Bæjarstjórn Hornafjarðar

Samþykkt um laun kjörinna fulltrúa og nefndamanna var tekin upp og gerð breyting á samþykktinni, áréttað með veikindarétt og upphæð vegna tækjabúnaðar bæjarstjórnamanna var hækkuð.

Sameiginleg samþykkt um umgengni og þrifnað utan húss á starfssvæði HAUST lögð fram til annarrar umræðu. Ekki eru efnislegar breytingar á samþykktinni heldur er verið að bregðast við sameiningu sveitarfélaga sem eru í samstarfi við Hornafjörð undir hatti HAUST.

Breyting á aðalskipulagi sveitarfélagsins að Seljavöllum 2 um er að ræða 6,8 ha. skipulagssvæði sem verður skilgreint sem verslunar- og þjónustusvæði.Helstu markmið með breytingunni eru að styðja við frekari uppbyggingu ferðaþjónustu á Seljavöllum þar sem fyrirhugað er að byggja hótel og 20 stakstæð hús til útleigu auk þjónustuhúsa. Nýtt deiliskipulag var unnið og auglýst samhliða aðalskipulagsbreytingunni. Tillagan var í kynningu frá 19. janúar til 2. mars sl. tvær umsagnir bárust frá Vegagerðinni, RARIK, Haust og MÍ.Forseti lagði til að bæjarstjórn samþykki tillögu að breytingu á aðalskipulagi 2012-2030 og að bæjarstjórn geri svör umhverfis- og skipulagsnefndar að sínum samkv. 32. gr. skipulagslaga nr. 123/2010.

Nýtt deiliskipulag fyrir Seljavelli 2, um er að ræða 6,8 ha. skipulagssvæði sem er skilgreint sem verslunar- og þjónustusvæði.Helstu markmið með breytingunni eru að styðja við frekari uppbyggingu ferðaþjónustu á Seljavöllum 2, fyrirhugað er að byggja hótel og 20 stakstæð hús til útleigu auk þjónustuhúsa. Nýtt deiliskipulag var unnið og auglýst samhliða aðalskipulagsbreytingunni. Tillagan var í kynningu frá 19. janúar til 2. mars sl. ein athugasemd barst frá Sigurði Bjarnasyni og umsagnir bárust frá Vegagerðinni, RARIK, Haust og MÍ.Umhverfis - og skipulagsnefnd lagði til að bæjarstjórn samþykki að gera svör nefndarinnar að sínum.Forseti lagði til að bæjarstjórn samþykki nýtt deiliskipulag fyrir Seljavelli og geri svör umhverfis- og skipulagsnefndar að sínum og vísi henni í lögformlegt ferli skv. 41. og 42. gr. skipulagslaga.

Deiliskipulag Þorgeirsstaða í Lóni er tekið fyrir að nýju þar sem deiliskipulagsferli frá 2020 lauk ekki innan þess tímaramma sem skipulagslög segja.Deiliskipulagið nær til hluta jarðanna Þorgeirsstaða (landnr. 159402) og Þorgeirsstaða 3 (landnr. 223144) í Lóni. Skipulagssvæðið er um 12 ha. að stærð og er í þrennu lagi. Á Þorgeirsstöðum er íbúðarhús og fjárhús en einnig hefur verið rekin þar ferðaþjónusta með gistingu fyrir 7 gesti. Virkjun er í Þorgeirsstaðaá. Fyrirhuguð er frekari uppbygging á ferðaþjónustustarfsemi, m.a. að breyta fjárhúsum í gistingu og vera með gistingu fyrir allt að 60 gesti.Forseti lagði til að bæjarsjórn samþykki að auglýsa að nýju deiliskipulagstillögu fyrir Þorgeirsstaði í Lóni skv. 40. gr skipulaglaga.

Björgvin Óskar Sigurjónsson og Tinna Rut Sigurðardóttir véku af fundi undir þessum lið. Umsókn Jakobs Arnar Guðlaugssonar og Sædísar Aspar Valdemarsdóttur um byggingarheimild fyrir breytingar á húsi að Mánabraut 2 samkvæmt framlögðum teikningum. Um er að ræða stækkun á bílskúr, nýja tengibyggingu, stækkun á húsi, breytingar á þaki, breytingar á gluggum og hurðum, breytingar á innra skipulagi og nýja klæðningu bæði á þaki og veggjum. Lóð er inn á íbúðarsvæði ÍB9 samkvæmt aðalskipulagi sveitarfélagsins, en ekkert deiliskipulag er í gildi fyrir svæði. Grenndarkynning fór fram 11. janúar með athugasemdarfresti til 10. febrúar 2023. Engin athugasemd barst.Forseti lagði til að bæjarstjórn samþykki grenndarkynninguna og byggingarheimildina fyrir breytingar á Mánabraut 2 án deiliskipulagsgerðar samkvæmt 44. gr. skipulagslaga nr. 123/2010.

Björgvin Óskar Sigurjónsson vék af fundi undir þessum lið. Landeigendur að Hoffelli 1 L159488, Hoffelli 2 L159494 og Miðfelli L 159509, 781 Hornafirði, Úlfar Helgason, kt. 110745-7299, eigandi Hoffells 1 L159488, Andri Már Jónsson kt. 141076-4189 eigandi Hoffells 1 L159488, Benedikt Jónsson kt. 251277-4359 eigandi Hoffells 1 L159488, Þrúðmar Sigurður Þrúðmarsson, kt. 141254-5109 eigandi Hoffells 2 L159494 og Miðfells L 159509 og Ingibjörg Ævarr Steinsdóttir, kt. 020453-4519, eigandi Miðfells L 159509 óska eftir því við bæjarstjórn að staðfest verði innra skipulag að Hoffelli 1, Hoffelli 2 og Miðfelli og að skiptingin sbr. meðfylgjandi lóðarblöð nr. 101 - 108, unnin af Verkhof ehf., dags. 7. mars 2023, sé í samræmi við skipulagsskilmála. Hoffell I, Hoffell 2 og Miðfell eru í dag í óskiptri sameign og verða það áfram að því er varðar það land sem ekki er verið að skipta upp skv. meðfylgjandi lóðarblöðum. Svæðin Hoffell 1 svæði A, Hoffell 1 svæði B, Hoffell 1 svæði C og Hoffell 1 svæði D renna við skiptin í óskipta sameign að Hoffelli 1, L 159488, þannig að Úlfar Helgason kt. 110745-7299 eignast 50% hlut og þeir Andri Már Jónsson, kt. 141076-4189 og Benedikt Jónsson kt. 251277-4359 eignast 25% hlut hvor. Svæðin Hoffell 2 og Miðfell svæði E, Hoffell 2 og Miðfell svæði F, Hoffell 2 og Miðfell svæði G og Hoffell 2 og Miðfell svæði H, renna við skiptin inn í Hoffell 2, L159494, og Miðfell L 159509, í jöfnum hlutföllum. Hoffell 2 (L159494) er í 100% eigu Þrúðmars Sigurðar Þrúðmarssonar kt. 141254-5109 og Miðfell (L159509) er í 50% eigu Þrúðmars Sigurðar Þrúðmarssonar kt. 141254-5109 og 50% eigu Ingibjargar Ævarr Steinsdóttur, kt. 020453-4519.

Beiðni Vegagerðarinnar um efnistöku er í samræmi við fyrirspurn Vegagerðarinnar um matsskyldu, álit Skipulagsstofnunar og Aðalskipulag Sveitarfélagsins Hornafjarðar 2012-2030.Með tilvísun í töflu 20.1 í greinargerð aðalskipulags telur umhverfis- og skipulagsnefnd að ekki sé þörf á að deililskipuleggja námuna.Forseti lagði til að bæjarstjórn samþykki að veitt verði framkvæmdaleyfi fyrir 78.000 m3 af grjóti til framkvæmda á Breiðamerkursandi á næstu 10 árum með þeim skilmálum að fylgt sé þeim mótvægisaðgerðum sem gert er grein fyrir í fyrirspurn um matsskyldu, að gengið sé frá námunni eftir hvert skipti sem farið er í námuna og að bæjarstjórn samþykki að fallið sé frá gerð deiliskipulags fyrir svæðið. Settur er fyrirvari um afstöðu Minjastofnunar.

Breyting á lóðarmörkum við Hagatún 16 var í grenndarkynningu frá 11. janúar til 10. febrúar. Ein athugasemd barst sem varðar snúningssvæði í götunni. Forseti lagði til að bæjarstjórn samþykki breytingu á lóðarmörkum og grennarkynninguna og að fallið verði frá gerð deiliskipulags skv. 44. gr. skipulagslaga.

Umsókn Þingvaðs ehf. um lóð að Álaugarvegi 10, bæjarráð er jákvætt fyrir úthlutuninni. Forseti lagði til að bæjarstjórn samþykki lóðarúthlutunina.