Bæjarstjórn Hornafjarðar

Fjölmörg sveitarfélög hafa tekið sig saman og stofnað umdæmisráð um barnavernd á landsbyggðinni. Sveitarfélögin sem eiga aðild að umdæmisráði landsbyggða, skipa fimm manna valnefnd er fer með umboð sveitarfélaganna til skipunar í umdæmisráð barnaverndar sbr. viðauka við samninginn.Sveitarfélögin koma sér saman um að eitt þeirra sveitarfélaga sem valið er í valnefnd verði umsýslusveitarfélag sem er falið að annast fjárhagslega umsýslu vegna reksturs ráðsins og jafnframt ætlað að hafa yfirsýn yfir störf ráðsins.Valnefnd skal skipuð einum fulltrúa frá hverjum landsfjórðungi auk þess sem sá fimmti skal vera frá umsýslusveitarfélagi hverju sinni.

Gauti Árnason vék af fundi undir þessum lið. Deiliskipulagstillaga fyrir Háhól-Dilksnes var í kynningu frá 3. nóvember til 15. desember 2022. Engar athugasemdir bárust, umsagnir bárust frá HAUST, Náttúrfræðustofnun Íslands og Minjastofnun Íslands. Skipulagssvæðið er tvískipt og nær yfir um 37 ha. Svæðið er skammt norðan Hafnar og tekur yfir land Dilksness 1 og 2, Hjarðarness, Háhóls, Garðshorns og Hólaness.

Deiliskipulagstillaga fyrir Hafnarnes var í kynningu frá 3. nóvember til 15. desember 2022. Engar athugasemdir bárust, umsagnir bárust frá HAUST og Náttúrfræðistofnun Íslands. Skv. aðalskipulagi er heimil breyting fyrir allt að 60 gesti auk aðstöðu fyrir fimm starfsmenn. Markmið með deiliskipulaginu er að efla byggð á svæðinu og styrkja atvinnulíf.

Deiliskipulagstillaga fyrir Skjólshóla var í kynningu frá 3. nóvember til 15. desember 2022. Engar athugasemdir bárust, umsagnir bárust frá HAUST og Náttúrfræðistofnun Íslands. Markmið með deiliskipulaginu er að afmarka reit til að þess að koma upp litlum húsum til útleigu ásamt aðstöðu til þjónustu.

Skinney-Þinganes hf. óskar eftir breytingu á gildandi skilmálum deiliskipulags Hafnarsvæði við Krossey fyrir reit á Krosseyjarvegi 2 austan við fiskvinnsluhús. Deiliskipulagið gerir ráð fyrir 10 metra mænishæð, en óskar er eftir að mænishæð verði færð í 17 metra. Umhverfis- og skipulagsnefnd vísaði málinu til umsagnar hjá hafnarstjórn og óskaði einnig eftir umsögn slökkviliðsstjóra. Hafnarstjórn og slökkviliðsstjóri hafa fjallað um skipulagsbreytinguna og gera ekki athugasemdir við hana.

Breyting á deiliskipulagi fyrir Hornafjarðarhöfn, Ósland var í kynningu frá 30. september til 11. nóvember 2022. Umsagnir bárust frá Minjastofnun Íslands, MAST, Vegagerðinni og Náttúrustofu Suðausturlands ses. Ein athugasemd barst. Megin markmið með breytingunni er að tryggja skilvirka nýtingu og markvissa uppbyggingu á hafnarsvæðinu. Umhverfis- og skipulagsnefnd vísaði málinu til umsagnar hjá hafnarstjórn, sem gerði ekki athugasemd við skipulagið.

Breyting á deiliskipulagi fyrir um 13.000 m2 hótel í Útbæ var samþykkt í bæjarstjórn þann 25. október 2022. Skipulagsstofnun gerði athugasemdir við skipulagið við yfirferð og eru því lagfærð gögn lögð fram.

Lóðarhafi lóða Dalbraut 2A til 2C hefur lagt fram frumhönnun af fyrirhuguðum framkvæmdum á lóðunum. Fyrirhugað er að reisa tveggja hæða fjölbýlishús með sex íbúðum á hverri lóð. Umrætt svæði er á íbúðarsvæði ÍB9 skv. aðalskipulagi en deiliskipulag liggur ekki fyrir. Fyrirhugaðar framkvæmdir voru grenndarkynntar með útsendu bréfi dags. 29. nóvember með athugasemdarfresti til 31. desember 2022.Fjórar athugasemdir bárust.