Bæjarstjórn Hornafjarðar

Skúli Ingólfsson og Gunnar Ásgeirsson viku af fundi undir þessum lið. Breyting á deiliskipulagi Hafnarvík Heppu var auglýst frá og með 17. mars til 17. maí 2022. Byggingarreitir lóða við Hafnarbraut 4 og 6 stækka og verða samtengdir. Heimild verður fyrir allt að þriggja hæða byggingu og kjallara. Athugasemdir bárust frá nágrönnum lóðanna og hefur verið brugðist við þeim.Innkeyrsla milli lóða 6 og 8/10 verði breikkuð úr 4,9m eins og hún er nú í 6m án þess að byggingarreit verði breytt í samræmi við athugasemdir eigenda að Hafnarbraut 8. Viðbygging á bak við gamla kaupfélagshúsið verði að hámarki 2 hæðir og nái ekki upp fyrir mæni á Hafnarbraut 4. Tilgangurinn er að taka tillit til umsagnar um að skipulagið taki mið af heildstæðu yfirbragði byggðar, samræmis í hæð og umfangi húsa og fínlegum mælikvarða byggðamynsturs og athugasemd um að þriggja hæða viðbygging á þessum stað sé til þess fallin að rýra byggingarlist gamla KASK hússins og raska stöðu þess í bæjarmynd Hafnar. Á sama tíma er komið til móts við athugasemdir eigenda Hafnarbrautar 3 um skerðingu á útsýni til fjalla. Að auki var lagt til að lóðamörkum austan megin yrði hnikað til þannig að malbikaður göngustígur verði í landi bæjarins og það komi því ekki í hlut lóðarhafa að viðhalda honum lóð nr. 6 og allt að tveggja hæða viðbyggingu og kjallara á hluta á lóð nr. 4. Gert er ráð fyrir um 20 bílastæðum í kjallara. Lagði til að bæjarstjórn samþykki breytingar á auglýstri tillögu að breytingu á deiliskipulagi Hafnarvík - Heppu og að bæjarstjórn geri svör umhverfis- og skipulagsnefndar að sínum og vísi því í lögformlegt ferli skv. 41. og 42. gr. skipulagslaga.

Lögð fram tillaga að breytingu á deiliskipulagi þar sem áætlað er að stækka núverandi leikskóla og koma fyrir tímabundnu húsnæði á lóðinni fyrir tvær leikskóladeildir.Lagði til að bæjarstjórn samþykki deiliskipulagsbreytinguna og vísi henni í lögformlegt ferli skv. 40. og 41. gr. skipulagslaga.

Mikael ehf. óskar eftir að heimilað verði frávik frá deiliskipulagi á Leirunni, að heimilað verði að byggja raðhús sem verði 4,66 m að hæð. Í gildi er deiliskipulag frá 1993 ásamt breytingum á því frá 2016 og 2022, sem gera ráð fyrir allt að 4,5m hátt raðhús.Lagði til að bæjarstjórn heimili að byggt verði 4,7 m. hátt raðhús skv. framlögðum teikningum og að vikið sé frá kröfum um breytingu á deiliskipulagi og grenndarkynningu, þar sem um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn, sbr. 3. mgr. 43. gr. skipulagslaga nr. 123/2010.

Skrýmir Árnason og Halldóra Jónsdóttir sækja um leyfi til að breyta íbúðarhúsi á Miðtún 12. Um er að ræða niðurrif viðbyggingar suðvestan við húsið, stækkun austan megin, hækkun þaks, og nýbyggingu fyrir geymslu og vinnustofu samkvæmt framlögðum teikningum. Ekki er til gildandi deiliskipulag fyrir svæði. Framkvæmd er í samræmi við aðalskipulag. Grenndarkynning fór fram frá 24. maí til 24. júní 2022. Engar athugasemdir bárust.Lagði til að bæjarstjórn samþykki að heimila framkvæmdir á lóðinni skv. framlögðum teikningum án deiliskipulagsgerðar enda er framkvæmdin í samræmi við landnotkun, byggðamynstur og þéttleika byggðar í samræmi við 44. gr. skipulagslaga.

Óskað er eftir framkvæmdaleyfi við gerðar göngubrúar yfir Svínafellsá og Skaftafellsá í Öræfum samkvæmt meðfylgjandi teikningum. Framkvæmdinni skal vera lokið fyrir árslok 2022.Landið sem um ræðir er í einkaeigu, leyfi landeigenda er fyrir framkvæmdunum. Framkvæmdirnar eru unnar í samráði við hagaðila.Fyrirhuguð framkvæmd er í samræmi við aðalskipulag sveitarfélagsins.

Óskað er eftir framkvæmdaleyfi við gerðar göngubrúar yfir Hólmsá á Mýrum samkvæmt meðfylgjandi teikningum. Framkvæmdinni skal vera lokið fyrir árslok 2022.Landið sem um ræðir er í einkaeigu og leyfi landeigenda er fyrir framkvæmdunum. Framkvæmdirnar eru unnar í samráði við hagaðila.Fyrirhuguð framkvæmd er í samræmi við aðalskipulag sveitarfélagsins.

Ósk um umsögn um stofnun lögbýlis. Fyrirhugað er að stofna lögbýli á landareign á L230376 sem búið er að hnitsetja og þinglýsa og gefa út afsal. Til stendur á næstu misserum að fara í uppbyggingu á jörðinni með búsetu og landbúnaðartengda starfsemi á jörðinni.

Umsókn Útsparks ehf. um lóð að Dalbraut 2a lögð fram.Bæjarráð er jákvætt fyrir lóðarúthlutuninni.

Umsókn Útsparks ehf. um lóð að Dalbraut 2b lögð fram.Bæjarráð er jákvætt fyrir lóðarúthlutuninni.

Umsókn Útsparks ehf. um lóð að Dalbraut 2c lögð fram.Bæjarráð er jákvætt fyrir lóðarúthlutuninni.