Bæjarstjórn Hornafjarðar

Bæjarstjóri gerði grein fyrir fjárhagsáætlun ársins 2023 og þriggja ára áætlun 2024-2026. Helstu niðurstöður áætlunarinnar fyrir árið 2023 í A og B hluta eru eftirfarandi: Rekstrarniðurstaða 242,5 m.kr., skuldir og skuldbindingar 2.745 m.kr., veltufé frá rekstri 578 m.kr., ný lántaka 350 m.kr., afborganir langtímalána 115 m.kr., handbært fé í árslok 55 m.kr. Skuldir og skuldbindingar í hlutfalli af tekjum 74,3%. Fjárfestingaáætlun næsta árs hljóðar upp á 800 m.kr. og unnið er að forgangsröðun verkefna og verður sundurliðuð framkvæmdaáætlun birt við síðari umræðu fjárhagsáætlunar á fundi bæjarstjórnar í desember. Þá eru álagningarreglur í endurskoðun og verða tillögur mótaðar að greiningavinnu lokinni og nýjar álagningarreglur afgreiddar við síðari umræðu fjárhagsáætlunar.

Breyting á deiliskipulagi austan Víkurbrautar - S3, sem tekur til lóðar Sjónarhóls á Kirkjubraut 47 var auglýst í samræmi við 1. mgr. 41. gr. skipulagslaga nr. 123/2010. Athugasemdarfrestur var frá 14. september til 26. október 2022.Engar athugasemdir né umsagnir bárust.Lagði til að bæjarstjórn samþykki deiliskipulagsbreytinguna í samræmi við 3. mgr. 41. gr. skipulagslaga nr. 123/2010.

Umhverfis- og skipulagsnefnd hefur látið skoða kosti nýrrar íbúðabyggðar til þess að bregðast við lóðaskorti á Höfn. Skoðað var hvort hægt væri að hefja vinnu við skipulag á svæði ÍB-2, nýlegar jarðvegsrannsóknir benda til að burðargeta jarðvegsins er verulegum vafa undiropið en kann að batna þegar árin líða. Því er lagt til að hefja skipulagsvinnu á svæði ÍB-5. Það svæði er merkt sem íbúðasvæði á aðalskipulagi og eðlilegur hluti af byggð sem er risin vestan Hafnarbrautar og nýting á þeim hluta nessins sem byggð nær nú þegar til.

Björgvin Ó. Sigurjónsson vék af fundu undir þessum lið. Umsókn um leyfi til að setja kaldan sólskála við Miðtúni 2. Skálinn verður um 13,5 m², um 2,5 m að hæð og fylgir honum yfirlýsing NMÍ um nothæfi fyrir íslenskar aðstæður. Ekki er til gildandi deiliskipulag fyrir svæðið. Grenndarkynning hefur farið fram skv. 2. mgr. 44. gr. skipulagslaga. Engar athugasemdir bárust. Lagði til að bæjarstjórn samþykki að heimilt verði að gefa út leyfi án deiliskipulagsgerðar skv. 1. mgr. 44. gr. skipulagslaga.

Skúli Ingólfsson vék af fundu undir þessum lið. Valdimar Ingólfsson og Aðalheiður Fanney Björnsdóttir óska eftir samþykki á stofnun nýrrar landeignar úr landi Sauðanes 2 (L230375). Um er að ræða 1,5 ha spildu sem fyrirhugað er að sameina Sauðanesi (L159512). Jafnramt er óskað eftir að landeign Sauðanes 2A (L234017) verði sameinuð Sauðanesi 2 (L230375).

Umhverfis- og skipulagsstjóri hefur stöðvað óleyfisframkvæmdir í óskiptu landi Hofs vestan við Hvalvörðugilslæk.

Bryndís Bjarnarson vék af fundi undir þessum lið. Umsókn um stækkun á lóð Dalbraut 4. Um er að ræða stækkun um 90 m² til austurs samkvæmt meðfylgjandi teikningu. Erindi var tekið fyrir fund umhverfis og skipulagsnefndar í 2011 þar sem nefndin mælti með því að umsækjanda verði veittur afnotaréttur af stækkun. Ekki er til gildandi deiliskipulag fyrir svæði.Umhverfis- og skipulagsnefnd mælir með að lóð að Dalbraut 4 verði stækkuð í samræmi við ósk umsækjanda.Forseti lagði til að bæjarstjórn samþykki stækknun álóðínni og að fallið verði frá grenndarkynningu þar sem stækkun á lóðinni varðar ekki hagsmuni annarra en sveitarfélagsins og umsækjanda skv. 44. gr. skipulagslaga.