu hefur verið breytt lítillega.* Bætt hefur verið inn texta um útilýsingu á deiliskipulagssvæðinu.* Texta um tengingu við þjónustuhlað Vatnajökulsþjóðgarðs í Skaftafelli með göngustíg og göngubrú hefur verið breytt.* Göngustígur og brú/-brýr hefur verið afmáð af uppdráttum.* Texti um mögulega tengingu við vatnsveitur Vatnajökulsþjóðgarðs í Skaftafelli hefur verið fjarlægður.* Það sem áður var kallað „veghelgunarsvæði“ á deiliskipulagssvæði á uppdráttum er nú „vegsvæði“.* Bætt hefur verið inn skýringu í texta að lega rafstrengs sem sýnd er að deiliskipulagssvæðinu sé leiðbeinandi.Lagði til að bæjarstjórn samþykki nýtt deiliskipulag með þeim breytingum sem gerðar hafa verið til að bregðast við innkomnum umsögnum og vísi því í lögformlegt ferli skv. 42. gr. skipulagslaga.

Umsókn Mikaels ehf. um stækkun lóðar að Vesturbraut 6 lögð fram.

Umsókn Jóhannesar Hjalta Danner um heimild til þess að hafa þakskyggni á SA horni húss við Hagaleiru 12 óverulega út fyrir byggingarreit.Forseti lagði til að bæjarstjórn samþykki að heimilt verði að hafa þakskyggni óverulega út fyrir byggingarreit skv. framlögðum teikningum án breytinga á deiliskipulagi skv. 3. mgr. 43. gr. skipulagslaga enda um óverulegt frávik að ræða sem skerði ekki hagsmuni nágranna varðandi landnotkun, útsýni, skuggavarp eða innsýn.

Umsókn Jóns Malmquist Guðmundssonar um lóð að Víkurbraut 34.

Umsókn Humarhafnarinnar ehf. um lóð að Júllatún 8.

Umsókn Humarhafnarinnar ehf. um lóð að Júllatúni 10.